Ai+ Nova 2 Neo, Nova 2 Pro 5G: బడ్జెట్ ధరలో మంచి ఫోన్ల కోసం చూసే వారిని ఆకట్టుకోవడానికి Ai+ బ్రాండ్ సరికొత్త మొబైళ్లను భారత్లో లాంచ్ చేసింది. రూ.20,000 లోపు మార్కెట్ను టార్గెట్ చేస్తూ ‘Ai+ నోవా 2 నియో 5G’, ‘Ai+ నోవా 2 ప్రో 5G’ మోడళ్లను మార్కెట్లోకి తీసుకొచ్చింది. క్రియేటర్లు, ప్రొఫెషనల్స్, అలాగే మంచి పెర్ఫార్మెన్స్ కోరుకునే వారికి ఇవి పర్ఫెక్ట్ ఛాయిస్ అని కంపెనీ చెబుతోంది. ప్రముఖ ఈ-కామర్స్ సైట్ ఫ్లిప్కార్ట్తో పాటు ఎంపిక చేసిన రిటైల్ స్టోర్లలో జూన్ 26వ తేదీ మధ్యాహ్నం 12 గంటల నుంచి ఇవి అమ్మకానికి రానున్నాయి.
ధరల విషయానికి వస్తే.. నోవా 2 నియో 5G బేస్ వేరియంట్ (4GB + 128GB) ధర రూ.12,999 కాగా, 6GB వేరియంట్ ధర రూ.13,999గా ఉంది. అలాగే నోవా 2 ప్రో 5G మోడల్లో 6GB వేరియంట్ ధర రూ.15,999 గాను, 8GB వేరియంట్ ధర రూ.17,999 గానూ నిర్ణయించారు. అయితే ఎర్లీ బర్డ్ ఆఫర్ కింద ప్రో మోడల్పై బ్యాంక్ కార్డుల ద్వారా రూ.1,000 ఇన్స్టంట్ డిస్కౌంట్ కూడా లభిస్తుంది.
Also Read: జియో, ఎయిర్టెల్కు చుక్కలు చూపిస్తున్న BSNL.. తక్కువ ధరకే నెలకు 75GB డేటా, ఫ్రీ కాల్స్!
ఈ ఫోన్ 6.74 అంగుళాల హెచ్డీ ప్లస్ ఎల్సీడీ డిస్ప్లే, 120Hz రీఫ్రెష్ రేట్తో వస్తుంది. దీనిలో మీడియాటెక్ డైమెన్సిటీ 6300 ప్రాసెసర్ను ఉపయోగించారు. ఇది రోజువారీ పనులను వేగంగా చేయడానికి హెల్ప్ అవుతుంది. ఫోన్ వెనుక భాగంలో 48MP సోనీ కెమెరా, ముందు వైపు 8MP సెల్ఫీ కెమెరా ఉన్నాయి. ఆండ్రాయిడ్ 16 ఆధారిత సాఫ్ట్వేర్తో పనిచేసే ఈ ఫోన్లో 6,000mAh భారీ బ్యాటరీ, 18W ఫాస్ట్ ఛార్జింగ్ సపోర్ట్ ఉన్నాయి. ఇందులో ప్రత్యేకమైన ఏఐ కీ (AI Key) కూడా ఇచ్చారు.
ఇక ప్రో మోడల్ విషయానికి వస్తే.. ఇది 6.9 అంగుళాల భారీ డిస్ప్లే, 144Hz రీఫ్రెష్ రేట్తో ప్రీమియం లుక్ను ఇస్తుంది. దీనిలో పవర్ఫుల్ మీడియాటెక్ డైమెన్సిటీ 7100 ప్రాసెసర్ను అమర్చారు. గేమింగ్కు ఇది బాగా సెట్ అవుతుంది. ఫోన్ వెనుక వైపు 48MP ప్రధాన కెమెరాతో పాటు, అల్ట్రావైడ్ షాట్స్ కోసం 8MP కెమెరాను కూడా ఇచ్చారు. ఈ ఫోన్ వెనుక ప్యానెల్పై మనకు నచ్చినట్టు మార్చుకునే నోటిఫికేషన్ లైట్లు ఉండటం దీని ప్రత్యేకత. ఇందులో కూడా 6,000mAh బ్యాటరీ ఉన్నప్పటికీ, ఇది 33W ఫాస్ట్ ఛార్జింగ్ను సపోర్ట్ చేస్తుంది.
ప్రస్తుత మార్కెట్ పోటీని గమనిస్తే.. నోవా 2 నియో ఫోన్ లావా, హెచ్ఎండీ వంటి బ్రాండ్ల బడ్జెట్ ఫోన్లకు గట్టిపోటీ ఇవ్వనుంది. మరోవైపు నోవా 2 ప్రో మోడల్ రియల్మీ, ఒప్పో వంటి బ్రాండ్ల ఫోన్ల కంటే మెరుగైన డిస్ప్లే, ప్రొఫెషనల్ ప్రాసెసర్తో ముందు వరుసలో నిలుస్తుంది. బడ్జెట్ ధరలో ఎక్కువ బ్యాటరీ, లేటెస్ట్ సాఫ్ట్వేర్ కోరుకునే వారికి ఇవి మంచి ఆప్షన్స్.
Also Read: ఇకపై వాట్సప్ చాట్ ఓపెన్ చేయకుండానే.. ఆన్లైన్ స్టేటస్ తెలుసుకోవచ్చు, ఎలాగంటే?
Share
పాకిస్తాన్ క్రికెట్ ను గాడిలో పెట్టేందుకు త్రిముఖ వ్యూహాం..అందరి ఫ్యూజులు ఎగిరిపోవాల్సిందే
రోజు గడిచాక బర్త్డే విషెస్.. అసలు కథేంటి? వైరల్ అవుతున్న త్రిష లేటెస్ట్ పోస్ట్!
