అమాయకమైన ముఖ వర్చస్సు.. ముఖానికి కళ్లద్దాలు.. ఆ అద్దాలలోంచి తీక్షణంగా చూసే ఆమె కళ్లు.. ! సాదాసీదా దుస్తులు… చంకకు ఓ బ్యాగు..అంతే! ఆమె తెలంగాణ కాంగ్రెస్ పార్టీకి ఇంచార్జిగా రావడమే ట్రైన్లో వచ్చారు. అప్పుడే అందరి దృష్టి ఆమెపై పడింది… ఆమే మీనాక్షి నటరాజన్. ఇప్పుడామె దేశవ్యాప్తంగా వార్తల్లో నిలిచారు. మధ్యప్రదేశ్లో తన రాజ్యసభ నామినేషన్ ఆర్వో తిరస్కరించిన అంశం.. దేశ వ్యాప్తంగా చర్చకు వచ్చింది. ఇదంతా రాజకీయ క్రీడలో భాగంగా ఆమెను బలిపెట్టే పన్నాగం జరిగిందనడంలో అనుమానం లేదు.
ఇంటి దొంగలు, బీజేపీతో చేతులు కలిపారు. ఆమె పెద్దగా పట్టించుకోని, తన దృష్టిలో లేని ఓ కేసును దాచి ఉంచారనే నెపంతో ఆమె నామినేషన్ను రద్దు చేశారు. ఏదో సాధించినట్టుగా ఫీలయ్యారు అక్కడి బీజేపీ నేతలు. వాస్తవానికి ఇది వారికి చేటు చేయగా… కాంగ్రెస్కు కలిసి వచ్చింది. ఇదంతా ఓ రాజకీయ క్రీడ. ఆ కోణంలోనే చూశారు వాళ్లు. అంతే! కానీ ఇప్పుడు అది పరిధులు దాటిన చర్చగా మారింది. మీనాక్షి సింప్లిసిటీపైనా చర్చ జరుగుతున్నది.
ఆసక్తిగా ఆమె లైఫ్ స్టైల్ తెలుసుకుంటున్నారంతా. జెన్-జీ కీలకంగా మారిన తరుణంలో … ప్రతీ రాజకీయ అంశాన్ని లోతుగా అధ్యయనం చేస్తున్న కాక్రోచ్ పార్టీ ఆవిర్భావ నేపథ్యంలో.. మీనాక్షికి జరిగిన ఉదంతం అందరిలో ఆమె పట్ల మరింత విశ్వాసాన్ని, సానుభూతిని ప్రోదీ చేశాయే తప్ప.. ఇసుమంత కూడా తగ్గించలేదు. ఆమెకు వెల్లువలా మద్దతు కూడా లభించింది.
తనకు సంబంధం లేని కేసులో కోర్టు నుంచి నోటీసు అందుకున్న ఉదంతంలో ఆ వివరాలు తెలియపర్చలేదనే అంశం .. నామినేషన్ రద్దుకు కారణమైంది. ఈ ఉదంతం వల్ల మీనాక్షి లాంటి సాదాసీదా నేతలు ఇంకా ఉన్నారా? ఇంత సింపుల్గా ఉంటారా? తను నమ్ముకున్న సిద్దాంతాల కోసం ఇంత కమిట్మెంట్ పనిచేసే నేతలు.. ఇప్పటి ఈ కలుషిత రాజకీయల్లో ఉండడం అరుదేనని అనుకుంటున్నారు. దీనిపైనే ఇప్పుడు జెన్-జీలో చర్చ జరుగుతోంది. ఇప్పటికే బీజేపీపై భగ్గుమంటున్న కాక్రోచ్ పార్టీ, తదితరులు.. మీనాక్షి ఉదంతంతో అది మరింత పెరిగింది.
అదే సమయంలో కాంగ్రెస్పైనా కొందరికి గురి కుదురుతోంది. మీనాక్షి రాజకీయ జీవితాన్ని కూడా ఇప్పటి తరం లోతుగా అధ్యయనం చేసే ప్రయత్నం చేస్తున్నది. ఆ పార్టీలో ఆమె చేసిన సేవలు.. నిర్వహించిన పదవులు.. ఆమె ప్రసంగాలు.. అన్నీ అబ్జర్వ్ చేస్తున్నారు. చాలా అరుదుగా ఉండే కొంత మంది రాజకీయ నేతలతో ఆమెను పోల్చుకుంటున్నారు. ఆమెను స్పూర్తిగా తీసుకోవడం ద్వారా విలువైన రాజకీయాలకు నిదర్శనంగా నిలవొచ్చనే భావనను వ్యక్తం చేస్తున్నారు.
Share
రూ.5000 డిస్కౌంట్తో Xiaomi 17T.. భారీ బ్యాటరీ, లైకా కెమెరాలతో అదరగొడుతోంది!
Wasim Akram: ప్రపంచ బ్యాటర్లందరూ నహిద్ రాణాను తలచుకుని భయపడుతున్నారు
