Thriller Movie OTT : కొరియన్ సినిమా చరిత్రలోనే మాస్టర్ పీస్ గా నిలిచింది ఒక థ్రిల్లర్ మూవీ. ఈ సినిమా ధనవంతులు, పేదల మధ్య ఉన్న తేడా, మనుషులు పరిస్థితులను బట్టి ఎలా మారిపోతారో అద్భుతంగా చూపిస్తుంది. నాలుగు ఆస్కార్లు గెలిచిందంటే అర్థం చేసుకోవచ్చు ఈ సినిమా ఎలా ఉంటుందో. క్లైమాక్స్ మాత్రం వీర లెవెల్ లో ఉంటుంది. కామెడీతో పాటు, కంటెంట్ కూడా ఉన్న ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే…
ఈ కొరియన్ బ్లాక్ కామెడీ థ్రిల్లర్ మూవీ పేరు ‘పరసైట్’ (Parasite). 2019లో కొరియన్ డైరెక్టర్ బాంగ్ జూన్-హో రూపొందించిన మాస్టర్ పీస్ ఇది. ఆస్కార్లో బెస్ట్ పిక్చర్ సహా 4 ఆస్కార్స్ గెలిచిన మొదటి నాన్ ఇంగ్లీష్ సినిమా కూడా ఇదే. IMDbలో 8.5 రేటింగ్ ను కూడా పొందింది. ఈ చిత్రం $ 167.6 మిలియన్లతో కొరియాలోనే19వ అత్యంత విజయవంతమైన సినిమాలలో ఒకటిగా నిలిచింది. ఈ చిత్రం అమెజాన్ ప్రైమ్, గూగుల్ ప్లే, యూట్యూబ్ మూవీస్, సోనీ లివ్ వంటి స్ట్రీమింగ్ ప్లాట్ ఫామ్లలో కూడా అందుబాటులో ఉంది.
ఈ కథ ప్రధానంగా రెండు కుటుంబాల చుట్టూ తిరుగుతుంది. ఒక చిన్న రేకుల షెడ్ లో ఉండే కిమ్ ఫ్యామిలీ, ఇంకొకటి చాలా ధనవంతులు అయిన పార్క్ ఫ్యామిలీ. కిమ్ ఫ్యామిలీ చాలా దరిద్రంలో బతుకుతుంటారు. ఒక రోజు కిమ్ కొడుకు కి-వూ, తన ఫ్రెండ్ ద్వారా పార్క్ కుటుంబంలో ఇంగ్లీష్ ట్యూటర్గా చేరుతాడు. మెల్లగా తన చెల్లెలిని ఆర్ట్ టీచర్గా, తండ్రిని డ్రైవర్గా, తల్లిని వంట మనిషిగా… ఎవరికీ తెలియకుండా ఒకరి తర్వాత ఒకరిని ఆ ఇంట్లో ఉద్యోగాల్లో చేర్పిస్తాడు.
అందుకు తగ్గ అర్హతలు కూడా వాళ్ళకు ఉండవు. కానీ మ్యానేజ్ చేస్తుంటారు. ఒకరోజు పార్క్ ఫ్యామిలీ బయటికి వెళ్లినప్పుడు, పాత వంట మనిషి వచ్చి ఆ ఇంట్లోని ఒక బంకర్ లో ఉన్న సీక్రెట్ గురించి చెబుతుంది. అక్కడ ఆమె భర్త గత కొన్ని ఏళ్లుగా దాక్కుని ఉంటున్నాడని తెలుస్తుంది. ఈ రహస్యం బయటపడటంతో రెండు కుటుంబాల మధ్య గొడవ మొదలవుతుంది. అదే సమయంలో వర్షం వల్ల వరదలు వచ్చి కిమ్ ఫ్యామిలీ ఇల్లు మునిగిపోతుంది. ఇక కథలో ఊహించని ట్విస్ట్లు వస్తూనే ఉంటాయి. ఒక్కొక్కరు మర్డర్ అవుతూ ఉంటారు. అసలు ఆ ఇంట్లో ఉన్న బంకర్లో ఏళ్లుగా ఆ వ్యక్తి ఎందుకు ఉన్నాడు ? ఆ ఇంట్లో ఎందుకు హత్యలు జరుగుతాయి ? అనే విషయాలను, ఈ సినిమాను చూసి తెలుసుకోవాల్సిందే.
Read Also : దృశ్యం సినిమాను తలపించే తమిళ మూవీ… కూతురు లాంటి అమ్మాయితోనే ఆ పని… మతిపోగోట్టే సస్పెన్స్
Share
Saylim Chaudhari: అమర్దీప్ అలాంటివాడని ఊహించలేదు.. నిజాలు బయటపెట్టిన బ్యూటీ!
IPS Vasundhara Yadav: గాయపడినా తగ్గని పట్టుదల.. విధుల్లో ఐపీఎస్ వసుంధర యాదవ్ సాహసం!
