Thriller Series OTT : కొరియన్ డ్రామాల్లో డిఫరెంట్ కాన్సెప్ట్ చూడాలనుకుంటే, ఇప్పుడు చెప్పుకోబోయే కొరియెన్ సిరీస్ ను చూడాల్సిందే. ఇందులో ముఖ్యంగా నెగటివ్ రోల్ ని కామెడీగా ఎంజాయ్ చేస్తారు కూడా. ఈ కథలో ఒక కిల్లర్ డైరీ హీరోకి దొరుకుతుంది. ఇంతలో ఒక ప్రమాదం జరిగి హీరో గతం మరచిపోతాడు. ఇక ఆ డైరీ చూసి కిల్లర్ తనే అనుకుని భ్రమలో బతుకుతాడు. ఆ తరువాత స్టోరీ నెక్స్ట్ లెవెల్ లో ఉంటుంది. ఈ సిరీస్ లో ప్రతి ఎపిసోడ్ ప్రేక్షకులకు అస్సలు బోర్ కొట్టవు. దీనికి ఐయండిబిలో 7.7 రేటింగ్ కూడా ఉంది.
ఈ కొరియన్ కామెడీ థ్రిల్లర్ సిరీస్ పేరు ‘సైకోపాత్ డైరీ’ (Psychopath Diary). 2019లో వచ్చిన ఈ సిరీస్ లీ జోంగ్-జే దర్శకత్వంలో తెరకెక్కింది. ఇందులో యూన్ షి-యూన్, జంగ్ ఇన్-సన్, పార్క్ సుంగ్-హూన్ లీడ్ రోల్స్ లో నటించారు. ఈ సిరీస్లో యూన్ షి-యూన్ నటన హైలైట్ అని చెప్పాలి. ఒక పక్క అమాయకపు ఆఫీస్ ఎంప్లాయిగా, మరోపక్క తనని తాను సీరియల్ కిల్లర్గా ఊహించుకుని ఇచ్చే సైకో ఎక్స్ప్రెషన్స్ భలే నవ్వు తెప్పిస్తాయి. ఇక అసలైన విలన్ పార్క్ సుంగ్-హూన్ నటన కూడా ఓ రేంజ్ లో ఉంటుంది. దర్శకుడు లీ జోంగ్-జే థ్రిల్లర్ ఎలిమెంట్స్ని, డార్క్ కామెడీని చాలా బ్యాలెన్స్డ్గా హ్యాండిల్ చేశారు. 16 ఎపిసోడ్ల పాటు సాగే ఈ కథలో అనవసరమైన సాగతీత లేకుండా, ప్రతి ఎపిసోడ్ ఆసక్తిగా సాగుతుంది. ప్రస్తుతం ఈ సిరీస్ వికి (Viki) ఓటీటీలో అందుబాటులో ఉంది.
డాంగ్-సిక్ అనే కుర్రాడు చాలా సాఫ్ట్. ఆఫీసులో అందరితో చివాట్లు తింటూ, చేతగానివాడు అని అనిపించుకుంటూ ఉంటాడు. జీవితం మీద విరక్తి వచ్చి సూసైడ్ చేసుకుందామని వెళ్తే, అక్కడ ఒక హత్య జరుగుతుండటం కళ్ళారా చూస్తాడు. భయపడి పారిపోయేటప్పుడు, ఆ హంతకుడు రాసుకున్న ఒక డైరీ వీడి చేతికి చిక్కుతుంది. ఆ కంగారులో రోడ్డు మీద పరుగెడుతుంటే ఒక పోలీస్ జీపు వచ్చి గుద్దేస్తుంది. దాంతో అతని పాత జ్ఞాపకాలన్నీ చెల్లాచెదరై గతం మర్చిపోతాడు. ఆసుపత్రిలో కళ్ళు తెరిచేసరికి వాడి చేతిలో ఆ డైరీ ఉంటుంది. అందులో ఉన్న కిరాతకమైన హత్యలన్నీ చూసి, నేను ఇంత పెద్ద సైకోపాత్ సీరియల్ కిల్లర్నా అని పొరపాటు పడతాడు.
ఇక ఆ డైరీ చదివి తనని తాను ఒక డేంజర్ విలన్లా ఫీలవ్వడం మొదలుపెడతాడు. భయపడేవాడు కాస్తా రివర్స్ అయ్యి, తనని ఏడిపించే వాళ్ళకి చుక్కలు చూపిస్తూ మాంచి యాటిట్యూడ్ చూపిస్తుంటాడు. ఈ కామెడీ గందరగోళం ఒక పక్క నడుస్తుంటే, అసలైన హంతకుడు తన డైరీ కోసం వెతుకుతూ సీన్లోకి వస్తాడు. మరోపక్క ఒక లేడీ పోలీస్ ఆఫీసర్ ఆ హత్యల కేసును ఇన్వెస్టిగేట్ చేస్తూ ఉంటుంది. ఇక ఈ ముగ్గురి ఎంట్రీతో కథ ఓ రేంజ్ లో నడుస్తుంది. చివరికి హీరోకి తన గతం గుర్తొచ్చిందా ? కిల్లర్ ను పోలీసులు పట్టుకుంటారా ? వీళ్ళ మధ్య నడిచే మైండ్ గేమ్ ఎలాంటి మలుపులు తీసుకుంటుంది ? అనే విషయాలను, ఈ సిరీస్ ను చూసి తెలుసుకోవాల్సిందే.
Read Also : దొంగా పోలీస్ ఒక్కటైతే… ప్రతి నిమిషం నవ్వులు పూయించే కామెడీ మూవీ
Share
దెబ్బకు దెబ్బ.. కేసుకి కేసు.. ఇదో వెరైటీ రివెంజ్ డ్రామా
Today Horoscope in Telugu: రాశి ఫలితాలు ఏఫ్రిల్ 9: ఆ రాశి వారికి ఊహించని ధనలాభం
