Honor X7e Plus 5G: గతంలో వచ్చిన హానర్ X7e 4G మోడల్కు మంచి స్పందన లభించడంతో.. కంపెనీ ఇప్పుడు మరింత శక్తివంతమైన ఫీచర్లతో Honor X7e Plus 5Gని గ్లోబల్ మార్కెట్లోకి తీసుకొచ్చింది. అదనపు బ్యాటరీ సపోర్ట్, మెరుగైన ప్రాసెసర్, కొత్త AI ఫీచర్లతో ఈ ఫోన్ వినియోగదారులను ఎంతగానో ఆకట్టుకుంటోంది.
ఈ స్మార్ట్ఫోన్లో 6.87 ఇంచుల HD+ డిస్ప్లేను అందించారు. ఇది 120Hz రిఫ్రెష్ రేట్, 1,020 నిట్స్ బ్రైట్నెస్తో వస్తుంది. కంటికి రక్షణగా ఐ-కంఫర్ట్ మోడ్స్ కూడా ఉన్నాయి. అయితే ఈ ఫోన్లో ప్రధాన ఆకర్షణ దీని ప్రత్యేక AI బటన్. ఈ బటన్ను లాంగ్ ప్రెస్ చేయడం ద్వారా సర్కిల్ టు సెర్చ్, AI ఎరేజర్, AI సమ్మరీ వంటి సరికొత్త ఫీచర్లను చాలా వేగంగా వాడవచ్చు.
Also Read: జియో, విఐ బెటర్ అంటున్న యూజర్లు.. ఎయిర్టెల్ 5G హాట్స్పాట్ బ్యాన్పై సోషల్ మీడియాలో ఆగ్రహం!
ఈ ఫోన్ స్నాప్డ్రాగన్ 4 Gen 4 చిప్సెట్తో పనిచేస్తుంది. ఇందులో 8GB వరకు ర్యామ్, 256GB వరకు స్టోరేజ్ ఆప్షన్లు ఉన్నాయి. వర్చువల్ ర్యామ్ సపోర్ట్ వల్ల మల్టీటాస్కింగ్ చాలా స్మూత్గా సాగుతుంది. ఆండ్రాయిడ్ 16 ఆధారిత మ్యాజిక్ OS 10పై ఈ డివైజ్ రన్ అవుతుంది. ఇక కెమెరా విషయానికొస్తే.. వెనుక వైపు 50 మెగాపిక్సెల్ మెయిన్ కెమెరా, ముందు వైపు 5 మెగాపిక్సెల్ సెల్ఫీ కెమెరా ఇచ్చారు.
Honor X7e Plus 5G యొక్క అతిపెద్ద ప్లస్ పాయింట్ దీని 8,100mAh భారీ బ్యాటరీ. ఇది 45W ఫాస్ట్ ఛార్జింగ్కు సపోర్ట్ చేస్తుంది. తీవ్రమైన వేడి, చలి వాతావరణంలో కూడా ఇది సులభంగా పనిచేస్తుందని కంపెనీ చెబుతోంది. అంతేకాదు.. కింద పడినా త్వరగా పాడవకుండా వాటర్, డస్ట్ ప్రూఫ్తో పాటు అత్యుత్తమ డ్రాప్ రెసిస్టెన్స్ సర్టిఫికేషన్తో ఈ ఫోన్ను రూపోందించారు.
ప్రస్తుతానికి ఈ ఫోన్ ఖతార్, ఒమన్ దేశాల్లో విడుదలైంది. ఖతార్లో 6GB ర్యామ్ వేరియంట్ ధర సుమారు రూ.23,000 కాగా, 8GB వేరియంట్ ధర రూ.25,000గా ఉంది. ఇది గోల్డ్, బ్లాక్, సిల్వర్ రంగుల్లో లభిస్తుంది. త్వరలోనే ఇతర దేశాల మార్కెట్లలోకి కూడా రానుంది.
Also Read: iPhone 18 Pro Max లీక్స్.. ఫీచర్లు చూస్తే మైండ్ బ్లాకే, కానీ ఆ ఒక్కటే పెద్ద ట్విస్ట్!
Share
పాకిస్తాన్ లో జగన్నాథుడి రథయాత్ర.. చూసేందుకు రెండు కళ్లు చాలవనుకోండి!
రికార్డుల వేటలో 'ది ఒడిస్సీ'..మన మేకర్స్ ఇప్పటికైనా మారతారా?
