South Indian OTT Releases June 2026 : జూన్ మొదటి వారం ఓటీటీలో దక్షిణాది సినిమాలు బాగా హల్చల్ చేస్తున్నాయి. యాక్షన్, డ్రామా, థ్రిల్లర్ ఇష్టపడే వాళ్లకు ఈ వారం అదిరిపోయే ట్రీట్. థియేటర్లలో మిస్ అయినా ఇంట్లో కూర్చుని ఎంజాయ్ చేయడానికి సరైన సినిమాలు వచ్చేశాయి. ఈ వారం చూడాల్సిన టాప్ 5 తెలుగు, కన్నడ సినిమాలు ఇక్కడ ఉన్నాయి. అవేంటో తెలుసుకుందాం పదండి.
విశ్వక్ సేన్ హీరోగా నటించిన యాక్షన్ కామెడీ ‘మెకానిక్ రాకీ’. రాకేష్ అలియాస్ రాకీ అనే ఉల్లాసభరితమైన మెకానిక్ తన పూర్వీకుల గ్యారేజీని ఒక క్రూరమైన భూకబ్జాదారుడి నుంచి కాపాడటానికి బయలు దేరతాడు. స్థానిక రౌడీ రంకి రెడ్డి ఆ ఆస్తిని బలవంతంగా స్వాధీనం చేసుకోవడానికి ప్రయత్నిస్తాడు. ఈ క్రమంలోనే రాకీ ఒక పెద్ద లైఫ్ ఇన్సూరెన్స్ మోసాన్ని వెలికితీస్తాడు. 2 గంటల 36 నిమిషాల నిడివి ఉన్న ఈ మూవీ జూన్ 5న Sun NXT ఓటీటీలో రిలీజ్ కానుంది.
ఇదొక కన్నడ పీరియాడిక్ యాక్షన్ డ్రామా. ఒక పేద మంగళి వర్గానికి చెందిన విద్యావంతుడైన యువకుడు తన గ్రామాన్ని క్రూరమైన ముఠా నుంచి కాపాడుకోవడం కోసం తన వ్యక్తిగత ఆశయాలను వదులుకుని పోరాడే కథ ఈ మూవీ స్టోరీ. సతీష్ నినాసం, సప్తమి గౌడ్, యష్ శెట్టి నటించిన ఈ 2 గంటల 13 నిమిషాల మూవీ జూన్ 5 నుంచి సన్ నెక్స్ట్ లో స్ట్రీమింగ్ కానుంది.
తెలుగు డ్రామా ‘మూల్యం’ కూడా ఈ వారం ఓటీటీలోకి రానుంది. గౌరవం, నిజాయితీ, ఆత్మగౌరవం చుట్టూ అల్లుకున్న ఉద్రిక్తమైన భావోద్వేగ సంఘర్షణలు ఈ సినిమాలో ఆకట్టుకుంటాయి. మోహన్ భగత్, అఖిల్ భనేశ్వర్, దీపక్ మేర్ల కీలక పాత్రల్లో నటించారు. జూన్ 5 నుంచి ETV Winలో స్ట్రీమింగ్ కానుంది.
మరో కన్నడ డ్రామా ‘పీటర్’. సమస్యలతో సతమతమవుతున్న ఒక డ్రమ్మర్ తన సొంత ఊరికి తిరిగి వస్తాడు. ఈ క్రమంలోనే ఒక దేవాలయ ఉత్సవంతో ముడిపడిన గత వైరం, ప్రేమ, ద్రోహం, హింసలతో కూడిన చిక్కుముడిని విప్పుతాడు. ఇందులో రాజేష్ ధృవ, జాన్వీ రాయల్, రవిక్షా శెట్టి కీలక పాత్రల్లో నటించారు. 2 గంటల 21 నిమిషాలు నిడివి ఉన్న ఈ మూవీ జూన్ 5 నుంచి Amazon Prime Videoలో స్ట్రీమింగ్ కానుంది.
Also Read : అబ్బాయిలు కన్పిస్తే రెచ్చిపోయి ఆ పాడు పని చేసే మోహినీ పిశాచి
ధృవ సర్జా, సంజయ్ దత్, శిల్పా శెట్టి నటించిన కన్నడ యాక్షన్ థ్రిల్లర్ ‘కేడీ ది డెవిల్’. భయంకరమైన గ్యాంగ్స్టర్ ధక్ దేవాను ఆరాధించే సాధారణ యువకుడు కాళి దాస్ (KD). అతని జీవితం కొన్ని సంఘటనల వల్ల ఎలా మారిపోతుంది అనేది కథ. దేవా గురించి షాకింగ్ నిజాలు తెలిసినప్పుడు తన కుటుంబాన్ని కాపాడుకోవడానికి అతడు తన ఆరాధ్య దైవానికే ఎదురు నిలబడతాడు. జూన్ 5న ZEE5లో ఈ మూవీ రిలీజ్ కానుంది.
Share
Jos Buttler: నన్ను నంబర్ 4లో పంపి, ఆశిష్ నెహ్రానే సర్వ నాశనం చేశాడు !
ఈ వారం OTTలో చూడాల్సిన మలయాళ తమిళ సినిమాల లిస్ట్
