Home Wi-Fi Tips: సాధారణంగా ఇంట్లో వర్క్ ఫ్రం హోమ్ చేసేవాళ్లకైనా, ఆన్లైన్ క్లాసులు వినేవాళ్లకైనా వై-ఫై సిగ్నల్ ప్రాబ్లం అనేది పెద్ద తలనొప్పిగా ఉంటుంది. హాల్లో కూర్చున్నప్పుడు ఫుల్ స్పీడ్గా వచ్చే నెట్, రూమ్లోకి వెళ్లేసరికి స్లో అయిపోవడం లేదా అసలు రాకపోవడం వంటి సమస్యలు చాలామందికి ఎదురవుతూనే ఉంటాయి. ఇలాంటి సమయంలో వై-ఫై ఎక్స్టెండర్లు లేదా మెష్ సిస్టమ్స్ వంటి కొత్త పరికరాలు కొనడం కంటే, మీ ఇంట్లో ఉన్న పాత ఆండ్రాయిడ్ ఫోన్ను వాడుకోవడం ద్వారా రూపాయి ఖర్చు లేకుండా వై-ఫై సిగ్నల్ను పెంచుకోవచ్చు. అది ఎలాగనే కదా మీ సందేహం? రండి.. ఆ వివరాలేంటో ఇప్పుడు తెలుసుకుందాం.
మీ పాత ఫోన్ను ఆన్ చేసి, ఇంట్లో ఉన్న మెయిన్ వై-ఫై నెట్వర్క్కు కనెక్ట్ చేయండి. దీనికోసం సెట్టింగ్స్లోకి వెళ్లి ఇంటర్నెట్ ఆప్షన్ ద్వారా మీ వై-ఫై పాస్వర్డ్తో కనెక్ట్ చేసుకోండి. ఇది మీ ఫోన్కు ఇంటర్నెట్ అందేలా చేస్తుంది.
ఇప్పుడు అదే ఫోన్లో వై-ఫై హాట్స్పాట్ ఆప్షన్ను ఎనేబుల్ చేయాలి. సాధారణంగా సెట్టింగ్స్లో నెట్వర్క్, ఇంటర్నెట్ విభాగంలో ఇది ఉంటుంది. శాంసంగ్ ఫోన్లలో అయితే కనెక్షన్స్ మెనూలో మొబైల్ హాట్స్పాట్ అని కనిపిస్తుంది. దీన్ని ఆన్ చేయడం ద్వారా మీ ఫోన్ ఒక వై-ఫై ఎక్స్టెండర్లా మారి సిగ్నల్ను రీ బ్రాడ్కాస్ట్ చేస్తుంది.
Also Read: గోల్డెన్ ఛాన్స్ మావా.. శాంసంగ్ ప్రీమియం ఫోన్పై రూ.24వేల తగ్గింపు!
హాట్స్పాట్కు మీకు నచ్చిన పేరు పెట్టుకోవచ్చు. ఉదాహరణకు: మీ మెయిన్ వై-ఫై పేరు ‘హోమ్ నెట్’ అయితే.. దీనికి ‘హోమ్ నెట్ ఎక్స్టెన్షన్’ అని పేరు ఇచ్చుకుంటే గుర్తుపట్టడం చాలా సులభం. అలాగే మీ వై-ఫైని ఎవరూ వాడకుండా ఉండటానికి కూడా ఒక బలమైన పాస్వర్డ్ను సెట్ చేసుకోవడం మర్చిపోకండి.
ఒకవేళ మీ పాత ఫోన్లో సిమ్ కార్డ్ ఉంటే, మొబైల్ డేటాను పూర్తిగా ఆపేయండి. ఎందుకంటే.. ఫోన్ వై-ఫై ద్వారా కాకుండా సిమ్ డేటా ద్వారా ఇంటర్నెట్ షేర్ చేస్తే మీ ప్లాన్ ఖర్చయ్యే ప్రమాదం ఉంది. వీలైతే సిమ్ కార్డును తీసేస్తే ఇంకా మంచిది.
ఫోన్ను ఎక్కడ ఉంచుతారనేదే ఇక్కడ కీలకం. సిగ్నల్ రాని డెడ్ జోన్లో కాకుండా, రూటర్కు, డెడ్ జోన్కు మధ్యలో ఫోన్ను ఉంచాలి. అప్పుడే అది రూటర్ నుంచి సిగ్నల్ అందుకుని ఇంట్లో ఏ మూలకైనా హై స్పీడ్ ఇంటర్నెట్ను పంపగలదు. అలాగే హాట్స్పాట్ వల్ల బ్యాటరీ త్వరగా అయిపోతుంది కాబట్టి.. ఆ ఫోన్ను ఎప్పుడూ ఛార్జర్కు కనెక్ట్ చేసి ఉంచడం ఉత్తమం.
Also Read: స్మార్ట్ రింగ్ vs స్మార్ట్ వాచ్.. ఫిట్నెస్ ట్రాకింగ్కు ఏది బెస్ట్ ఆప్షన్!
Share
Mojtaba Khamenei: మొజ్తాబా ఖమేనీ 2.0 అప్డేట్ వెర్షన్.. ప్రూఫ్ బయటపెట్టన ఇరాన్, మళ్లీ వేట షురూ
Nutricook Smart Pot: ఒక్క కుక్కర్తో 9 రకాల వంటలు.. రైస్, కర్రీ, బిర్యానీ, కేక్స్ ఇలా అన్నీ క్షణాల్లోనే !
