Airtel Hotspot Ban: ఎయిర్టెల్ తమ సబ్స్క్రైబర్లకు ఊహించని షాక్ ఇచ్చింది. అన్లిమిటెడ్ 5G డేటా ప్లాన్లకు సంబంధించి కొన్ని కఠినమైన నిబంధనలను తెరపైకి తెచ్చింది. ఇకపై ఈ డేటాను కేవలం మొబైల్లో మాత్రమే వాడుకోవాలని, వేరే పరికరాలకు హాట్స్పాట్ ద్వారా షేర్ చేయడం కుదరదని స్పష్టం చేసింది. ఈ నిర్ణయంపై వినియోగదారుల నుంచి తీవ్ర వ్యతిరేకత వ్యక్తమవుతోంది.
అన్లిమిటెడ్ 5G డేటాను హాట్స్పాట్ ద్వారా పంచుకోకూడదనే ఎయిర్టెల్ నిబంధనలకు సంబంధించిన స్క్రీన్షాట్లు సోషల్ మీడియాలో వైరల్గా మారాయి. ప్లాన్ తీసుకునే సమయంలో ఈ విషయాలు చెప్పలేదని, ఆఫర్ నిబంధనల్లో స్పష్టత లేదని సబ్స్క్రైబర్లు ఆవేదన వ్యక్తం చేస్తున్నారు. నిత్యం హాట్స్పాట్పై ఆధారపడే వారికి ఇది తీవ్ర నిరాశ కలిగించే విషయమే.
Also Read: స్నాప్డ్రాగన్ 8 ఎలైట్ ప్రాసెసర్, భారీ బ్యాటరీ.. గేమర్స్ కోసం నెక్ట్స్ లెవెల్ టాబ్లెట్ వచ్చేసింది!
వివాదం ముదరడంతో ఎయిర్టెల్ తమ వెబ్సైట్లో ఈ విధానాన్ని అధికారికంగా అప్డేట్ చేసింది. అన్లిమిటెడ్ 5G డేటా కేవలం వ్యక్తిగత అవసరాలకు, ఆ మొబైల్కే పరిమితమని తెలిపింది. అంతేకాకుండా.. నెలకు 300 GB పరిమితి దాటితే దానిని కమర్షియల్ వాడకంగా భావిస్తామని స్పష్టం చేసింది. దాంతో అపరిమిత డేటా అని చెప్పి ఇలా పరిమితులు విధించడం ఏంటని కస్టమర్లు ప్రశ్నిస్తున్నారు.
పోటీ సంస్థలైన జియో, వొడాఫోన్ ఐడియాలు మాత్రం హాట్స్పాట్ వాడకానికి అనుమతి ఇస్తుండటం గమనార్హం. జియో ఎలాంటి ఆంక్షలు లేకుండా హాట్స్పాట్ షేరింగ్ను ఆఫర్ చేస్తుంటే.. వొడాఫోన్ ఐడియా 300 GB పరిమితితో హాట్స్పాట్ వినియోగానికి అవకాశం కల్పిస్తోంది. దీంతో చాలామంది ఎయిర్టెల్ వినియోగదారులు ఇతర నెట్వర్క్లకు మారే ఆలోచనలో ఉన్నారు.
Also Read: కెమెరా పక్కనే మరో డిస్ప్లే.. ఇన్ఫినిక్స్ కొత్త బడ్జెట్ ఫోన్ లుక్ చూశారా?
Share
వర్షాకాలంలో మాత్రమే పరుగులు తీసే హెరిటేజ్ రైలు.. ప్రకృతి ఒడిలో అద్భుత ప్రయాణం!
ఫిఫా ఫైనల్ కురుక్షేత్రం.. 16 ఏళ్ల కల నెరవేరిన వేళ.. కన్నీళ్లతో మెస్సీ వీడ్కోలు!
