Rare Discovery: నిత్యం ప్రపంచవ్యాప్తంగా ఎన్నో వింతైన సంఘటనలు జరుగుతుంటాయి. కొన్ని ఆశ్చర్యానికి గురిచేస్తే.. మరికొన్ని అద్భుతం అనేలా ఉంటాయి. అలాంటిదే తాజాగా నార్తర్న్ సౌదీ అరేబియాలోని ఉత్తర ప్రాంతంలో ఉన్న పురాతన గుహలు ఒక్కసారిగా ప్రపంచాన్ని ఆశ్చర్చానికి గురిచేశాయి. ఆ అద్భుతం ఏమిటంటే.. శతాబ్దాల క్రితం ఈ ప్రాంతంలో సంచరించిన చిరుతపులుల (Cheetahs) అవశేషాలు, మమ్మీలుగా మారి చెక్కుచెదరకుండా లభించాయి. సౌదీ ఎడారిలో ఉండే కఠినమైన వాతావరణ పరిస్థితులను తట్టుకుని ఈ భారీ జంతువులు ఎలా జీవించాయో తెలుసుకోవడానికి ఈ ఆవిష్కరణ ఒక కీలక ములుపుగా మారింది.
సౌదీలోని అరార్ నగరం సమీపంలో జరిపిన తవ్వకాల్లో శాస్త్రవేత్తలు ఏడు చిరుతపులి మమ్మీలతో పాటు.. దాదాపు 54 చిరుతల ఎముకలను కనిపెట్టారు. తాజాగా ‘కమ్యూనికేషన్స్ ఎర్త్ అండ్ ఎన్విరాన్‌మెంట్’ జర్నల్‌లో ప్రచురితమైన ఈ అధ్యయనం ప్రకారం.. ఈ అవశేషాలు 130 ఏళ్ల నుండి 1,800 ఏళ్ల క్రితం నాటివని తెలుస్తోంది.
Also Read: అదో దెయ్యాల కొంప.. 1951లో మొదలైన స్టోరీ నేటీకీ ప్రజలను భయపెడుతుందంటే నమ్మగలరా?
సాధారణంగా ఈజిప్టులో మనుషులు కృత్రిమంగా మమ్మీలను తయారు చేస్తారు. కానీ, ఇక్కడ గుహల్లోని తీవ్రమైన పొడిగాలి, విపరీతమైన వేడి ఉష్ణోగ్రతల వల్ల ఈ జంతువుల శరీరాలు సహజంగానే మమ్మీలుగా మారిపోయాయి. వాటి కళ్లు, కాళ్లు వంటి భాగాలు ఎండిపోయినట్లు కనిపిస్తున్నప్పటికీ.. వాటిని చూడటానికి మాత్రం స్పష్టంగా గుర్తించేలా ఉండటం విశేషం.
ఈ గుహల్లో దాదాపు 54 చిరుతలు ఎందుకు ఉన్నాయనే అంశంపై పరిశోధకులు అనేక అంచనాలు వేస్తున్నారు. చిరుత తల్లులు తమ పిల్లలను పెంచడానికి ఈ గుహలను ఆవాసాలుగా ఉపయోగించి ఉండవచ్చని ఒక వాదన. అలాగే అనారోగ్యం బారిన పడిన లేదా గాయపడిన జంతువులు రక్షణ కోసం ఇక్కడికి చేరుకుని ఉండవచ్చని భావిస్తున్నారు. సాధారణంగా చనిపోయిన జంతువుల కళేబరాలను ఇతర జంతువులు లేదా పక్షులు తినేస్తాయి. కానీ, ఈ గుహల లోపల చిరుతలు ఉండటం వల్ల బయటి నుంచి వచ్చే జంతువుల నుంచి రక్షణ పొంది, వేలఏళ్ల పాటు సురక్షితంగా ఉండిపోయినట్లు తెలుస్తోంది.
ఒకప్పుడు ఆసియా, ఆఫ్రికా, అరేబియా ప్రాంతాల్లో చిరుతలు విస్తృతంగా సంచరించేవి. అయితే వేటలు, నివాస ప్రాంతాలు తగ్గిపోవడం వంటి కారణాల వల్ల గతకొన్ని దశాబ్దాలుగా అరేబియాలో ఇవి కనిపించకుండా పోయాయి. ఇప్పుడు లభించిన మమ్మీల నుండి శాస్త్రవేత్తలు DNA ను సేకరించడంలో విజయం సాధించారు. ఈ జన్యు పరీక్షల్లో ఇవి ఆధునిక ఆసియా, వాయువ్య ఆఫ్రికా చిరుతలకు దగ్గరి సంబంధం కలిగి ఉన్నాయని తేలింది. ఈ సమాచారం భవిష్యత్తులో చిరుతలను తిరిగి అరేబియా అడవుల్లోకి ప్రవేశపెట్టే కార్యక్రమాలకు ఎంతో సహాయపడుతుందని పరిశోధకులు భావిస్తున్నారు.
Also Read: కొండంచున కాఫీ షాపు.. అక్కడ హెల్మెట్ తప్పనిసరి, లేకపోతే..
Share
CM Revanth Reddy: మంత్రులపై వార్తలు రాసే ముందు నా వివరణ అడగండి: సింగరేణి వివాదంపై సీఎం రేవంత్ రెడ్డి ఘాటు వ్యాఖ్యలు!
Big tv Kissik Talks: జీవితంలో అలాంటి రోజులు వద్దు.. నాన్న కోరిక అదే అంటూ ఎమోషనల్!
