Laptop Keyboard Cleaning: ల్యాప్‌టాప్ ఎక్కువ కాలం మన్నాలన్నా, కీబోర్డ్ సరిగ్గా పనిచేయాలన్నా దాన్ని అప్పుడప్పుడు శుభ్రం చేయడం చాలా ముఖ్యం. కీ బోర్డ్‌లో దుమ్ము చేరితే టైపింగ్ చేయడం కష్టమవుతుంది. అందుకే ఇంట్లో ఉండే కొన్ని సాధారణ వస్తువులతో కీబోర్డ్‌ను ఎలా క్లీన్ చేసుకోవాలో ఇప్పుడీ కథనం ద్వారా తెలుసుకుందాం రండి..
కీబోర్డ్ క్లీన్ చేసే ముందు ల్యాప్‌టాప్‌ను పూర్తిగా ఆపివేయాలి (పవర్ ఆఫ్ చేయాలి). ఛార్జర్ కనెక్ట్ చేసి ఉంటే తీసేయాలి. ఆ తర్వాత ల్యాప్‌టాప్‌ను బోర్లా తిప్పడం వల్ల లోపల ఉన్న దుమ్ము, చిన్న చిన్న నలకలు సులభంగా కింద పడిపోతాయి.
Keyల మధ్యలో పేరుకుపోయిన దుమ్మును తొలగించడానికి ఒక చిన్న సాఫ్ట్ పెయింట్ బ్రష్ ఉపయోగించవచ్చు. చాలా జాగ్రత్తగా కీల మధ్య బ్రష్‌తో తుడవాలి. ఒకవేళ మీ వద్ద కంప్రెస్డ్ ఎయిర్ స్ప్రే ఉంటే, ల్యాప్‌టాప్‌ను కాస్త వంచి స్ప్రే చేయడం ద్వారా క్షణాల్లో దుమ్మంతా బయటకు వచ్చేస్తాయి.
Also Read: పాత టీవీల్లా ‘సెంటర్ స్టాండ్’ ఇప్పుడు ఎందుకు రావడం లేదు? దీని వెనుక ఇంత పెద్ద స్కెచ్ ఉందా?
పైపై దుమ్ము పోయిన తర్వాత.. కీబోర్డ్ పైభాగంలో ఉండే చేతి జిడ్డును వదిలించడానికి మైక్రోఫైబర్ క్లాత్ ఉపయోగించాలి. కొద్దిగా మొండి మరకలు ఉంటే, క్లాత్‌పై కొన్ని చుక్కల ఐసోప్రొపైల్ ఆల్కహాల్ (70% కంటే తక్కువ ఉన్నది) వేసి మెల్లగా తుడవాలి. కానీ ఆల్కహాల్‌ను నేరుగా కీలపై మాత్రం పోయకూడదు.
కీల కింద మురికి ఎక్కువగా పేరుకుపోతే.. ల్యాప్‌టాప్ కీస్ విడిపోతాయో లేదో ముందే కంపెనీ వెబ్‌సైట్లో చూసుకోవాలి. అవి ఊడి వచ్చేవే అయితే, ఒక చిన్న స్క్రూడ్రైవర్ సహాయంతో మెల్లగా వాటిని పైకి తీసి, లోపల ఉన్న మురికిని తుడిచి, ఆరిన తర్వాత మళ్లీ అమర్చాలి.
ఒకవేళ పొరపాటున కీబోర్డ్‌పై నీళ్లు పడితే, వెంటనే ల్యాప్‌టాప్ ఆఫ్ చేసి, ఒక టవల్‌పై కీబోర్డ్ కిందికి ఉండేలా బోర్లా పెట్టి కనీసం 24 గంటలు వదిలేయాలి. అదే కూల్‌డ్రింక్స్ లాంటి తీపి పదార్థాలు పడితే మాత్రం సొంత ప్రయోగాలు చేయకుండా వెంటనే సర్వీస్ సెంటర్‌కు తీసుకెళ్లడం మంచిది.
Also Read: Wi-Fi స్పీడ్ తగ్గడానికి అసలు కారణం రూటర్ కాదు.. తెరవెనుక జరిగే అసలు కథ ఇదీ!
Share
రైతులపై కక్షనా? బీఆర్ఎస్ పార్టీపై కక్షనా? కాంగ్రెస్పై శ్రీనివాస్ గౌడ్ ఫైర్!
ఉప్పుకు ప్రత్యామ్నాయంగా పుట్టిన వంటకం.. అస్సామీల సాంప్రదాయ ‘కోలాఖార్’ రుచి చూశారా?
