Korean fantasy horror thriller: ప్యాలెస్ అంటే ఎలా ఉంటుంది. కళ్ళు చెదిరే ఇంటీరియర్ తో పాటు అబ్బుర పరిచే విశేషాలు ఎన్నో ఉంటాయి. అలాంటి రాజభవనం బూత్ బంగ్లాలా మారితే ? ఓ శాపం అక్కడ ఉన్న వారిని వేటాడి, వెంటాడి చంపితే… వినడానికేదో హర్రర్ స్టోరీలా ఉంది కదా. కానీ ఇది హర్రర్ మూవీ మాత్రమే కాదు, ఫ్యాంటసీ థ్రిల్లర్ కూడా. అయితే ఇప్పుడు మనం మాట్లాడుకుంటున్నది సినిమా కాదు సిరీస్ గురించి. ఆ సిరీస్ పేరే ‘ది ఈస్ట్ ప్యాలెస్’ (The East Palace). మరి ఈ కొరియన్ సిరీస్ ఏ ఓటీటీలో స్ట్రీమింగ్ కు వచ్చింది ? తెలుగులో అందుబాటులో ఉందా ? అనే వివరాలను తెలుసుకుందాం పదండి.
ఈ సిరీస్ కథ అంతా చారిత్రక రాజభవనం ‘ఈస్ట్ ప్యాలెస్’ చుట్టూ తిరుగుతుంది. ఇక్కడ క్రౌన్ ప్రిన్స్ ఉంటాడు. కానీ ఈ భవనంలో వరుసగా మిస్టీరియస్ మరణాలు సంభవిస్తుంటాయి. ముప్పై ఏళ్ల క్రితం జరిగిన దారుణ సంఘటనల తరహాలోనే ఇప్పుడు కూడా జరుగుతుండటంతో రాజు తీవ్రమైన ఆందోళనకు గురవుతాడు. అయితే అవేమీ సాధారణ మరణాలు కాదు. అది ప్రాచీన శాపం వల్ల చోటు చేసుకుంటున్న మరణాలు. దెయ్యాలు అదృశ్య శక్తులు చేస్తున్న పని అని అతను గ్రహించడానికి ఎక్కువ టైమ్ ఏమీ పట్టదు.
ఈ అతీంద్రియ శక్తుల రహస్యాలను కనిపెట్టడానికి రాజు రెండు ప్రత్యేక శక్తులను సీక్రెట్ గా తెచ్చి పెడతాడు. అందులో ఒకరు గు-చియాన్. అతను మనుషుల ప్రపంచానికి, దెయ్యాల లోకానికి మధ్య ప్రయాణించగల అహంకారి, లెజెండరీ ఘోస్ట్ స్లేయర్. అంతేకాదు అతనికి దెయ్యంగా మారే మాయాశక్తి కూడా ఉంటుంది. తన కత్తితో వాటిని అంతం చేసే అపారమైన నైపుణ్యం ఉంటుంది. ఇక రెండవ వ్యక్తి సాయింగ్-గాంగ్. ఆమె చనిపోయిన ఆత్మల మాటలను, శబ్దాలను వినగలదు. వాటితో కమ్యూనికేట్ చేయగల అంతఃపుర దాసి. ఆమె బతికున్న వారి ప్రపంచానికి యాంకర్ లాగా పని చేస్తూ, గు-చియాన్‌ను ఒక తాడు ద్వారా కంట్రోల్ చేస్తూ, గైడ్ చేస్తుంది.
ఈ ఇద్దరూ కలిసి రాజభవనంలోని మిస్టరీలను బయట పెడతారు. గతంలో జరిగిన ఘోరమైన సంఘటనల నుంచి మొదలు పెడితే, రాజకుటుంబం చేసిన పాపాలు, శాపం వెనుక ఉన్న నిజమైన శత్రువు ఏంటి అనేది కూడా బయట పడుతుంది. మరి ఇంతకీ ఆ శాపానికి గల కారణం ఏంటి ? రాజకుటుంబీకులు చేసిన పాపం ఏంటి ? క్లైమాక్స్ లో వచ్చే ట్విస్ట్ ఏంటి ? అన్నది తెలుసుకోవాలంటే తాజాగా ఓటీటీలోకి అడుగు పెట్టిన ఈ సిరీస్ ను మిస్ అవ్వకుండా చూడాల్సిందే.
ఈ భయంకరమైన కొరియన్ పీరియడ్ హారర్ థ్రిల్లర్ నెట్‌ఫ్లిక్స్‌లో జూలై 17న ప్రపంచవ్యాప్తంగా విడుదలైంది. తెలుగు సహా అనేక భాషల్లో డబ్బింగ్‌తో అందుబాటులో ఉంది. మిలిటరీ సర్వీస్ తర్వాత నామ్ జూ-హ్యుక్ నటించిన మొదటి ప్రాజెక్ట్ ఇదే కావడం విశేషం. మొత్తం 8 ఎపిసోడ్లు ఉన్న ఈ డార్క్ ఫాంటసీ థ్రిల్లర్ ను హారర్ మూవీ ఫ్యాన్స్‌కి డోంట్ మిస్.
Read Also: అమ్మాయిలపై అఘాయిత్యం చేసి చంపే కిల్లర్… ఒళ్లు జలదరించే రియల్ స్టోరీ
Share
కరోనా ఈజ్ బ్యాక్.. ఏపీలో 12 కేసులు.. ఆ నలుగురి మరణానికి అసలు కారణం ఇదేనా?
లారెన్స్ సరసన సాయి పల్లవి, జాన్వీ? .. 30వ సినిమాలో ఆ నలుగురు భామల హంగామా!
