OTT Move: దొంగ గేమ్స్ ఆడి డబ్బు కొల్లగొట్టే కేటుగాళ్లు… చూసేకొద్దీ చూడాలనిపించే కొరియన్ మూవీ

OTT Move : కొరియాలో బాదుక్ అనే గేమ్‌లో ఒక్క రాయి తప్పుగా పెడితే మొత్తం గేమ్ ఓడిపోతాం. అలాగే లైఫ్‌లో కూడా ఒక్క తప్పు మనల్ని, మన ఫ్యామిలీని నాశనం చేయొచ్చు. ఆ తప్పుని సరిచేయడానికి రివెంజ్ తీర్చుకుంటే ఎలా ఉంటుంది? ఇదే ఫైర్ కాన్సెప్ట్‌తో వచ్చిన మూవీ ‘ది డివైన్ మూవ్’. ఇది కొరియన్ సినిమా ఫ్యాన్స్‌కి కల్ట్ క్లాసిక్ గా మారిపోయింది. మాఫియా, జూదం ప్రధాన థీమ్స్ తో తెరకెక్కిన ఈ సినిమాని, ఒక్కసారి చూడటం మొదలు పెడితే అస్సలు ఆపరు. యాక్షన్ థ్రిల్లర్ సినిమాలను ఇష్టపడే వాళ్ళు మిస్ కాకుండా చూడాల్సిన సినిమా ఇది. ఈ సినిమా పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే …

ప్రైమ్ వీడియోలో స్ట్రీమింగ్

‘ది డివైన్ మూవ్’ 2014లో వచ్చిన సౌత్ కొరియా యాక్షన్ క్రైమ్ థ్రిల్లర్. చోయ్ డాంగ్-హూన్ డైరెక్షన్ లో ఇది తెరకెక్కింది. ఇందులో జంగ్ వూ-సంగ్ (హా-సూ), లీ బియోం-హున్ (సల్-సూ), కిమ్ ఇన్-క్వాన్, అన్ సియో-హ్యోన్, చోయి జిన్-హైయాక్ మెయిన్ రోల్స్ లో నటించారు.ఈ సినిమా 2014 జూలై 3న కొరియాలో రిలీజ్ అయింది. 118 నిమిషాల నిడివితో ఐయండిబిలో 7.0/10 రేటింగ్ ని పొందింది. ప్రస్తుతం ఈ సినిమా ప్రైమ్ వీడియోలో అందుబాటులో ఉంది.

స్టోరీ ఏమిటంటే

హా-సూ అనే వ్యక్తి ఒక ప్రొఫెషనల్ బాదుక్ గేమ్ ప్లేయర్. బాదుక్ గేమ్‌ కొరియా దేశంలో జూదంలో భాగంగా వాడుతారు. అక్కడ ఈ గేమ్ బాగా పాపులర్ కూడా! అయితే హా-సూకి డబ్బు బాగా అవసరం ఉండటంతో అండర్‌ వరల్డ్‌లో రహస్యంగా జూదం ఆడాలనుకుంటాడు. ఒక రోజు సల్-సూ అనే భయంకరమైన గ్యాంగ్‌స్టర్‌తో బాదుక్ గేమ్ ఆడతాడు. హా-సూ గెలుస్తాడు కానీ సల్-సూ ఓడిపోవడం జీర్ణించుకోలేడు. రివెంజ్ తీర్చుకోవడానికి హా-సూ ఇంటికి గూండాలు పంపి అతని భార్యని, పెద్దన్నని చంపేస్తాడు. హా-సూ తెరుకునేలోపు జరగాల్సిందంతా జరిగిపోతుంది. పోలీసులు అతన్నే మర్డర్ కేసులో అరెస్ట్ చేసి జైలుకి తోసేస్తారు. జైలులో హా-సూ 7 ఏళ్లు గడిపేస్తాడు. రోజూ బాదుక్ బోర్డు ముందు కూర్చుని ఒక్కటే ఆలోచిస్తాడు. సల్-సూ తన జీవితాన్ని నాశనం చేశాడు. ఇప్పుడు నేను అతన్ని నాశనం చేయాలని రగిలిపోతూ ఉంటాడు.

జైలులోనే అతనికి ఒక మాస్టర్ ప్లాన్ వస్తుంది. బాదుక్ గేమ్‌లోనే సల్-సూ లైఫ్‌ని ఎలా నాశనం చేయాలో కనిపెడతాడు. బయటకు వచ్చాక ఒక్కొక్కరిని రిక్రూట్ చేసుకుంటాడు. ఒక బ్లైండ్ బాదుక్ మాస్టర్, ఒక హ్యాకర్, ఒక గ్యాంగ్‌స్టర్, ఒక క్యూట్ అమ్మాయి… వీళ్లందరినీ ఒక టీమ్‌గా మార్చి సల్-సూ గ్యాంగ్ మీద దాడి చేస్తాడు. ఒక పక్క బాదుక్ బోర్డు అడుతుంటే, మరోవైపు రియల్ లైఫ్‌లో గ్యాంగ్‌స్టర్స్ ఒకరినొకరు చంపుకుంటారు. ఫైనల్ మ్యాచ్‌లో హా-సూ, సల్-సూ ఫేస్ టు ఫేస్ గేమ్ మొదలు పెడతారు. ఇక్కడ ఇప్పుడు గెలిచేవాడు కింగ్ అవుతాడు. ఓడిపోయేవాడు అన్నీ పోగొట్టుకుంటాడు. చివరికి ఈ గేమ్ ఎవరు గెలుస్తారు ? ఎవరు ఓడిపోతారు ? హా-సూ తన రివేంజ్ తీర్చుకుంటాడా ? అనే ప్రశ్నలకు సమాధానాలు తెలుసుకోవాలనుకుంటే, ఈ కొరియన్ యాక్షన్ సినిమాని చూడాల్సిందే.