Airtel Offers: కొత్త భాషలను సులభంగా, ఎలాంటి ఖర్చు లేకుండా నేర్చుకోవాలనే ఆసక్తి ఉన్నవారికి ఎయిర్టెల్ అద్భుతమైన అవకాశాన్ని కల్పించింది. ప్రముఖ లాంగ్వేజ్ లెర్నింగ్ ప్లాట్ఫామ్ ‘డూయోలింగో’తో చేతులు కలిపిన ఎయిర్టెల్.. తన వినియోగదారులకు ఏడాది పాటు ఉచితంగా సూపర్ డూయోలింగో సబ్స్క్రిప్షన్ను అందిస్తోంది.
మొబైల్, వైఫై, డీటీహెచ్ సేవలు వాడుతున్న దాదాపు 37.6 కోట్ల మంది ఎయిర్టెల్ చందాదారులకు ఈ సదుపాయం అందుబాటులోకి వచ్చింది. భారతదేశంలో డూయోలింగో చేసిన అతిపెద్ద ఆఫర్లలో ఇది ఒకటి. ఎలాంటి అదనపు రుసుము చెల్లించాల్సిన అవసరం లేకుండానే యూజర్లు ఈ ఏడాది ఉచిత సేవలను పొందవచ్చు.
Also Read: బోస్ సౌండ్తో నోయిస్ ప్రీమియం ఇయర్ఫోన్స్.. స్టైలిష్ లుక్, అదిరిపోయే ఫీచర్లు!
సాధారణంగా డూయోలింగో వాడేటప్పుడు ప్రకటనలు ఇబ్బంది పెడుతుంటాయి. కానీ ఈ ఉచిత సబ్స్క్రిప్షన్ ద్వారా ఎలాంటి ప్రకటనలు లేకుండా పాఠాలు నేర్చుకోవచ్చు. అపరిమిత ఎనర్జీ, సొంతంగా ప్రాక్టీస్ చేసుకునే ఆప్షన్లు, చేసిన తప్పులను సరిదిద్దుకునే ప్రత్యేక టూల్స్ ఇందులో లభిస్తాయి. ఏఐతో మాట్లాడే అవకాశం కూడా ఉంటుంది.
డూయోలింగోలో 40కి పైగా భాషలతో పాటు చెస్, మ్యాథ్స్, మ్యూజిక్ కూడా నేర్చుకోవచ్చు. మన దేశంలో ముఖ్యంగా తెలుగు, హిందీ, బెంగాలీ వంటి ప్రాంతీయ భాషల ద్వారా ఇంగ్లీష్ నేర్చుకునే సదుపాయం ఉంది. ఉద్యోగాలు చేసేవారికి, విద్యార్థులకు కమ్యూనికేషన్ స్కిల్స్ పెంచుకోవడానికి ఇది ఎంతగానో ఉపయోగపడుతుంది.
ఈ ఆఫర్ను పొందడం చాలా సులభం. ఎయిర్టెల్ యూజర్లు తమ ఫోన్లలోని Airtel Thanks యాప్ను ఓపెన్ చేసి ఈ ఉచిత బెనిఫిట్ను క్లెయిమ్ చేసుకోవచ్చు. దీని కోసం ఎలాంటి క్రెడిట్ కార్డ్ వివరాలు ఇవ్వాల్సిన పనిలేదు. వెంటనే యాప్లోకి వెళ్లి ఉచిత లెర్నింగ్ ప్రయాణాన్ని ప్రారంభించండి.
Also Read: భారీ బ్యాటరీ, అల్టిమేట్ లుక్.. మార్కెట్ను షేక్ చేయడానికి Redmi 17 5G వచ్చేసింది!
Share
కియా సోరెంటో వచ్చేసింది.. ఫార్చ్యూనర్ కు ఇక చుక్కలే!
జిమ్లో వర్కౌట్ చేస్తున్నారా? కండరాలు నిజంగా పెరుగుతున్నట్లు సూచించే 5 సంకేతాలివే
