Amazfit Cheetah 2 Pro: నేటి యువతలో అమేజ్ఫిట్ బ్రాండ్కు ఉన్న క్రేజ్ అంతా ఇంతా కాదు. ఈ బ్రాండ్ నుంచి ఏదైనా స్మార్ట్వాచ్ విడుదలైందంటే చాలు.. ఎగబడుతుంటారు టెక్ లవర్స్. ముఖ్యంగా ఫిట్నెస్ ఫ్రీక్స్ కోసం అదిరిపోయే వాచ్లను తీసుకొచ్చే ఈ సంస్థ.. ఇప్పుడు Cheetah 2 Pro పేరుతో మరో సూపర్ ప్రీమియం స్మార్ట్వాచ్ను మార్కెట్లోకి వదిలింది. రన్నర్లు, అథ్లెట్లను దృష్టిలో పెట్టుకుని తెచ్చిన ఈ వాచ్లో ఫీచర్లు చూస్తే ఎవరైనా ఫిదా అవ్వాల్సిందే.
ఈ వాచ్ను చూడగానే మొదట మనల్ని ఆకట్టుకునేది దీని డిస్ప్లేనే. ఇందులో 1.32 అంగుళాల అమోలెడ్ స్క్రీన్ను వాడారు. దీని హైలైట్ ఏంటంటే.. ఇది 3,000 నిట్స్ పీక్ బ్రైట్నెస్ను ఇస్తుంది. దీంతో మండుటెండలో బయట రన్నింగ్ చేస్తున్నా సరే, స్క్రీన్ మీద ఉన్న నంబర్లు, మెసేజ్లు చాలా క్లియర్గా కనిపిస్తాయి. స్క్రీన్కు గీతలు పడకుండా సఫైర్ గ్లాస్ ప్రొటెక్షన్ కూడా ఇచ్చారు. చూడటానికి పెద్దగా అనిపించినా, బరువు మాత్రం జస్ట్ 46 గ్రాములే కాబట్టి రోజంతా పెట్టుకున్నా ఇబ్బందిగా అనిపించదు.
Also Read: 6500mAh బ్యాటరీ, AI కెమెరాతో Motorola Edge 70 Pro ఎంట్రీ.. ధర ఎంతంటే?
స్మార్ట్వాచ్ వాడేవాళ్లకు ఉన్న పెద్ద తలనొప్పి ఛార్జింగ్. కానీ ఈ Cheetah 2 Pro విషయంలో ఆ భయం అక్కర్లేదు. ఇందులో 540 mAh బ్యాటరీ ఉంది. మామూలుగా వాడుకుంటే 20 రోజుల పాటు బ్యాటరీ వస్తుంది. అదే పనిగా జీపీఎస్ ఆన్ చేసి వాడుకున్నా కూడా 29 గంటల పాటు సపోర్ట్ చేస్తుంది. కాబట్టి.. వారానికో, పది రోజులకో ఒకసారి ఛార్జ్ పెట్టుకుంటే సరిపోతుంది.
ఆరోగ్యం విషయంలో అస్సలు కాంప్రమైజ్ కాకుండా ఉండటానికి ఇందులో అడ్వాన్స్డ్ హార్ట్ రేట్ సెన్సార్ను పెట్టారు. మనం పరిగెడుతున్నా, రెస్ట్ తీసుకుంటున్నా మన గుండె వేగాన్ని ఇది పక్కాగా లెక్క పెడుతుంది. మరో ఇంట్రెస్టింగ్ విషయం ఏంటంటే.. దీనిలో బిల్ట్ఇన్ ఎల్ఈడీ ఫ్లాష్లైట్ ఉంది. చీకట్లో రన్నింగ్ చేసే వాళ్లకు, పొద్దున్నే వాకింగ్కు వెళ్లే వాళ్లకు ఇది బాగా పనికొస్తుంది. అలాగే మైక్, స్పీకర్ ఉన్నాయి కాబట్టి.. వాచ్ నుంచే ఫోన్ కాల్స్ కూడా మాట్లాడేయొచ్చు.
ఫీచర్లు భారీగా ఉన్నాయి కాబట్టి.. ధర కూడా ఆ రేంజ్లోనే ఉంది. గ్లోబల్ మార్కెట్లో దీని ధర సుమారు రూ.37,000 పైమాటే. పాత మోడల్ Cheetah Proతో పోలిస్తే ఇది కొంచెం ఖరీదైనదే అయినా.. ఇందులో ఇచ్చిన అల్ట్రా బ్రైట్ డిస్ప్లే, టార్చ్ లైట్, బ్యాటరీ లైఫ్ చూస్తుంటే.. క్వాలిటీ కోరుకునే వారికి ఇది బెస్ట్ ఆప్షన్ అనిపిస్తుంది.
Also Read: కొత్త ఏసీ కొనుగోలు చేస్తున్నారా? ఈ విషయాలు తెలుసుకోకపోతే మీ డబ్బులు వృధానే!
Share
కొత్త కైనెటిక్ DX+ ఈ-స్కూటర్ కొనాలనుకుంటున్నారా? కచ్చితంగా ఈ 5 విషయాలు తెలుసుకోండి!
ఆవు పాలు Vs గేదె పాలు.. ఈ రెండింటిలో ఏది ఆరోగ్యానికి శ్రేష్ఠం? అసలు నిజాలు ఇవే!
