HP HyperX Omen 15: గేమింగ్ లవర్స్ కోసం ప్రముఖ HP సంస్థ అత్యాధునిక టెక్నాలజీతో HyperX Omen 15 సిరీస్ను భారత్ మార్కెట్లో లాంచ్ చేసింది. శక్తివంతమైన ప్రాసెసర్, అదిరిపోయే గ్రాఫిక్స్ కాంబినేషన్లో వచ్చిన ఈ ల్యాప్టాప్.. అటు ప్రొఫెషనల్ గేమర్లకు, ఇటు క్రియేటర్లకు ఒక అద్భుతమైన ఛాయిస్ అనే చెప్పాలి. ముఖ్యంగా ఈ ల్యాప్టాప్లో ఉన్న AI ఫీచర్లు గేమింగ్ అనుభవాన్ని మరో స్థాయికి తీసుకెళ్తాయని కంపెనీ చెబుతోంది. ఇప్పుడీ HP HyperX Omen 15 ల్యాప్టాప్ పూర్తి వివరాళ్లోకి వెళ్లిపోదాం..
ఈ ల్యాప్టాప్ లోపల అత్యంత వేగవంతమైన ఇంటెల్ కోర్ i7-14650HX ప్రాసెసర్ను అమర్చారు. అలాగా ఎన్విడియా జీఫోర్స్ RTX 50 సిరీస్ గ్రాఫిక్ కార్డ్ కూడా ఉంది. 170W గ్రాఫిక్స్ పవర్తో పనిచేసే ఈ సిస్టమ్.. భారీ గేమ్లను కూడా ఆటంకం లేకుండా రన్ చేస్తుంది. 180Hz రిఫ్రెష్ రేట్, 500 నిట్స్ బ్రైట్నెస్తో కూడిన స్క్రీన్ దృశ్యాలను చాలా స్పష్టంగా చూపిస్తుంది. ఇది 0.125ms రెస్పాన్స్ టైమ్ కలిగి ఉండటం వలన గేమింగ్లో ప్రతి కదలిక మెరుపు వేగంతో చూపిస్తుంది.
Also Read: ఒక్కసారి ఛార్జ్ చేస్తే 25 రోజులు వాడొచ్చు.. అమాజ్ఫిట్ యాక్టివ్ మాక్స్ స్మార్ట్వాచ్ భారత్లో లాంచ్!
ఈ HP HyperX Omen 15 సిరీస్లో వన్ టచ్ ఒమెన్ AI ఫీచర్ ప్రత్యేక ఆకర్షణగా నిలుస్తోంది. ఇది ల్యాప్టాప్ పనితీరును ఎప్పటికప్పుడు గమనిస్తూ.. అవసరానికి తగ్గట్టుగా సిస్టమ్ సెట్టింగ్లను ఆటోమేటిక్గా మార్చేస్తుంది. ఇక వేడెక్కకుండా ఉండేందుకు ఒమెన్ టెంపెస్ట్ కూలింగ్ వ్యవస్థను వాడారు. అలాగే ధూళి వల్ల ఫ్యాన్లు పాడవకుండా సెల్ఫ్ క్లీనింగ్ ఫీచర్ను కూడా ఇందులో చేర్చడం విశేషం.
భారత మార్కెట్లో హైపర్ఎక్స్ ఒమెన్ 15 ప్రారంభ ధర రూ.1,49,999. అయితే దీనిపై HP లాంచ్ ఆఫర్లను కూడా ప్రకటించింది. పాత ల్యాప్టాప్లపై ఎక్స్ఛేంజ్ బోనస్తో పాటు, ఎంపిక చేసిన బ్యాంకు కార్డులపై డిస్కౌంట్లు కలిపి దాదాపు రూ.50,000 వరకు ఆదా చేసుకునే అవకాశం ఉంది. ఫ్లిప్కార్ట్ ద్వారా ఈ ల్యాప్టాప్ను 18 నెలల EMI ద్వారా కూడా సొంతం చేసుకోవచ్చు.
Also Read: వివో నుంచి మరో సంచలనం.. 6,200mAh బ్యాటరీ, 50MP ట్రిపుల్ కెమెరాతో కొత్త ఫోన్ లాంచ్!
Share
Jr.NTR: జూ.ఎన్టీఆర్ కి అస్వస్థత.. ప్రశాంత్ నీల్ మూవీకి ఆలస్యం తప్పదా?
Protein Deficiency: మీ శరీరంలో ఈ లక్షణాలున్నాయా ? ప్రోటీన్ లోపం కావొచ్చు జాగ్రత్త
