Spy Thriller OTT : ఓటీటీలో వెతకాలే గానీ ఆణిముత్యాలు అన్పించే సినిమాలు ఎన్నో దొరుకుతాయి. కాకపోతే ఇప్పటికే కుప్పలు తెప్పలుగా పడి ఉన్న సినిమాలలో అలాంటి మంచి సినిమాలను వెతకడం అంటే కత్తిమీద సామే. ముఖ్యంగా స్పై, యాక్షన్, సస్పెన్స్ కలగలిపి ఉన్న సినిమాలు దొరకడం చాలా కష్టం. మీకు కూడా ఇలాగే అనిపిస్తోందా ? అయితే ఈ మూవీ సజెషన్ మీ కోసమే.
ఇప్పుడు మనం చెప్పుకుంటున్న పవర్‌ఫుల్ పొలిటికల్ యాక్షన్ థ్రిల్లర్ మూవీ పేరు Tom Clancy’s Jack Ryan: Ghost War (2026). నాలుగు సీజన్ల విజయవంతమైన వెబ్ సిరీస్ తర్వాత, జాక్ ర్యాన్ ఫ్రాంచైజ్ ఈ సినిమా రూపంలో ప్రేక్షకుల ముందుకు రావడం విశేషం. ఆండ్రూ బెర్న్‌స్టెయిన్ దర్శకత్వంలో రూపొందిన ఈ చిత్రం 105 నిమిషాల రన్ టైంతో ఉంటుంది. ఈ యాక్షన్ థ్రిల్లర్ చిత్రం 2026 మే 20న ప్రపంచవ్యాప్తంగా Amazon Prime Videoలో డైరెక్ట్ ఓటీటీ స్ట్రీమింగ్ కోసం అందుబాటులోకి వచ్చింది. అయితే గమనించాల్సిన విషయం ఏమిటంటే… వెబ్ సిరీస్ తరహాలో స్లో-బర్న్ పాలిటిక్స్ లా ఉండదు. రియల్-టైమ్ కథనంతో అత్యంత వేగంగా, భారీ యాక్షన్ సీన్లతో పరుగులు తీస్తుంది.
Also Read : గర్భిణీలను మాత్రమే చంపుతున్న సైకో కిల్లర్… ఆరు నెలల తరువాత ఓటీటీలోకి… ట్రెండింగ్ లో తెలుగు క్రైమ్ థ్రిల్లర్
మన హీరో జాక్ ర్యాన్ సీఐఏ ను వదిలేసి ఉంటాడు. మిగిలిన లైఫ్ ను ప్రశాంతంగా గడపాలి అనుకుని సివిలియన్ ఉద్యోగం చేసుకుంటాడు. కానీ ఒక అంతర్జాతీయ విపత్తు కారణంగా మళ్లీ అతను స్పై ప్రపంచంలోకి అడుగు పెట్టాల్సిన పరిస్థితి చోటు చేసుకుంటుంది. దుబాయ్‌లో జరిగిన ఒక సీక్రెట్ సర్వైలెన్స్ మిషన్ ఘోరంగా విఫలం అవుతుంది. ప్రపంచాన్ని నాశనం చేయగల ఒక భారీ అంతర్జాతీయ కుట్ర గురించి తెలుస్తుంది. ఈ ప్రమాదాన్ని అడ్డుకోవడానికి సీఐఏ డిప్యూటీ డైరెక్టర్ జేమ్స్ గ్రీర్ మళ్లీ జాక్ సాయం కోరడంతో ఆయన రీఏంటి ఇస్తాడు. అయితే ఇన్వెస్టిగేషన్ లో జాక్ షాకింగ్ నిజం తెలుసుకుంటాడు.
Also Read : ఏం సిరీస్ గురూ… కలలోనూ వెంటాడే సీన్లున్న కొరియన్ సిరీస్
గతంలో ఓ మిషన్ లో ‘స్టార్లింగ్’ (Starling) అనే ఒక అనధికారిక రోగ్ బ్లాక్-ఆప్స్ విభాగాన్ని హీరో అంతం చేస్తాడు. కానీ అది మళ్లీ ప్రాణం పోసుకుందని ఇన్వెస్టిగేషన్ లో బయట పడుతుంది. సైకలాజికల్ వార్‌ఫేర్, హై-ప్రొఫైల్ హత్యలకు పాల్పడే ఈ ముఠా ప్రతి కదలికను ముందే ఊహించి, సీఐఏ నెట్‌వర్క్‌ ను దెబ్బతీస్తుంది. మరి ఈ ముఠాను జాక్ ఎలా ఎదుర్కొన్నాడు ? విలన్ నడుపుతున్న ఈ రోగ్ యూనిట్ ఆట కట్టించడానికి హీరో ప్రాణాలను పణంగా పెట్టి ఎలా పోరాడాడు అనేదే ఈ సినిమా ముగింపు.
Share
వేసవిలో కళ్ల దురద, ఎరుపుదనం మిమ్మల్ని ఇబ్బంది పెడుతున్నాయా?
Intinti Ramayanam Today Episode: శ్రీకర్ ను రెచ్చగొట్టిన శ్రీయ.. కన్నీళ్లు పెట్టుకున్న పార్వతి.. పల్లవి ప్లాన్ సక్సెస్..
