AC Maintenance Tips 2026: ప్రస్తుత రోజుల్లో ఏసీ అనేది అత్యవసర వస్తువుగా మారిపోయింది. ఒకప్పుడు ధనికుల ఇళ్లల్లో మాత్రమే కనిపించిన ఎయిర్ కండీషనర్లు.. ప్రస్తుతం సామాన్యుల ఇళ్లలోనూ కనిపిస్తున్నాయి. అయితే ప్రస్తుత రోజుల్లో తరుచూ ఏసీలు రిపేర్ రావడం అందరినీ ఇబ్బందులకు గురిచేస్తోంది. అయితే వాటి నుంచి బయటపడేందుకు కొన్ని తేలికైన చిట్కాలను ఈ కథనంలో అందించడం జరుగుతోంది. ఈ టిప్స్ పాటిస్తే ఏసీ ఆయుష్షు పెరగడంతో పాటు.. భవిష్యత్తులో కొత్తది కొనే అవసరమే రాదని నిపుణులు చెబుతున్నారు. ఇంతకీ చిట్కాలు ఏంటో ఇప్పుడు చూద్దాం.
ఏసీలకు ఫిల్టర్లు అనేవి గుండెకాయ వంటిది. ఇవి సమర్థవంతంగా పనిచేస్తేనే గదంతా చల్లదనంతో నిండిపోతుంది. అయితే నిరంతరాయంగా పనిచేయడం వల్ల ఒక్కోసారి ఫిల్టర్లు దుమ్ము, దూళితో నిండిపోతుంటాయి. కాబట్టి వీటిని రెగ్యులర్ గా క్లీనింగ్ చేయాల్సి ఉంటుంది. ప్రతి 15 రోజులకు ఒకసారి ఫిల్టర్లను బయటకు తీసి నీటితో శుభ్రం చేయడం వల్ల ఏసీ లైఫ్ పెరుగుతుంది.
సాధారణంగా బయటి వైపు ఉండే అవుట్ డోర్ యునిట్ లో కండెన్సర్ కాయిల్స్ సైతం దుమ్ము, దూళి కారణంగా త్వరగా పాడయ్యే ప్రమాదం ఉంటుంది. కాబట్టి సంవత్సరానికి కనీసం రెండుసార్లు సర్వీసింగ్ చేయించి శుభ్రపరచడం ద్వారా ఏసీ పనితీరు దెబ్బతినకుండా సుదీర్ఘ కాలం కాపాడుకోవచ్చు.
కొందరు బయటి నుంచి రాగానే ఏసీ టెంపరేచర్ ను అమాంతం తగ్గించేస్తుంటారు. అధిక కూలింగ్ కోసం 16 – 18 డిగ్రీల మధ్య ఏసీని సెట్ చేస్తుంటారు. ఇలా చేయడం సరైనది కాదని నిపుణులు సూచిస్తున్నారు. ఏసీని ఎల్లప్పుడు 24-26 డిగ్రీల మధ్య ఉంచడం ఉత్తమమని స్పష్టం చేస్తున్నారు. అలా చేస్తే కంప్రెషర్ పై ఒత్తిడి తగ్గి.. ఎక్కువ కాలం పనిచేసేందుకు వీలు ఉంటుందని వివరిస్తున్నారు. ఈ టిప్ పాటించడం ద్వారా కరెంటు బిల్లును సైతం 20 శాతం మేర తగ్గించుకోవచ్చని సలహా ఇస్తున్నారు.
కొందరు కిటికీలు, తలుపులు తెరిచి ఉండగానే ఏసీని ఆన్ చేస్తుంటారు. దీని వల్ల ఏసీపై అధిక ఒత్తిడి పడే ఛాన్స్ ఉంది. కాబట్టి ఏసీ ఆన్ చేసే ముందే గది తలుపులు, కిటికీలు మూసిఉన్నాయో లేదో చెక్ చేసుకోండి. గదిని పూర్తిగా సీల్ చేసిన కండిషన్ లో ఉంచడం వల్ల గదిలోకి వేడిగాలి రాదు. కాబట్టి ఏసీ తక్కువ ఒత్తిడితోనే గదిని తేలిగ్గా చల్లబరుస్తుంది. తద్వారా మెషీన్ పని గంటలు చాలా వరకు తగ్గించుకోవచ్చు.
Also Read: కొత్త ఏసీ కావాలా? డైకిన్ వెరీ రీజనబుల్ ఏసీలు.. ధర తక్కువ కూలింగ్ ఎక్కువ!
వేసవి కాలంలోనే పెద్ద ఎత్తున ఏసీల అవసరం ఉంటుంది. కాబట్టి సమ్మర్ రావడానికి ముందే ప్రొఫెషనల్స్ తో ఇంట్లోని ఏసీని సర్వీసింగ్ చేయించడం బెటర్. గ్యాస్ లీకేజీలు, వైరింగ్ సమస్యలు ఉంటే వాటిని ప్రొఫెషనల్స్ వెంటనే సెట్ చేస్తారు. తద్వారా ఏసీలు సమ్మర్ లో ఎక్కువ ఒత్తిడి లేకుండా సమర్థవంతంగా పనిచేసేందుకు వీలు ఉంటుంది.
Also Read: Air Conditioner Tips: అమ్మబాబోయ్.. ఏసీ గదిలో బకెట్ వాటర్ పెడితే.. ఇన్ని ప్రయోజనాలు ఉన్నాయా?
Share
పార్టీ పేరు, గుర్తు... సస్పెన్స్ కంటిన్యూ... కవిత సక్సెస్!
గ్రీన్ టీ పవర్ పెరగాలా? పరిశోధనల ప్రకారం ఈ 3 సప్లిమెంట్లను మిక్స్ చేయండి!
