Phone Water Eject: అనుకోకుండా చేతిలో ఉన్న ఐఫోన్ జారి స్విమ్మింగ్ పూల్‌లో పడిపోయినా లేదంటే వర్షంలో తడిచినా వెంటనే ఫోన్ బయటకు తీసి తుడిచేస్తాం. కానీ అసలు టెన్షన్ అప్పుడే మొదలవుతుంది. స్పీకర్ నుంచి వచ్చే సౌండ్ ఒక్కసారిగా మారుతుంది. వాల్యూమ్ పెంచినా పెద్దగా మార్పు కనిపించదు. అప్పుడు స్పీకర్‌లో నీళ్లు చిక్కుకున్నాయని అర్థమవుతుంది. దీని కోసం సర్వీస్ సెంటర్‌కు పరుగు పెట్టాల్సిన అవసరం లేదు. ఐఫోన్‌లోనే ఉపయోగించగల ఓ చిన్న షార్ట్‌కట్‌తో స్పీకర్‌లో దగ్గర చేరిన నీటిని బయటకు పంపే ప్రయత్నం చేయొచ్చు.
వాటర్ ఎజెక్ట్ షార్ట్‌కట్ రన్ చేస్తే ఐఫోన్ ఒక ప్రత్యేకమైన లో-ఫ్రీక్వెన్సీ సౌండ్‌ను ప్లే చేస్తుంది. ఆ సౌండ్ వల్ల స్పీకర్‌లో వైబ్రేషన్ ఏర్పడి, రంధ్రాల్లో చిక్కుకున్న నీటి బిందువులను బయటకు నెట్టడంలో సహాయపడుతుంది. ఇది యాపిల్ వాచ్‌లోని వాటర్ ఎజెక్ట్ ఫీచర్‌ను పోలి ఉంటుంది. అయితే ఇది స్పీకర్ దగ్గరి నీటిని మాత్రమే తొలగించడానికి ఉపయోగపడుతుంది.
ఈ ఆప్షన్ ఐఫోన్‌లో ముందుగానే కనిపించదు. నమ్మకమైన సోర్స్ నుంచి వాటర్ ఎజెక్ట్ షార్ట్‌కట్‌ను తీసుకుని Shortcuts యాప్‌లో యాడ్ చేసుకోవాలి. Add Shortcutపై ట్యాప్ చేస్తే అది సేవ్ అవుతుంది. తెలియని లింకుల విషయంలో మాత్రం జాగ్రత్తగా ఉండాలి.
Also Read: బడ్జెట్‌లో బిగ్ బ్యాటరీ స్మార్ట్‌ఫోన్.. ఫీచర్స్ చూస్తే వెంటనే కొనుక్కోవాలనిపిస్తుంది!
Shortcuts యాప్‌లో వాటర్ ఎజెక్ట్‌ను రన్ చేసి.. సౌండ్ ప్లే అయ్యే సమయంలో ఐఫోన్ స్పీకర్ కింది వైపు ఉండేలా పట్టుకోవాలి. సౌండ్ పూర్తయిన తర్వాత పాట లేదా వీడియో ప్లే చేసి స్పీకర్‌ను చెక్ చేయండి. సౌండ్ క్లియర్‌గా వస్తే నీరు బయటకు వచ్చినట్టే.
హెయిర్ డ్రైయర్, హీటర్‌తో ఫోన్‌ను వేడి చేయకూడదు. కంప్రెస్డ్ ఎయిర్ కూడా వాడకూడదు. బియ్యంలో పెట్టడం కూడా సరైన పద్ధతి కాదు. ఇలా చేయడానికి బదులుగా గాలి బాగా తగిలే పొడి ప్రదేశంలో ఫోన్‌ను ఉంచడం మంచిది.
వాటర్ ఎజెక్ట్ కేవలం స్పీకర్ దగ్గరి చిన్న నీటి బిందువులకు మాత్రమే ఉపయోగపడుతుంది. ఫోన్ పదేపదే ఆఫ్ అవడం,
ఛార్జింగ్ కాకపోవడం, డిస్‌ప్లేలో సమస్యలు కనిపించడం వంటి లక్షణాలు ఉంటే ఆలస్యం చేయకుండా యాపిల్ సర్వీస్ సెంటర్‌కు తీసుకెళ్లడం మంచిది.
Also Read: Sony vs Bose.. ఈ రెండింటిలో ఏ నాయిస్ క్యాన్సిలింగ్ హెడ్‌ఫోన్స్ కొంటే మీ డబ్బులు వృధా కావు?
Share
నన్ను కొనేందుకు ఫిక్సర్ వస్తే..హోటల్ రూంలోనే చితకబాదాను
తనిఖీ చేస్తే మిల్లింగ్ ఆపేస్తాం.. మిల్లర్లు రివర్స్ ఎటాక్..!
