WhatsApp New Features: ప్రపంచవ్యాప్తంగా కోట్ల మంది వాడుతున్న ప్రముఖ మెసేజింగ్ యాప్ వాట్సప్, తమ ఆండ్రాయిడ్ వినియోగదారుల కోసం రెండు సరికొత్త ఫీచర్లను పరీక్షించడమే కాకుండా వాటిని డెవలప్ చేస్తోంది. మన రోజువారీ వాట్సప్ వాడకాన్ని మరింత సులభతరం చేసేందుకు ఈ అప్డేట్స్ త్వరలోనే అందుబాటులోకి రానున్నాయి.
మనం సాధారణంగా ఫేస్బుక్ లేదా ఇన్స్టాగ్రామ్లో ఎవరైనా ఆన్లైన్లో ఉంటే వారి ప్రొఫైల్ పిక్చర్ పక్కన ఒక చిన్న పచ్చని చుక్క (గ్రీన్ డాట్) కనిపిస్తుంది కదా! ఇప్పుడు అదే తరహా ఫీచర్ను వాట్సప్ కూడా తీసుకురాబోతోంది. ప్రస్తుతానికి ఇది ఆండ్రాయిడ్ బీటా వెర్షన్లో కనిపిస్తోంది. దీనివల్ల ఎవరి చాట్ విండోను ఓపెన్ చేయకుండానే, అవతలి వ్యక్తి ఆన్లైన్లో ఉన్నారో లేదో నేరుగా ప్రొఫైల్ ఫొటో ద్వారానే తెలిసిపోతుంది. భవిష్యత్తులో చాట్ లోపల కనిపించే Online అనే టెక్స్ట్కు బదులుగా ఈ గ్రీన్ డాట్ వచ్చే అవకాశం ఉంది. అయితే, ఇది మన ప్రైవసీ సెట్టింగ్స్ ఆధారంగానే పనిచేస్తుంది.
వాట్సప్ తీసుకొస్తున్న మరో ముఖ్యమైన మార్పు బ్యాకప్ మేనేజ్మెంట్. చాలా కాలంగా పేరుకుపోయిన పాత చాట్ డేటా వల్ల ఫోన్ స్టోరేజ్ నిండిపోవడం మనం చూస్తూనే ఉంటాం. ఈ సమస్యకు పరిష్కారంగా యాప్లోనే ఒక ప్రత్యేకమైన విభాగాన్ని వాట్సప్ డిజైన్ చేస్తోంది. దీని ద్వారా యూజర్లు తమ ప్రస్తుత బ్యాకప్ ఫైళ్లను చూసుకోవచ్చు. అలాగే అవసరం లేని పాత ఫైళ్లను సులభంగా డిలీట్ చేయవచ్చు. అంతేకాదు.. అవసరమైతే డూప్లికేట్ కాపీలను కూడా క్రియేట్ చేసుకోవచ్చు. దీనివల్ల స్టోరేజ్ స్పేస్ చాలా వరకు ఆదా అవుతుంది.
Also Read: నథింగ్ నుంచి అత్యంత చౌకైన ఫోన్.. ఆ లుక్ చూసి టెక్ ప్రియులంతా ఫిదా, లాంచ్ ఎప్పుడంటే?
ఈ బ్యాకప్ ప్రక్రియను మరింత సులభతరం చేయడానికి గూగుల్ కూడా వాట్సప్తో చేతులు కలిపింది. రాబోయే గూగుల్ ప్లే సర్వీసెస్ అప్డేట్ ద్వారా ఆండ్రాయిడ్ యూజర్లు నేరుగా తమ ఫోన్ సెట్టింగ్స్ నుంచే వాట్సప్ బ్యాకప్ ఆప్షన్లను యాక్సెస్ చేయవచ్చు. దీనివల్ల గూగుల్ డ్రైవ్లో ఉండే వాట్సప్ బ్యాకప్లను మేనేజ్ చేయడం, స్టోరేజ్ కంట్రోల్స్ చూసుకోవడం మరింత తేలికవుతుంది. దీనికోసం ప్రత్యేకమైన షార్ట్కట్లను కూడా ఫోన్ సెట్టింగ్స్లో ఇవ్వనున్నారు.
ప్రస్తుతం ఈ రెండు ఫీచర్లు ఇంకా టెస్టింగ్ లేదా డెవలప్మెంట్ దశలోనే ఉన్నాయి. సాధారణ యూజర్లందరికీ ఇవి ఇంకా అందుబాటులోకి రాలేదు. అయితే, ఈ పరీక్షలు పూర్తయ్యాక త్వరలోనే భారతీయ వినియోగదారులకు కూడా ఈ అప్డేట్స్ లభిస్తాయి. ఇవి అందుబాటులోకి వస్తే అవతలి వాళ్లు ఆన్లైన్లో ఉన్నారో లేదో తెలుసుకోవడం, ఫోన్ స్టోరేజ్ క్లీన్ చేసుకోవడం చాలా సులువుగా మారుతుంది.
Also Read: సంగీత ప్రియులకు పండగే.. నాయిస్ క్యాన్సిలేషన్తో మార్కెట్లోకి OPPO Enco Air 5!
Share
రాష్ట్రపతి భవన్లో పండుగగా పద్మ అవార్డుల వేడుక.. పురస్కారాలు అందుకున్న విజేతలు వీరే!
అనుభవ గుణపాఠాలు! ఓ వైపు పోరాటం.. మరోవైపు అప్రమత్తం! సర్పై రాష్ట్రంలో రాజకీయ చైతన్యం!
