This Week South Movies on OTT : జూన్ మొదటి వారం ఓటీటీలో మలయాళం, తమిళ సినిమాలు బాగా హల్చల్ చేస్తున్నాయి. యాక్షన్, డ్రామా, రొమాన్స్ ఇష్టపడే వాళ్లకు ఈ వారం సూపర్ సినిమాలు, సిరీస్ లు వచ్చేశాయి. థియేటర్లలో మిస్ అయినా ఇంట్లో కూర్చుని ఎంజాయ్ చేయడానికి ఈ వారం ఓటీటీలోకి వచ్చిన సినిమాలు ఏంటో తెలుసుకుందాం పదండి. ఈ వారం చూడాల్సిన టాప్ 3 మలయాళ, తమిళ చిత్రాలు, వాటి వివరాలు ఇవే.
మమ్ముట్టి, మోహన్లాల్, ఫహద్ ఫాసిల్, నయనతార, రేవతి వంటి సూపర్ స్టార్లు నటించిన స్పై యాక్షన్ డ్రామా ‘పేట్రియాట్’. పెరిస్కోప్ అనే స్పైవేర్, టెక్ దిగ్గజం శక్తి సొల్యూషన్స్ తో ముడిపడిన భారీ నిఘా కుట్రను వెలికి తీసిన శాస్త్రవేత్త డాక్టర్ డేనియల్ జేమ్స్ కథ ఇది. రహస్య సమాచారం లీక్ చేసి లండన్ కు పారిపోయిన అతను, కొన్ని సంవత్సరాల తర్వాత రిటైర్డ్ కల్నల్ రహీమ్ నాయక్, మైఖేల్ దేవస్సీ సహాయంతో ఆ కుట్ర వెనుక ఉన్న శక్తి సుందరాన్ని ఎలా ఎదుర్కొంటాడు అన్నది స్టోరీ. జూన్ 5 నుంచి ZEE 5లో స్ట్రీమింగ్ కానుంది.
పి. సముద్రఖని, గౌతం వాసుదేవ్ మీనన్, లక్ష్మీ ప్రియా చంద్రమౌళి నటించిన తమిళ ఫ్యామిలీ డ్రామా ‘కర్మణి సెల్వం’. సెల్వం అనే టాక్సీ డ్రైవర్ తన భార్య శాంతితో కలిసి ఒక ఇల్లు కట్టుకోవాలని కలలు కంటాడు. కానీ పెరిగిపోతున్న ఆర్థిక ఇబ్బందులు, కుటుంబ సమస్యలు అతడిని అప్పుల్లోకి నెట్టేస్తాయి. పరిస్థితి అదుపు తప్పడంతో అతను తీవ్రమైన సాహసాలు చేసి, చివరికి దేశం వదిలి వెళ్లవలసి వస్తుంది. ఆ సవాళ్లను అతను ఎలా అధిగమిస్తాడనేదే ఈ సినిమా ప్రధానాంశం. 2 గంటల 24 నిమిషాలు ఉన్న ఈ మూవీ జూన్ 3 నుంచి Amazon Prime Video స్ట్రీమింగ్ కానుంది.
Also Read : థియేటర్లను దడదడలాడిస్తున్న హారర్ థ్రిల్లర్… ఓటీటీ స్ట్రీమింగ్ పుకార్ల వెనకున్న నిజం ఇదే
విధు, ప్రీతి అస్రానీ నటించిన తమిళ రొమాంటిక్ డ్రామా ’29’. సరైన గుర్తింపు లేక సతమతమవుతున్న 29 ఏళ్ల యువకుడు, ఇండిపెండెంట్ మనస్తత్వం గల ఒక అమ్మాయితో ప్రేమలో పడతాడు. వారి సంబంధం అభివృద్ధి చెందుతున్న కొద్దీ ఊహ, వాస్తవం మధ్య ఉన్న అంతరం ఏంటో తెలుసుకుంటారు. ఆ జంట మధ్య రిలేషన్ ను ఈ చిత్రం అందంగా చూపిస్తుంది. 2 గంటల 30 నిమిషాలు నిడివి ఉన్న ఈ మూవీ జూన్ 5 నుంచి Netflixలో స్ట్రీమింగ్ కానుంది. ఈ వారం మలయాళం, తమిళ సినిమాలు మాత్రమే కాకుండా వివిధ భాషల్లో అనేక ఇతర చిత్రాలు కూడా OTTలో స్ట్రీమింగ్ అవుతున్నాయి. యాక్షన్ ఫ్యాన్స్ నుంచి రొమాంటిక్ డ్రామా లవర్స్ వరకు అన్నీ రకాల సినిమాలతో ఈ వీకెండ్ అదిరిపోతుంది.
Also Read : 14 రోజుల్లో 10 సినిమాలు – సిరీస్లు… జూన్ లో నెట్ఫ్లిక్స్లో మూవీస్ వెల్లువ
Share
ఈ వీకెండ్ ఓటీటీలో మిస్ అవ్వకుండా చూడాల్సిన తెలుగు కన్నడ సినిమాలు ఇవే
Today Movies in TV : గురువారం టీవీ సినిమాలు.. ఆ రెండు మస్ట్ వాచ్..
