Gmail Username Change| గూగుల్ ప్రపంచవ్యాప్తంగా జిమెయిల్ యూజర్ల కోసం ఒక కొత్త అప్డేట్ తీసుకొచ్చింది. ఈ అప్డేట్ చాలాకాలంగా యూజర్లకు ఉన్న ఒక సమస్యను పరిష్కరిస్తుంది. చాలామంది యూజర్లు ఒకప్పుడు కొత్తగా జిమెయిల్ ఐడి క్రియేట్ చేసే సమయంలో అనాలోచితంగా సృష్టించిన ఈమెయిల్ ఐడీలు ఇప్పుడు అన్ప్రొఫెషనల్గా అనిపిస్తాయి. ఫన్నీ నిక్నేమ్స్ వంటి ఐడీలు ఉద్యోగ అప్లికేషన్లలో ఇబ్బంది కలిగిస్తాయి. చాలామంది తమ జిమెయిల్ ఐడి పేరు మార్చుకోవాలని అనుకుంటారు. కానీ వాటిని ఒకసారి క్రియేట్ చేశాక ఐడిలో మార్పులు చేయలేం. ఇప్పటివరకు గూగుల్ జిమెయిల్ అడ్రస్ మార్చడానికి అనుమతి ఇవ్వలేదు. అయితే ఇప్పుడు ఆ రూల్ మారబోతోంది. గూగుల్ పాత జిమెయిల్ ఐడీలను సురక్షితంగా మార్చే సౌకర్యం తీసుకురాబోతోంది.
రిపోర్ట్స్ ప్రకారం.. యూజర్లు త్వరలో తమ @gmail.com అడ్రస్ను మార్చుకోవచ్చు. ఈ మార్పు వల్ల ఈమెయిల్స్, ఫోటోలు, గూగుల్ డ్రైవ్ ఫైల్స్ఇలాంటి డేటా డిలీట్ కాదు. అకౌంట్ డేటా పూర్తిగా సురక్షితంగా ఉంటుంది. గూగుల్ ఈ ఫీచర్ను చాలా జాగ్రత్తగా డిజైన్ చేసింది. ఒరిజినల్ అకౌంట్కు పూర్తి యాక్సెస్ ఉంటుంది. కేవలం కనిపించే ఈమెయిల్ అడ్రస్ మాత్రమే మారుతుంది. ప్రొఫెషనల్ యూజర్లకు ఇది భారీ రిలీఫ్.
జిమెయిల్ ఐడికి సంబంధించిన ఒక పెద్ద క్లూ.. గూగుల్ సపోర్ట్ పేజీలో కనిపించింది. ఆశ్చర్యకరంగా ఆ పేజీ హిందీలో మాత్రమే అందుబాటులో ఉంది. టెక్ కమ్యూనిటీలో ఇది చాలా ప్రశ్నలు రేకెత్తించింది. నిపుణుల అభిప్రాయం ప్రకారం గూగుల్ ముందు భారతదేశంలో టెస్టింగ్ ప్రారంభించవచ్చు. భారతదేశం.. గూగుల్కు అతిపెద్ద యూజర్ మార్కెట్లలో ఒకటి. కాబట్టి కొత్త జిమెయిల్ ఫీచర్లకు భారతదేశం లాజికల్ టెస్టింగ్ గ్రౌండ్. డాక్యుమెంటేషన్ అందుబాటు ఫీచర్ లాంచ్ దగ్గర్లో ఉందని సూచిస్తోంది.
గూగుల్ పాత ఈమెయిల్ అడ్రస్ను అలియాస్గా మారుస్తుంది. అలియాస్ అంటే ఒకే ఇన్బాక్స్కు లింక్ అయిన సెకండరీ అడ్రస్. పాత, కొత్త అడ్రస్లకు వచ్చే ఈమెయిల్స్ ఒకే ఇన్బాక్స్లోకి వస్తాయి. మునుపటి ఈమెయిల్స్, ఫైల్స్కు మీకు యాక్సెస్ అలాగే కొనసాగుతుంది. ఫోటోలు, మెసేజ్లు, అకౌంట్ సెట్టింగ్స్ ఏమీ మారవు. కేవలం డిస్ప్లే అయ్యే ఈమెయిల్ అడ్రస్ కొత్తగా కనిపిస్తుంది. అకౌంట్ ఐడెంటిటీ అలాగే ఉంటుంది.
కొన్ని చోట్ల పాత ఈమెయిల్ అడ్రస్ ఇంకా కనిపిస్తుంది. పాత క్యాలెండర్ ఇన్విటేషన్లలో మునుపటి ఐడీ కనిపిస్తుంది. కొన్ని గూగుల్ సర్వీసెస్ స్లోగా అప్డేట్ అవుతాయి. పాత అడ్రస్ నుంచి ఈమెయిల్స్ పంపవచ్చు. పాత ఈమెయిల్ అడ్రస్ శాశ్వతంగా రిజర్వ్ అవుతుంది. ఇతరులు దాన్ని క్లెయిమ్ చేయలేరు. ఇది ఐడెంటిటీ ప్రొటెక్షన్, ప్రైవసీకి హామీ ఇస్తుంది.
Also Read: ఇంటర్నెట్లో ఫ్రీగా సినిమాలు చూసేవారిపై కేసులు.. హెచ్చరిక జారీ చేసిన ప్రభుత్వం
ఈ ఫీచర్ దుర్వినియోగం కాకుండా గూగుల్ కొన్ని కఠిన నియమాలు పెట్టింది. జిమెయిల్ అడ్రస్ తరచూ మార్చలేరు. ఒకసారి మార్చిన తర్వాత 12 నెలలు వేచి ఉండాలి. ఈ పీరియడ్లో కొత్త అడ్రస్ డిలీట్ లేదా మార్చలేరు. అందుకే కొత్త ఐడి జాగ్రత్తగా డిసైడ్ చేయడం ముఖ్యం. ఒక అకౌంట్కు కేవలం మూడు సార్లు మాత్రమే మార్చవచ్చు. అంటే జీవితకాలంలో నాలుగు అడ్రస్లు (ఒరిజినల్ + మూడు మార్పులు).
ఈ ఫీచర్ గూగుల్ పిక్సెల్ హబ్ టెలిగ్రామ్ గ్రూప్లో కనిపించింది. హిందీ సపోర్ట్ పేజీ ఎర్లీ రోల్అవుట్ సంకేతాలు ఇస్తోంది. ఇంకా ఫీచర్ యాక్టివ్ కాలేదు. గూగుల్ అధికారిక లాంచ్ డేట్ ప్రకటించలేదు. సపోర్ట్ డాక్యుమెంటేషన్ ప్రకారం మరి కొన్ని రోజుల్లో ఈ ఫీచర్ అందుబాటులోకి రానుంది. అయితే ఇది దశల వారీగా జరుగుతుంది. ఈ అప్డేట్ జిమెయిల్ ఐడెంటిటీ కంట్రోల్ను కొత్తగా నిర్వచిస్తుంది.
Share
Deepak Reddy: ఐఏఎస్లు వ్యవస్థకు పట్టిన దరిద్రం.. కూతురి పెళ్లికి రూ.1000 కోట్ల కట్నం! దీపక్రెడ్డి సంచలనం
Fatty Liver: కాలేయంలో కొవ్వును కరిగించాలా? ఈ 6 సూపర్ ఫుడ్స్ మీ డైట్లో ఉండాల్సిందే
