OTT Movie : థాయ్ లాండ్ మస్సాజ్ లకే కాదు, హారర్ సినిమాలకు కూడా ఫేమస్. ఓటీటీలో ఒక థాయ్ హారర్ థ్రిల్లర్ మూవీ అదరగొడుతోంది. ఈ మూవీ ఒక స్కూల్ లో జరిగే సంఘటనల చుట్టూ తిరుగుతుంది. వెన్నులో వణుకు పుట్టించే సీన్స్ తో ఈ హారర్ సినిమా ఉత్కంఠంగా సాగుతుంది. ఇందులో హింస ఎక్కువగానే ఉంటుంది. చిన్నపిల్లలు ఈ సినిమా చూడకపోవడమే మంచిది. ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే
నెట్ ఫ్లిక్స్ (Netflix) లో
ఈ థాయ్ హారర్-థ్రిల్లర్ మూవీ పేరు ‘ది ఎంప్టీ చైర్ : ఫైనల్ ఎగ్జామ్’ (The Empty Chair: Final Exam). 2023 లో విడుదలైన ఈ సినిమాకి లాకోండే దర్శకత్వం వహించారు. ఇందులో సువంది, టెడ్డీ స్యాహ్, లానియా ఫిరా, మైషా కన్నా, ఎమిలియానో ఫెర్నాండో కోర్టిజో, డిండా మహిరా, ఎమిర్ రజన్ ప్రధాన పాత్రల్లో నటించారు. ఈ చిత్రం స్టార్విజన్ ప్లస్, మూవీస్టా పిక్చర్స్ బ్యానర్పై నిర్మించబడింది. ఇది ఒక హైస్కూల్లో జరిగే సూపర్న్యాచురల్ హారర్ సంఘటనలను చుట్టూ తిరుగుతుంది. ఈ సినిమా ఓటీటీ ఫ్లాట్ ఫామ్ నెట్ ఫ్లిక్స్ (Netflix) లో అందుబాటులో ఉంది.
స్టోరీలోకి వెళితే
థాయ్ లాండ్ లో ఒక పేరున్న హైస్కూల్లో ఫైనల్ పరీక్షల సమయం వస్తుంది. విద్యార్థులు ఈ ఫైనల్ పరీక్ష రాసేందుకు సిద్ధంగా ఉంటారు. అయితే ఆరోజు పరీక్ష రాసేటప్పుడు, స్కూల్ లో ఊహించని భయంకరమైన సంఘటనలు జరుగుతాయి. పరీక్ష హాల్లో ఒక విద్యార్థికి అకస్మాత్తుగా దెయ్యం ఆవహిస్తుంది. ఇది ఒక భయంకరమైన శక్తిలా అనిపిస్తుంది. ఈ దెయ్యం శక్తి విద్యార్థులను ఒక్కొక్కరినీ ఆవహించి, వారిని ఒకరినొకరు హింసించుకొనేలా చేస్తుంది. ఎవరైనా పరీక్షలు రాస్తే చేతులు నరికేస్తుంది. దీనివల్ల అక్కడ రక్తపాతం, భీభత్సమైన మరణాలు సంభవిస్తాయి.
ఈ సినిమా మొదటి 30 నిమిషాలు అత్యంత భయంకరమైన సన్నివేశాలతో ప్రారంభమవుతుంది. ఈ సన్నివేశాలు స్లాషర్ హారర్ అభిమానులకు ఉత్సాహాన్ని కలిగిస్తాయి. ఒక్కొక్క విద్యార్థి ఈ దెయ్యం శక్తి బారిన పడుతూ, స్కూల్ ఒక భయంకరమైన యుద్ధభూమిగా మారుతుంది. కథలో ప్రధాన పాత్రలైన అమండా కర్తనేగారా, అబాహ్ ఆయుబ్, నకిలా ఈ భయంకర శక్తిని ఎదుర్కోవడానికి ప్రయత్నిస్తారు. అయితే ఈ శక్తి ఎందుకు ఇలా చేస్తుందనేది, స్టోరీ ముందుకు వెళ్ళేకొద్ది బయటపడుతుంది. ఇతకీ ఆ దెయ్యం గతం ఏమిటి ? ఎందుకు స్కూల్ పిల్లలను టార్గెట్ చేస్తోంది ? దానిని ఎవరైనా అడ్డుకుంటారా ? ఈ స్టోరీ ఎలా ఎండ్ అవుతుంది ? అనే విషయాలను, ఈ థాయ్ హారర్-థ్రిల్లర్ సినిమాను చూసి తెలుసుకోవాల్సిందే.
Read Also : అనుమానంతో భార్య మర్డర్ కు మాస్టర్ ప్లాన్… ఆ ఒక్క పొరపాటుతో ఫ్యూజులు అవుటయ్యే ట్విస్ట్
Share
OTT Movie : పెట్రోల్ తాగకపోతే చచ్చే హీరో... బుర్ర కరాబ్ అయ్యే ట్విస్టులున్న కొరియన్ థ్రిల్లర్
Gundeninda GudiGantalu Today episode: బాలును వెంటాడుతున్న ఇద్దరు..రోహిణి కి టెన్షన్.. సత్యంకు ఘోర అవమానం..
