సైకో చేతిలో చిక్కుకొనే చిన్నది… ప్రతీ క్షణం ఉత్కంఠ రేపుతున్న సినిమా

Thriller Movie OTT : ఒక డిఫెరెంట్ స్టోరీతో సీట్ ఎడ్జ్ థ్రిల్ చూడాలనుకుంటే, ఇప్పుడు చెప్పుకోబోయే సినిమాను చూసేయచ్చు. దీనికి ఐయండిబిలో 7.1 రేటింగ్ కూడా ఉంది. ప్రేమించిన అమ్మాయినే ప్రియుడు ఇందులో దారుణంగా టార్చర్ చేస్తుంటాడు. మామూలుగా అయితే కాదు, కంటికి కనబడకుండా. అతని దగ్గర ఒక సూట్ ఉంటుంది. అది వేసుకుంటే మనిషి ఎవరి కంటికి కనబడరు. ఈ ఎఫ్ఫెక్ట్ తో స్టోరీ ఉత్కంఠభరితంగా సాగుతుంది. థ్రిల్లర్ ఫ్యాన్స్ మిస్ కాకుండా చూడాల్సిన సినిమా ఇది.

ఏ ఓటీటీలో చూడచ్చు అంటే

ఈ అమెరికన్ సైన్స్ ఫిక్షన్ సైకలాజికల్ హర్రర్ మూవీ పేరు ‘ది ఇన్విజిబుల్ మ్యాన్’ (The Invisible Man). ఈ సినిమా కేవలం $7 మిలియన్ల (సుమారు ₹50 కోట్లు) చిన్న బడ్జెట్‌తో తెరకెక్కి, ప్రపంచవ్యాప్తంగా $145 మిలియన్ల (సుమారు ₹1200 కోట్లు) భారీ వసూళ్లను సాధించి సంచలనం సృష్టించింది. దర్శకుడు లీ వానెల్ తన మేకింగ్ తో ప్రేక్షకుల్లో భయాన్ని బాగానే కలిగించారు. ముఖ్యంగా హీరోయిన్ ఎలిసబెత్ మోస్ తన అద్భుతమైన నటనతో సినిమాని నెక్స్ట్ లెవెల్ కి తీసుకెళ్లింది. ఆమె నటనకు విమర్శకుల నుండి మంచి ప్రశంసలు కూడా దక్కాయి. ప్రస్తుతం ఈ సినిమా ప్రైమ్ వీడియో, నెట్ ఫ్లిక్స్ ఓటీటీలలో అందుబాటులో ఉంది.

స్టోరీలోకి వెళ్తే

సిసిలియా అనే అమ్మాయి తన ప్రియుడు అడ్రియన్ పెట్టే చిత్రహింసలు భరించలేక, ఒక రాత్రి అతడి నుండి తప్పించుకుని పారిపోతుంది. అడ్రియన్ చాలా తెలివైన ఒక పెద్ద సైంటిస్ట్. కొన్నాళ్ల తర్వాత అతను ఆత్మహత్య చేసుకున్నాడని వార్త వస్తుంది, కానీ సిసిలియా అది అబద్ధమని, వాడు తనను వదలకుండా అంత తేలికగా చావడని అనుమానిస్తుంది. ఆమె ఊహించినట్టే, అడ్రియన్ చావలేదు. తను కనిపెట్టిన ఒక ప్రత్యేకమైన అదృశ్యమయ్యే సూట్ ధరించి, కంటికి కనిపించకుండా ఆమె చుట్టూనే తిరుగుతుంటాడు. ఆమెను మానసికంగా దెబ్బతీస్తూ, ఆమెకు పిచ్చి పట్టిందని అందరూ నమ్మేలా చేస్తాడు. చివరకు తన స్నేహితులను కూడా చంపి, ఆ నింద సిసిలియా మీద పడేలా ప్లాన్ చేస్తాడు. ఎవరూ నమ్మకపోయినా, సిసిలియా ధైర్యంగా అడ్రియన్ తో పోరాడుతుంది. మరి ఈ పోరాటంలో ఎవరిది పై చేయి అవుతుంది ? అడ్రియన్ పెట్టే బాధలనుంచి సిసిలియా బయట పడుతుందా ? ఆ నరకంలోనే మగ్గుతుందా ? ఈ కథ క్లైమాక్స్ ఏమిటి ? అనే విషయాలను, ఈ సినిమాను చూసి తెలుసుకోండి.