‘ఇట్లు అర్జున’ మూవీ రివ్యూ..

నటీనటులు: అనీష్, అనస్వర రాజన్, ముకేష్ రిషి, కాలయరాసన్, బ్రహ్మాజీ, గెటప్ శ్రీను తదితరులు

దర్శకత్వం: మహేష్ ఉప్పల

సంగీతం: ఎస్.ఎస్. తమన్

నిర్మాత: వెంకీ కుడుముల

సినిమా కథేంటంటే:

గ్యాంగ్‌స్టర్ పెద్దన్న (ముకేష్ రిషి)కి సంబంధించిన అత్యంత కీలకమైన సమాచారం ఉన్న ఒక పెన్‌డ్రైవ్ దొంగిలించబడుతుంది. దానిని వెతికే పనిలో రౌడీలు పడతారు. మరోవైపు, చిన్నప్పటి నుంచి కీర్తి (అనస్వర రాజన్)ని ప్రాణంగా ప్రేమించే మూగవాడైన పిక్‌పాకెట్ అర్జున్ (అనీష్) తన దారిన తాను వెళ్తుంటాడు. అనుకోని పరిణామాల నేపథ్యంలో అర్జున్ మరియు కీర్తి ప్రయాణం ఆ పెన్‌డ్రైవ్ గ్యాంగ్‌తో ఎలా ముడిపడింది? చివరికి ఆ గండం నుంచి అర్జున్ ఎలా బయటపడ్డాడు అనేదే ఈ చిత్ర కథాంశం.

సినిమా విశ్లేషణ:

డెబ్యూ హీరో అనీష్‌తో దర్శకుడు మహేష్ ఉప్పల తెరకెక్కించిన రొమాంటిక్ యాక్షన్ కామెడీ ఎంటర్‌టైనర్ ఇది. సినిమా ప్రారంభం నుంచి హీరో మూగవాడిగా నటించడం, డైలాగ్స్ లేకుండా కేవలం హావభావాలతో కథను నడిపించడం చాలా కొత్తగా అనిపిస్తుంది. మొదటి భాగం పూర్తిగా ఎంటర్‌టైనింగ్‌గా, లవ్ ట్రాక్ మరియు సరదా కామెడీ సీన్లతో చాలా వేగంగా సాగిపోతుంది.

అయితే, ద్వితీయార్థానికి వచ్చేసరికి కథనం కొద్దిగా నెమ్మదిస్తుంది. విలన్ ట్రాక్ మరియు క్రైమ్ సెటప్ ఊహించినంత బలతంగా లేకపోయినా, తమన్ అందించిన అద్భుతమైన సంగీతం మరియు హీరో హీరోయిన్ల మధ్య కెమిస్ట్రీ సినిమాను నిలబెట్టాయి. కొత్త హీరో అయినప్పటికీ అనీష్ తన పాత్రకు పూర్తి న్యాయం చేయడానికి చేసిన ప్రయత్నం మెచ్చుకోదగ్గది.

ప్లస్ పాయింట్లు :

సంగీత దర్శకుడు తమన్ అందించిన బ్యాక్‌గ్రౌండ్ మ్యూజిక్ (BGM) మరియు పాటలు (మూగవాడైన హీరోకి తమన్ మ్యూజిక్ నిజంగానే వాయిస్‌లా నిలిచింది)

డెబ్యూ హీరోగా అనీష్ నటన, మూగ పాత్రలో ఆయన చూపిన పరిణతి

అందంగా కనిపించడంతో పాటు అల్లరితో నవ్విచ్చిన హీరోయిన్ అనస్వర రాజన్

ఫస్ట్ హాఫ్‌లో వచ్చే ఎంటర్‌టైనింగ్ కామెడీ బ్లాక్స్ మరియు లవ్ ట్రాక్

మైనస్ పాయింట్లు :

సెకండాఫ్‌లో తగ్గిన కామెడీ డోస్ మరియు కొద్దిగా నెమ్మదించిన కథనం

ముకేష్ రిషి పాత్రను మరింత బలంగా డిజైన్ చేసి ఉంటే బాగుండేది

క్లైమాక్స్ మరియు విలన్-హీరో మధ్య జరిగే పోరాట సన్నివేశాలు మరింత ఇంపాక్ట్‌గా ఉండాల్సింది

చివరి ఆఖరి మాటగా:

కథాపరంగా కొన్ని చిన్న లోపాలు ఉన్నప్పటికీ, మంచి సంగీతం, చక్కటి లవ్ ట్రాక్ మరియు ఫస్ట్ హాఫ్ ఎంటర్‌టైన్‌మెంట్ కోసం ఈ వీకెండ్‌లో కుటుంబంతో కలిసి సరదాగా చూడదగ్గ చక్కటి చిత్రం ‘ఇట్లు అర్జున’.. ఈ సినిమా రివ్యూలు అలాగే రేటింగ్లు పాజిటివ్ గానే ఉండడంతో సినిమాకు కలెక్షన్లు కూడా భారీగానే వసూలు అయ్యే అవకాశాలు కూడా కనిపిస్తున్నాయి. ఈవారం పెద్దగా స్టార్ హీరోలు సినిమాలు లేవు ఒక్క రామాయణం మాత్రమే ప్రస్తుతం థియేటర్లలో నడుస్తుంది. ఈ మూవీ ఎలాంటి వసూళ్లను సొంతం చేసుకుంటుందో చూడాలి..