Thriller Series OTT : ఈమధ్య చేతిలో ఫోన్ లేకపోయినా పర్లేదు కానీ, కొరియన్ సిరీస్ లను చూడకుండా కొంతమంది ఉండలేకపోతున్నారు. అలా అలవాటు పడిపోయాడు ఈ సిరీస్ లకి. ఇక రొమాంటిక్ సిరీస్ లను అయితే కల్లార్పకుండా చూస్తున్నారు. అంతేకాకుండా వాటిలో వచ్చే డ్రెస్సింగ్ స్టైల్స్ ను కూడా ఫాలో అవుతున్నారు. ఈ నేపథ్యంలో కొరియాలో సూపర్ హిట్ అయిన ఒక వెబ్ సిరీస్ గురించి చెప్పుకుందాం. ఇది రొమాంటిక్ థ్రిల్లర్ జానర్ లో వచ్చింది. ఒక ప్రముఖ హీరోయిన్ చుట్టూ ఈ కథ తిరుగుతుంది. చూస్తే మళ్లీ మళ్లీ చూడాలనిపించే సిరీస్ ఇది.
ఈ కొరియన్ థ్రిల్లర్ వెబ్ సిరీస్ పేరు ‘డియర్ ఎక్స్’ (Dear X). 2025లో వచ్చిన ఈ హిట్ సిరీస్ను లీ యుంగ్-బోక్ డైరెక్ట్ చేశారు. ఈయన మామూలు డైరెక్టర్ కాదు, కొరియాలో బిగ్గెస్ట్ హిట్స్ అయిన ‘డిసెండెంట్స్ ఆఫ్ ద సన్’, ‘గాబ్లిన్’, ‘మిస్టర్ సన్షైన్’ వంటి సిరీస్లను తీసిన లెజెండరీ డైరెక్టర్. అందుకే దీని మేకింగ్ రేంజ్ చాలా రిచ్గా ఉంటుంది. ఇందులో కిమ్ యూ-జుంగ్, బేక్ అహ్-జిన్ పాత్రలో నటించింది. కిమ్ యంగ్-డే ఆమెకు అండగా నిలిచే వ్యక్తిగా నటించాడు. మొత్తం 12 ఎపిసోడ్లతో ఈ సిరీస్ Viki ఓటీటీలో అందుబాటులో ఉంది.
ఈ కథ అంతా ‘అహ్-జిన్’ అనే ఒక రేంజ్ ఉన్న హీరోయిన్ చుట్టూ తిరుగుతుంది. ఈమె బయటికి చాలా మర్యాదగా, అందంగా, అందరినీ ఆదుకునే దేవతలా కనిపిస్తుంది. కానీ అసలు విషయం ఏంటంటే, ఈమె ఒక పక్కా సైకో. తన ఎదుగుదల కోసం ఎవరినైనా వాడుకుంటుంది. అడ్డు వస్తే ఎంతటి వారినైనా తొక్కేస్తుంది. చిన్నప్పుడు పడ్డ కష్టాల వల్ల ఆమె మనసు ఇలా రాయిలా మారిపోతుంది. ఆమెకు ‘యూన్ జున్-సో’ అనే ఒక అనుచరుడు ఉంటాడు. అతను ఈమెను పిచ్చిగా నమ్ముతాడు, ప్రాణం కూడా ఇస్తాడు. వాడు ఉన్నదే ఈమె కోసం అన్నట్టు బతుకుతుంటాడు.
అయితే అహ్-జిన్ తన రీవెంజ్ తీర్చుకోవడానికి, పెద్ద సెలబ్రిటీ అవ్వడానికి వాడిని ఒక పావులా వాడుకుంటుంది. అతను కూడా ఆమె కోసం ఏ తప్పు చేయడానికైనా వెనకాడడు. వాళ్ళిద్దరి మధ్య ఉండే ఈ వింతైన, డేంజర్ రిలేషనే ఈ సిరీస్లో మెయిన్ హైలైట్. అహ్-జిన్ ఎదిగే కొద్దీ ఆమె చేసిన పాపాలు ఒక్కొక్కటి బయటపడుతుంటాయి. తనను నమ్మిన వాళ్ళనే ఆమె ఎలా మోసం చేసింది, తన గోల్ కోసం ఎంతమంది జీవితాలతో ఆడుకుంది అనేది బయటికి వస్తుంది. చివరకు ఆ గ్లామర్ ప్రపంచం నుండి ఆమె ఎలా కిందపడింది ? ఆమెను ప్రాణంగా ప్రేమించిన వాడు చివరకు ఏం చేశాడు ? అనేదే ఈ థ్రిల్లింగ్ స్టోరీ.
Read Also : పెళ్లి వేడుకల్లో పిశాచాల గోల… ఆరు ఎపిసోడ్స్ తో ఊహించని ఉత్కంఠ
Share
Lalit Modi : ఐపీఎల్ సృష్టికర్త లలిత్ మోడీ రీ-ఎంట్రీ..కొత్త జట్టుతో గ్రాండ్ ఎంట్రీ ?
Gundeninda Gudigantalu Balu : ' గుండెనిండా గుడిగంటలు' సీరియల్ లవర్స్ కు షాక్.. బాలు అవుట్..
