ఒకానొకప్పుడు నది ఒడ్డున ఉన్న చెట్టు మీద ఓ కోతి ఉండేది. తియ్యటి పండ్లు తింటూ పెరిగేది. కొన్ని పండ్లను నదిలోకి విసిరేది. వాటిని నీళ్లలో ఉన్న మొసలి తింటూ ఉండేది. కొద్ది కాలం తర్వాత ఇద్దరూ మంచి ఫ్రెండ్స్ అయ్యారు. మొసలి తన భార్యను కూడా సరిగా పట్టించుకోకపోవడంతో.. దానికి కోపం వచ్చింది. ఎలాగైనా కోతిని లేకుండా చేయాలని భావిస్తుంది. తనకు తలనొప్పిగా ఉందని, కోతిగుండెతో తన తలనొప్పి తగ్గుతుందని చెప్తుంది. వెంటనే కోతిని తీసుకుని మొసలి తన ఇంటికి తీసుకెళ్తుంది. అక్కడికి వెళ్లాక మొసలి భార్య చెప్పింది విని అసలు విషయం అర్థం చేసుకుంటుంది కోతి. వెంటనే “నువ్వు ముందే చెప్పి ఉంటే బాగుండేది. నా గుండెకాయను చెట్టుమీద పెట్టి వచ్చాను”అని చెప్తుంది. వెంటనే తనను చెట్టు దగ్గరికి తీసుకెళ్తే గుండెను ఇస్తానని చెప్పడంతో.. మొసలి మళ్లీ తీసుకెళ్తుంది. కోతి వెంటనే చెట్టు ఎక్కుతుంది. తనను చంపేందుకు మొసలి భార్య చేసిన కుట్ర గురించి చెప్తుంది. తన పిచ్చి పనికి మంచి మిత్రుడిని కోల్పోయానని బాధపడుతుంది. ఇక్కడ విషయం ఏంటంటే.. ఒకవేళ మొసలికి చెట్టు ఎక్కే సామర్థ్యం ఉంటే ఈ కథే ఉండేది కాదేమో! కానీ తాజాగా ఆస్ట్రేలియన్ శాస్త్రవేత్తలు ఆసక్తికర విషయాన్ని చెప్పుకొచ్చారు. మొసళ్లు భూమ్మీద ఉండే చెట్టు మీద ఉన్న వాటిని వేటాడేవని వివరించే ప్రయత్నం చేశారు.
తాజాగా క్వీన్స్ ల్యాండ్ పరిశోధకులు దేశంలోని పురాతనమైన మొసలి గుడ్డు పెంకులను గుర్తించారు. వీటిని పరిశీలించి మొసళ్ల గురించి ఆసక్తిర విషయాలను వెల్లడించారు. బార్సిలోనాలోని ఇన్స్టిట్యూట్ కాటలా డి పాలియోంటాలజియా మిక్వెల్ క్రూసాఫాంట్ నేతృత్వంలోని బృందం బ్రిస్బేన్ సమీపంలోని ముర్గాన్ లో పురాతన మొసలి గుడ్డు శిలాజాలను కనుగొంది. ఈ గుడ్డు పెంకులు మెకోసుచైన్ మొసళ్లకు చెందినవిగా తెలిపారు. ఇది దాదాపు 55 మిలియన్ సంవత్సరాల క్రితం భూమ్మీద నివసించినట్లు వెల్లడించారు. దీనికి సంబంధించిన పరిశోధన వివరాలను జర్నల్ ఆఫ్ వెర్టిబ్రేట్ పాలియోంటాలజీలో ప్రచురించారు.
న్యూ సౌత్ వేల్స్ విశ్వవిద్యాలయం ప్రొఫెసర్ మైఖేల్ ఆర్చర్ చెప్పిన విషయాల ప్రకారం.. మెకోసుచైన్ మొసళ్ళు ఐదు మీటర్ల పొడవు వరకు పెరిగేవి. చెట్ల మీద ఉన్న వాటిని కింది నుంచే వేటాడేవన్నారు. “ఇది వినిడానికి వింతగా ఉండవచ్చు. కానీ, వాటిలో కొన్ని భూమిపై ఉంటూ చెట్ల మీద ఉన్న జీవులను వేటాడేవి. వాటి ప్రవర్తనను చిరుతపులి మాదిరిగా ఉండేది” అని ఆర్చర్ చెప్పుకొచ్చారు.
మెకోసుచైన్ మొసలి గుడ్డు శిలాజాలు సరికొత్త విషయాలను వెల్లడిస్తున్నట్లు అధ్యయన ప్రధాన రచయిత జేవియర్ పనాడెస్ ఐ బ్లాస్ చెప్పారు. “ఏ రకమైన మొసళ్లు వాటిని పెట్టాయి? అవి ఎక్కడ గూడు కట్టుకున్నాయి? ఎలా సంతానోత్పత్తి చేశాయి? అనే విషయాలను వెల్లడిస్తున్నాయి” అని వివరించారు. ఈ వివరాలతో శాస్త్రవేత్తలు పురాతన మొసళ్ల పునరుత్పత్తి, అనుకూలతను అర్థం చేసుకోవడానికి సహాయపడతాయన్నారు. ఈ మొసళ్ళు సుమారు 3,000 సంవత్సరాల క్రితం ఆస్ట్రేలియా నుంచి అదృశ్యమయ్యాయని పరిశోధకులు భావిస్తున్నారు.
Read Also: ఆఫీసులోనే ఆ పనులు కానిచ్చేస్తున్న ఇండియన్స్.. ప్రపంచంలోనే రెండో స్థానంలో భారత్!
Share
Jolly LLB 3: ఓటీటీలోకి అక్షయ్ లీగల్ కామెడీ డ్రామా.. స్ట్రీమింగ్ ఎప్పుడంటే?
Globe Trotter Event: SSMB29 బిగ్ ఈవెంట్.. హోస్ట్ గా ప్రముఖ యూట్యూబర్, మరి సుమ?
