Action Thriller OTT : మార్షల్ అనగానే యాక్షన్ ప్రియులకు ఠక్కుమని గుర్తొచ్చేది బ్రూస్ లీ పేరే. అయితే ఆయన సినిమాలను ఇప్పటిదాకా చూసి ఎంజాయ్ చేసి ఉంటారు. కానీ ఆయన ఆలోచనలు ఎలా ఉండేవో ఎప్పుడైనా తెలుసుకోవాలి అనిపించిందా ? అలా అనిపించినా అది జరిగే పని కాదని చాలామంది అనుకుని ఉంటారు. కానీ ఓ సినిమాను చూస్తే ఆ విషయాన్ని మనం కూడా తెలుసుకోవచ్చు అన్న విషయాన్ని చాలా మందికి తెలియదు. మరి ఆ మూవీ పేరేంటి ? ఆ సినిమాకు, బ్రూస్ లీకి సంబంధం ఏంటి ? అనేది వివరంగా తెలుసుకుందాం పదండి.
మార్షల్ ఆర్ట్స్ లెజెండ్ బ్రూస్ లీ రాసుకున్న అసలు ఆలోచనలు, నోట్స్ ఆధారంగా తెరకెక్కిన సిరీస్ Warrior (2019). ఇదొక పాపులర్ అమెరికన్ మార్షల్ ఆర్ట్స్ క్రైమ్ డ్రామా వెబ్ సిరీస్. 19వ శతాబ్దం చివరలో జరిగిన భయంకరమైన గ్యాంగ్ వార్స్ (Tong Wars) నేపథ్యంలో ఈ కథ నడుస్తుంది. సాన్ ఫ్రాన్సిస్కోలోని చైనాటౌన్‌లో ఆ ఫైట్స్ జరిగాయి. మొత్తం మూడు సీజన్లతో విజయవంతంగా నడిచి సూపర్ హిట్ అనిపించుకుంది ఈ సిరీస్. ప్రస్తుతం మన దగ్గర రెండు ఓటీటీలలో ఈ సిరీస్ అందుబాటులో ఉంది. Netflix, JioHotstar లలో స్ట్రీమింగ్ అవుతోంది. ఈ సిరీస్ మరో స్పెషాలిటీ ఏంటంటే… బ్రూస్ లీ కుమార్తె ‘శానన్ లీ’ దీనికి ఎగ్జిక్యూటివ్ ప్రొడ్యూసర్‌ గా వ్యవహరించడం. ఇందులో ఉండే హై-వోల్టేజ్ మార్షల్ ఆర్ట్స్ ఫైట్ సీన్లు, అద్భుతమైన స్టంట్స్, పాత కాలపు సాన్ ఫ్రాన్సిస్కో సెట్టింగ్స్ అద్భుతమైన విజువల్ ఎక్స్‌పీరియన్స్ తో ఆడియన్స్ ను అలరిస్తాయి. కాబట్టి బ్రూస్ లీ లవర్స్ డోంట్ మిస్.
మార్షల్ ఆర్ట్స్ వీరుడు అహ్ సాహ్మ్ (ఆండ్రూ కోజి) చైనాకు చెందిన వ్యక్తి. అతను 1878లో సాన్ ఫ్రాన్సిస్కో నగరానికి వెళ్తాడు. కొన్ని సంవత్సరాల క్రితం చైనా నుండి అదృశ్యమైన తన అక్క జియావో జింగ్‌ ను వెతకడం కోసం ఇక్కడికి వస్తాడు. కానీ అమెరికా గడ్డపై అలా అడుగు పెట్టాడో లేదో ఇలా గొడవ మొదలవుతుంది. అడుగు పెట్టగానే తన వారిని రక్షించడానికి తన ఫైటింగ్ స్కిల్స్ తో కొందరు తెల్లవాళ్ళ తుక్కు రేగ్గొడతాడు. అదే సమయంలో అతని ట్యాలెంట్ ను చైనా టౌన్‌ లోని అత్యంత శక్తివంతమైన గ్యాంగ్ అధిపతి ఫాదర్ జున్ చూస్తాడు. దీంతో అతన్ని తన గ్యాంగ్ లో ఒక ప్రధాన హంతకుడిగా చేరమని ఆహ్వానిస్తాడు.
తన సోదరిని వెతకడానికి ఇది మంచి ఛాన్స్ అని భావించిన హీరో అహ్ సాహ్మ్ గ్యాంగ్ లో చేరతాడు. అక్కడికి వెళ్ళాక అతనికి పెద్ద షాక్ తగులుతుంది. మై లింగ్ అనే ఆవిడగా చెలామణి అవుతోంది తన అక్క జియావోజింగ్ అని తెలుసుకుంటాడు. అంతేనా ప్రత్యర్థి గ్యాంగ్ ‘లాంగ్ జీ’ (Long Zii) కి కాబోయే లీడర్‌ గా చైనాటౌన్ ను శాసిస్తోందనే నిజం బయట పడుతుంది. దీంతో హీరో తనతో ఇంటికి వచ్చేయమని అక్కను కోరతాడు. కానీ ఆమె మాత్రం అందుకు ఒప్పుకోదు.
Also Read : ఈత నేర్పిస్తూ అమ్మాయిని బుట్టలో వేసే కుర్రాడు… లవర్స్ చూడాల్సిన చూడచక్కని సినిమా
మరోవైపు ఈ గొడవ రెండు గ్యాంగుల మధ్య ఫైట్ మాత్రమే కాదు, చైనా నుంచి వలస వెళ్లిన కూలీలపై ఐరిష్ కార్మికులు దాడి చేయడంతో మరో టర్న్ తీసుకుంటుంది. ఈ చైనీయుల తమకు జాబ్ దొరకట్లేదు అనేది వీళ్ళ బాధ. వాళ్లకు నాయకత్వం వహించేది డీలన్ లియరీ. మరోవైపు అక్కడి రాజకీయ నాయకులు ఓట్ల కోసం స్వార్థంగా ఆలోచించి, అక్కడి చైనీయులను వెళ్లగొట్టాలని ప్లాన్ చేస్తారు. ఇంకోవైపు ఈ ఫైట్స్ ను అణచడానికి పోలీసులు ‘చైనాటౌన్ స్క్వాడ్’ను పంపుతారు. మరి చివరికి ఈ సిరీస్ లో ఎలాంటి మలుపులు చోటు చేసుకున్నాయి ? హీరో తన అక్కను తీసుకెళ్లాడా ? అన్నది చూసి తెలుసుకోవాల్సిన కథ.
Share
కోట్ల విలువైన పెయింటింగ్ కోసం క్రాక్ ఎక్కించే పనులు... నవ్వులు పూయించే థ్రిల్లింగ్ మూవీ
Today Movies in TV : శుక్రవారం టీవీ సినిమాలు.. సినీ ప్రియులకు పండగే..
