Honor 32GB RAM| చైనా స్మార్ట్ఫోన్ బ్రాండ్లలో హానర్ కంపెనీ ఫోన్స్కు ఒక ప్రత్యేకత ఉంది. గేమింగ్ ఫోన్స్కు ఇది పెట్టింది పేరు. తాజాగా హానర్ బ్రాండ్ కొత్త స్మార్ట్ఫోన్ సిరీస్ ఫోన్స్ లాంచ్ చేయనుంది. ఈ సిరీస్లో రెండు మోడల్స్ ఉంటాయి. హానర్ విన్ మరియు హానర్ విన్ ఆర్టి. వీటిని డిసెంబర్ 26న అధికారికంగా లాంచ్ ఈ సూపర్ స్పీడ్ ఫోన్లు విడుదల కానున్నాయి. హానర్ విన్ మోడల్ మరింత శక్తివంతమైన హార్డ్వేర్, ప్రీమియం ఫీచర్లతో వస్తుంది. ఈ ఫోన్లు ప్రత్యేకంగా గేమర్ల కోసం రూపొందించినవి, ఎక్కువ బ్యాటరీ లైఫ్, హై పర్ఫార్మెన్స్తో సెగ్మెంట్ ను టార్గెట్ చేస్తాయి.
లాంచ్కు ముందు హానర్ విన్ మోడల్ కీ స్పెసిఫికేషన్స్ ఆన్లైన్లో లీక్ అయ్యాయి. వీబోలో ఒక యూజర్ “అబౌట్ ఫోన్” ఇమేజ్ షేర్ చేశాడు. హానర్ ఇంజినీర్ దాన్ని రీపోస్ట్ చేయడంతో ఈ లీక్ నిజమే అని నమ్మకం కలిగింది. ఈ వివరాలు ఫైనల్ ప్రొడక్షన్ మోడల్కు సరిపోతాయని అంచనా.
హానర్ విన్లో 10,000 mAh సిలికాన్-కార్బన్ బ్యాటరీ ఉండవచ్చు. ఇది సాధారణ ఫ్లాగ్షిప్ ఫోన్ల కంటే చాలా పెద్దది. ఈ బ్యాటరీతో ఎక్కువసేపు స్క్రీన్ టైమ్, హెవీ యూసేజ్ సాధ్యమవుతుంది. గేమర్లు, ట్రావెలర్లు, పవర్ యూజర్లకు ఇది చాలా ఉపయోగకరం. యాక్టివ్ కూలింగ్ ఫ్యాన్ కూడా ఉండడంతో ఫోన్ హీటింగ్ సమస్యను చాలా తక్కువ.
లీక్ ప్రకారం.. స్నాప్డ్రాగన్ 8 ఎలైట్ జెన్ 5 చిప్సెట్ ఉంటుంది. ఇది టాప్-లెవల్ పర్ఫార్మెన్స్, మంచి ఎనర్జీ ఎఫిషియెన్సీ ఇస్తుంది. గేమింగ్, మల్టీటాస్కింగ్, ఏఐ టాస్క్లు స్మూత్గా నడుస్తాయి. హానర్ విన్ను నిజమైన పర్ఫార్మెన్స్ ఫోకస్డ్ డివైస్గా పొజిషన్ చేస్తోంది.
హానర్ విన్లో 6.83 అంగుళాల పెద్ద స్క్రీన్ ఉండవచ్చు. 1.5కె రిజల్యూషన్ (2800 x 1272 పిక్సెల్స్) ఓఎల్ఇడి డిస్ప్లే ఇస్తుంది. ఇది షార్ప్ విజువల్స్, ఇమ్మర్సివ్ వ్యూయింగ్ ఎక్స్పీరియన్స్ ఇస్తుంది. హై రిఫ్రెష్ రేట్ కూడా ఉండడడంతో గేమింగ్ మరింత స్మూత్ అవుతుంది.
గరిష్టంగా 16జీబీ ఎల్డీడీఆర్5ఎక్స్ అల్ట్రా ఫిజికల్ ర్యామ్ ఉంటుంది. అదనంగా 16జీబీ వర్చువల్ ర్యామ్ కూడా జత చేసి మల్టీటాస్కింగ్ను సులభతరం చేస్తుంది. అంటే మొత్తంగా ఫోన్లో 32GB ర్యామ్ ఉంటుంది. హానర్ సొంత సీ1+ ఆర్ఎఫ్ చిప్, ఈ2 పవర్ ఎఫిషియెన్సీ చిప్లు సిగ్నల్ స్టెబిలిటీ, బ్యాటరీ సేవింగ్ మెరుగుపరుస్తాయి.
వెనుకవైపు ట్రిపుల్ కెమెరా సెటప్ ఉంటుంది. మెయిన్ కెమెరా 50 మెగాపిక్సెల్ సెన్సార్తో వస్తుంది. మిగతా కెమెరాల వివరాలు ఇంకా వెల్లడి కాలేదు. డిసెంబర్ 26న లాంచ్లో పూర్తి కెమెరా స్పెసిఫికేషన్స్ వెల్లడవుతాయి.
Also Read: ఇంటర్నెట్లో యాడ్స్తో విసిగిపోయారా? దీనికి కారణం అదే.. ఈ సెట్టింగ్స్ మార్చండి
బ్లాక్, బ్లూ, వైట్ రంగుల్లో లభిస్తుంది. రెండు మోడల్స్ ఇప్పటికే హానర్ చైనా వెబ్సైట్లో లిస్ట్ అయ్యాయి. డిసెంబర్ 26 లాంచ్ టైమ్లైన్ కూడా కన్ఫర్మ్ అయింది.
హానర్ విన్ సిరీస్ పర్ఫార్మెన్స్ ఇష్టపడే కస్టమర్లను టార్గెట్ చేస్తుంది. భారీ బ్యాటరీ, ఫ్లాగ్షిప్ ప్రాసెసర్ ప్రధాన ఆకర్షణలు. ధర పోటీతత్వంగా ఉంటే మార్కెట్లో బాగా ఆకర్షిస్తుంది. అధికారిక వివరాలు లాంచ్ ఈవెంట్లో తెలుస్తాయి.
Share
Champion Event : స్పీచ్ తో ఆకట్టుకున్న రోషన్ మేక, నాన్న నువ్వే నా ఐడెంటిటీ అంటూ ఎమోషనల్
Train accident: రైలు బోగి కింద మంటలు.. రాష్ట్రంలో తప్పిన పెను ప్రమాదం, జస్ట్ అయితే..?
