OTT Move : చెప్పులు మారితే జీవితం మారుతుందని చూపించిన స్వీట్ మ్యాజికల్ జర్నీ ‘ది కొబ్లర్’. ఈ సినిమా చుస్తే నిజంగా అలానే అనిపిస్తుంది. థియేటర్లలో అంతగా విజయం సాధించని ఈ సినిమా, ఓటీటీలో బాగా ట్రెండ్ అయింది. ఆడమ్ సాండ్లర్ కామెడీ టైమింగ్ తో అదరగొట్టాడు. ఇందులో ఒక చెప్పులు కుట్టే మ్యాజికల్ మిషన్ తో అతను వేరే మనిషి రూపంలోకి మారుతుంటాడు. ఈ కొత్త కాన్సెప్ట్ ఆడియన్స్ కి కూడా బాగా నచ్చింది. ఇది ఏ ఓటీటీలో ఉంది ? దీని కథ ఏమిటి ? అనే వివరాల్లోకి వెళ్తే ….
టామ్ మెక్ డైరెక్షన్ లో వచ్చిన ‘ది కొబ్లర్’ (The Cobbler) మూవీలో ఆడమ్ సాండ్లర్ లీడ్ రోల్ లో నటించాడు. ఈ మ్యాజికల్ ఫాంటసీ ఇప్పటికీ నెట్ఫ్లిక్స్లో టాప్ లిస్ట్లో ఉంది. 98 నిమిషాల రన్ టైమ్ తో ఇయండిబిలో 5.8/10 రేటింగ్ ని పొందింది. 2014లో వచ్చిన ఈ సినిమా కల్ట్ ఫాలోయింగ్ గా గుర్తింపు తెచ్చుకుంది.
Read Also : అందమైన పెళ్ళాం… పక్కకి తిరిగి పడుకొనే మొగుడు… అసలు మ్యాటర్ అతడితోనే
న్యూయార్క్లో చెప్పులు కుట్టే షాపు నడిపే మాక్స్ బోరింగ్ లైఫ్ గడుపుతుంటాడు. ఉన్న ఒక్కగానొక గర్ల్ ఫ్రెండ్ కూడా దూరమవుతుంది. దీనికి తగ్గట్టు చెప్పులు కుట్టే మిషన్ కూడా చెడిపోతుంది. దీంతో అతనికి లైఫ్ మీద చిరాకు వస్తుంది. ఒక రోజు తాత వాడిన పాత మ్యాజికల్ స్టిచింగ్ మెషిన్ బయట పెడతాడు. దానిలో ఒక పెద్ద రహస్యం ఉంది. దానితో కుట్టిన చెప్పులు ఎవరివైతే ఉంటాయో ఆ చెప్పులు వేసుకుంటే మాక్స్ ఆ వ్యక్తి రూపంలోకి మారిపోతాడు. ఒక చైనీస్ వ్యక్తి చెప్పులు కుట్టాక అసలు విషయం అతనికి అర్థం అవుతుంది. ఆ చెప్పులు వేసుకుని మొదట చైనీస్ అంకుల్గా, ఆ తరువాత బ్యూటిఫుల్ అమ్మాయిగా మారి ఫుల్ ఎంజాయ్ చేస్తాడు. ఆ తర్వాత గ్యాంగ్ స్టర్ లూడ్లో రూపంలోకి మారి, రియల్ ఎస్టేట్ మాఫియా నుంచి ప్రజలను కాపాడాలని ట్రై చేస్తాడు. ఫ్రెండ్ జిమ్మీతో కలిసి డబ్బులు దొంగిలించి పేదవాళ్లకి పంచుతాడు.
ఇప్పుడు తన గర్ల్ఫ్రెండ్ కార్మెన్తో క్లోజ్ అవుతాడు, తల్లి రూపంలోకి మారి ఎమోషనల్ అవుతాడు. చివరికి గ్యాంగ్ స్టర్ మాక్స్ని కిడ్నాప్ చేసి టార్చర్ చేస్తే, ఆ సమయంలో మాక్స్ అతని చెప్పులు వేసుకుని అతని రూపంలోకి మారి గ్యాంగ్ని పోలీసులకి పట్టిస్తాడు. క్లైమాక్స్ లో ఒక షాకింగ్ ట్విస్ట్ వస్తుంది. షాపులో కొత్త కస్టమర్ వస్తాడు. అది అతని తండ్రి రూపం. అతను చనిపోయాడని అందరూ అనుకున్నారు. కానీ ఈ మ్యాజికల్ మెషిన్ వల్ల ఇన్నాళ్లూ వేరే రూపాల్లో జీవించాడు. ఈ మిషిన్ మన ఫ్యామిలీ గిఫ్ట్, దీనిని మంచి కోసమే వాడు అని చెప్పి అతను మళ్ళీ వెళ్ళిపోతాడు. ఈ స్వీట్ మ్యాజికల్ జర్నీ ఇలా ముగిసిపోతుంది.
Share
Telangana High Court: సిగాచి పేలుళ్ల దర్యాప్తుపై హైకోర్టు ఆగ్రహం.. డీఎస్పీ హాజరు కావాలని ఆదేశం
Dhanush-Mrunal Thakur: డేటింగ్ రూమర్స్.. రిలేషన్పై ఇలా హింట్.. ఇక ఓపెన్ అయినట్టేనా?
