Comedy Series: తండ్రికి మించిన తనయుడు… దీన్ని ఎక్కువగా ఏదైనా మంచి విషయం, ముఖ్యంగా కొడుకులను పొగడడానికి వాడతాము. కానీ ఇప్పుడు మనం చెప్పుకోబోయే సినిమాలో మాత్రం తండ్రీకొడుకులు ఈగోలో ఒకరిని మించి ఒకరు ఉంటారు. మరి ఆ ఈగో వల్ల ఎలాంటి సమస్యలు ఎదురయ్యాయి అన్నది తెలియాలంటే ‘ది హాక్’ (The Hawk Season 1) సిరీస్ ను చూడాల్సిందే. మరి ఈ సిరీస్ కథ ఏంటి ? ఏ ఓటీటీలో స్ట్రీమింగ్ కు అందుబాటులోకి వచ్చింది ? అనే వివరాలపై ఒక లుక్కేద్దాం పదండి.
కథలో మన హీరో పేరు లాని హాకిన్స్. 2004లో ప్రపంచంలోనే నంబర్ వన్ గోల్ఫ్ క్రీడాకారుడిగా వెలిగిన లాని, తనను తాను “ది హాక్” అని పిలుచుకుంటూ ఉంటాడు. కానీ రానురానూ అతనికి వయసు పైబడుతుంది, దీంతో ఫామ్ పూర్తిగా దెబ్బతింటుంది. అయినా తన కెరీర్ ముగింపు దశలో కూడా తాను ఇంకా స్టార్ ప్లేయర్నే అని, కేవలం ఒక్క షాట్తో మళ్లీ ప్రపంచాన్ని గెలిచేయగలనని లాని గట్టిగా నమ్ముతుంటాడు.
ఒక చివరి మేజర్ టోర్నమెంట్ను గెలవాలనే పిచ్చితో అతను తీవ్రంగా ప్రయత్నిస్తుంటాడు. ఈ ప్రయత్నంలో అతని మాజీ భార్య స్టాసీ, అతని కొడుకు లాన్స్ కూడా ఉంటారు. తండ్రిలాగే కొడుకు కూడా అద్భుతమైన ప్రొఫెషనల్ గోల్ఫర్. లాని వల్ల ఎలాంటి నవ్వు తెప్పించే ఇబ్బందులు పడ్డారనేది కథలో ముఖ్యాంశం. లాని తన కొడుకుతో కలిసి టోర్నమెంట్లో ఆడేటప్పుడు సృష్టించే హంగామా, అతని మొండి వైఖరి వల్ల వచ్చే ఇబ్బందులు ప్రేక్షకులకు నవ్వులు పూయిస్తాయి.
కామెడీ మాత్రమే కాకుండా, ఒక క్రీడాకారుడు తన వయసును, ఓటమిని ఒప్పుకోవడానికి పడే మానసిక సంఘర్షణను కూడా ఈ సిరీస్లో హార్ట్ టచింగ్ గా చూపించారు. మరి లాని తన కుటుంబ సభ్యులను ఎలా గందరగోళంలో పడేస్తాడు? చివరికి తన ఆశయాన్ని సాధించాలని ఎలాంటి ప్రయత్నిస్తాడు ? అనేది సిరీస్ ఓ చూసి తెలుసుకోవాల్సిందే.
గోల్ఫ్ కోర్టులోని మొండి లెజెండ్ సాహసమే ఈ సిరీస్ స్టోరీ. అతను ఆ కుటుంబంలో సృష్టించే హంగామా, ఒక చివరి గెలుపు కోసం పడే పోరాటం చూసి తీరాల్సిందే. హాలీవుడ్ స్టార్ విల్ ఫెర్రెల్ ప్రధాన పాత్రలో నటించిన ఈ స్పోర్ట్స్ కామెడీ వెబ్ సిరీస్ జూలై 16న Netflixలో విడుదలైంది. తెలుగు ఆడియోతో అందుబాటులో ఉంది. మొత్తం 10 ఎపిసోడ్లతో వచ్చిన ఈ సిరీస్ ను స్పోర్ట్స్ ఫ్యాన్స్ అస్సలు మిస్ అవ్వొద్దు. ఎందుకంటే ఇందులో కామెడీ కూడా కావలసినంత ఉంది. వీకెండ్ కు మస్ట్ వాచ్.
Read Also: రాజభవనంలోని వాళ్ళని వెంటాడే మిస్టీరియస్ శాపం… క్రేజీ కొరియన్ డార్క్ ఫాంటసీ థ్రిల్లర్
Share
Rice Prices: ఎల్ నినో ఎఫెక్ట్.. పెరగనున్న బియ్యం ధరలు.. అంతా వారిచేతుల్లోనే..?
ముళ్ల కుర్చీపై కూర్చున్న మల్లన్న! బాస్ను తిట్టే తిట్లన్నీ వింటూ ఓపిగ్గా భరించిన మల్లారెడ్డి..!
