Human vs Machine: సాంకేతిక ప్రపంచంలో రోబోలు మనుషుల స్థానాన్ని భర్తీ చేస్తున్నాయనే చర్చ జోరందుకున్న తరుణంలో ఒక ఆసక్తికరమైన పోటీ జరిగింది. ప్రముఖ ఆర్టిఫిషియల్ ఇంటెలిజెన్స్ సంస్థ ‘ఫిగర్ ఏఐ’ (Figure AI) లైవ్ స్ట్రీమ్ వేదికగా ‘మ్యాన్ వర్సెస్ మిషన్’ (మానవులు vs యంత్రాలు) పేరిట ఒక అద్భుతమైన పోటీని నిర్వహించింది. 10 గంటల పాటు నాన్స్టాప్గా సాగిన ఈ ప్యాకేజీ సార్టింగ్ పోటీలో చివరికి మానవ మేధస్సే పైచేయి సాధించింది.
రోబోల సామర్థ్యాన్ని, వేగాన్ని పరీక్షించేందుకు ఫిగర్ ఏఐ సంస్థ తమ అత్యాధునిక హ్యుమనాయిడ్ రోబో ‘F.03’ ను రంగంలోకి దించింది. దీనికి పోటీగా ‘ఐమే’ (Aime) అనే కాలేజీ విద్యార్థిని బరిలోకి దింపారు. ఒక పక్క అలసట లేని యంత్రం, మరోపక్క ఉత్సాహంతో కూడిన మానవ శ్రమ మధ్య ఈ పోటీ ఏకధాటిగా 10 గంటల పాటు ప్రత్యక్ష ప్రసారం (Live stream) చేశారు. ప్రపంచవ్యాప్తంగా లక్షలాది మంది ఈ ఉత్కంఠభరిత పోరును వీక్షించారు.
Figure’s sorting stream just hit Day 5, and today it’s straight-up Man vs. Machine 🤖
F.03 is doing the ugly warehouse work: find the barcode, grab the parcel, flip it barcode-down, and send it onto the conveyor.
Figure says it’s running fully autonomously on Helix-02, no… https://t.co/2QO5LypckH pic.twitter.com/KPEzWf0yTI
— RoboHub🤖 (@XRoboHub) May 18, 2026
పోటీ ప్రారంభం నుండి మానవుడు, మిషన్.. హోరాహోరీగా తలపడ్డాయి. ప్యాకేజీలను గుర్తించి వాటిని సరైన స్థానాల్లో సర్దడంలో రోబో, మానవ మేధస్సు రెండూ అద్భుతమైన వేగాన్ని ప్రదర్శించాయి. ఒక్కో ప్యాకేజీని పూర్తి చేయడానికి పట్టిన సమయాన్ని గమనిస్తే పోటీ ఎంత తీవ్రంగా సాగిందో అర్థమవుతుంది. F.03 రోబో వేగం ఒక ప్యాకేజీకి సగటున 2.83 సెకన్లు కాగా.. ఐమే వేగం ఒక ప్యాకేజీకి సగటున 2.79 సెకన్లుగా నమోదైంది. కేవలం 0.04 సెకన్ల స్వల్ప తేడాతో ఐమే రోబో కంటే వేగంగా అత్యధిక ప్యాకేజీలు సర్ది.. అందరినీ ఆశ్చర్యపరిచాడు.
10 గంటల సుదీర్ఘ సమయం ముగిసేసరికి, కాలేజీ ఇంటర్న్ ఐమే రోబో కంటే 192 ప్యాకేజీలను ఎక్కువగా సర్ది ఘన విజయం సాధించాడు. రోబోలకు అలసట లేనప్పటికీ మనుషుల్లో ఉండే సమయస్ఫూర్తి, చేతుల కదలికల్లోని ఫ్లెక్సిబిలిటీ ఈ విజయంలో కీలక పాత్ర పోషించాయని నిపుణులు విశ్లేషిస్తున్నారు. అదే రోబోతో పోలిస్తే మనిషిని విజేతగా నిలిపిందని ప్రశంసిస్తున్నారు.
Also Read: సీఎం విజయ్ మరో సంచలన నిర్ణయం.. ‘అమ్మ క్యాంటీన్ల’పై కీలక ఆదేశాలు జారీ
రోబోపై మనిషి సాధించిన విజయం.. సాంకేతిక ప్రపంచంలో సరికొత్త చర్చకు దారితీసింది. ఆర్టిఫిషియల్ ఇంటెలిజెన్స్, రోబోటిక్స్ ఎంత వేగంగా అభివృద్ధి చెందుతున్నప్పటికీ.. కొన్ని రంగాలలో మానవ నైపుణ్యాన్ని, వేగాన్ని అందుకోవడానికి యంత్రాలకు ఇంకా సమయం పడుతుందని ఈ పోటీ నిరూపించింది. రోబో వేగానికి సమవుజ్జీగా నిలబడటమే కాకుండా.. దానిపై విజయం సాధించిన ఐమేపై ఇప్పుడు నెటిజన్లు ప్రశంసల జల్లు కురిపిస్తున్నారు. మానవుల పరువు నిలబెట్టావంటూ ఫన్నీగా కామెంట్స్ చేస్తున్నారు.
Also Read: ఏనుగుల మధ్య ఘర్షణ.. కాళ్ల కింద నలిగి చనిపోయిన మహిళ.. వీడియో ఇదే!
Share
నాదగ్గర రూపాయి కూడా లేదు..రూ.100 కోట్ల ఆస్తి మొత్తం ఆమెకే రాసేశా.. పోసాని సంచలన వ్యాఖ్యలు
అంగట్లో పశువును కొన్నట్టు.. బచ్చన్నపేట్లో బీఆరెస్ లీడర్ అమానవీయం..! కేటీఆర్ స్పందించడేమీ?
