Instagram Battery Drain| చాలా మంది ఫోన్ ఫుల్ ఛార్జ్ చేసినా కాసేపట్లోనే బ్యాటరీ తగ్గిపోతుందని గమనిస్తున్నారు. దీనికి ముఖ్య కారణం ఇన్స్టాగ్రామ్ యాప్. ఇప్పుడు ఇన్స్టాగ్రామ్లో ఫోటోలు, వీడియోలు, రీల్స్, లైవ్ స్ట్రీమింగ్, మెసేజింగ్.. అన్నీ ఉన్నాయి. ఈ ఫీచర్స్ అన్నీ ఎక్కువ బ్యాటరీ పవర్ తీసుకుంటాయి. ఇన్స్టాగ్రామ్ ఎంత ఎక్కువగా ఉపయోగిస్తే బ్యాటరీ అంత త్వరగా ఖాళీ అయిపోతుంది.
ఇన్స్టాగ్రామ్ మీరు క్లోజ్ చేసినా బ్యాక్గ్రౌండ్లో పని చేస్తూనే ఉంటుంది. నోటిఫికేషన్స్ పంపుతుంది, కొత్త కంటెంట్ రిఫ్రెష్ చేస్తుంది, మెసేజ్లు సింక్ చేస్తుంది. ఇంటర్నెట్, ప్రాసెసర్ ఎప్పుడూ బిజీగా ఉంటాయి. నెట్వర్క్ సిగ్నల్ వీక్ ఉంటే ఇంకా ఎక్కువ బ్యాటరీ పోతుంది.
రీల్స్, వీడియోలు హై క్వాలిటీలో స్ట్రీమ్ అవుతాయి. స్క్రీన్, ప్రాసెసర్, ఇంటర్నెట్ మీద భారీ లోడ్ పడుతుంది. ఆటోప్లే ఫీచర్ వల్ల ఒక వీడియో అయిపోగానే మరొకటి వెంటనే మొదలవుతుంది. మీరు గమనించకుండానే బ్యాటరీ త్వరగా పోతుంది.
ఇన్స్టాగ్రామ్ లొకేషన్, కెమెరా, మైక్ పర్మిషన్స్ తీసుకుంటుంది. స్టోరీస్, రీల్స్ చేసేటప్పుడు ఇవి ఎక్కువగా వాడతాయి. GPS ఎప్పుడూ ఆన్ ఉంటే బ్యాటరీ ఎక్స్ట్రాగా పోతుంది. వీడియో ప్రాసెసింగ్ కూడా ఎక్కువ సమయం పవర్ తీసుకుంటుంది.
ఇన్స్టాగ్రామ్ పాత వెర్షన్ యాప్ ఉంటే బగ్స్ వల్ల బ్యాటరీ అతిత్వరగా పోవచ్చు. కొత్త అప్డేట్స్ బ్యాటరీ ఆప్టిమైజేషన్ చేస్తాయి. ఎప్పుడూ లేటెస్ట్ వెర్షన్కి అప్డేట్ చేసుకోండి.
ఇన్స్టాగ్రామ్ డిలీట్ చేయాల్సిన అవసరం లేదు. జాగ్రత్తగా ఉపయోగిస్తే బ్యాటరీ సమస్య తగ్గుతుంది. స్క్రీన్ టైమ్ గమనించండి, సెట్టింగ్స్ సరిగ్గా అడ్జస్ట్ చేసుకోండి. ఇక ఛార్జింగ్ టెన్షన్ లేకుండా ఎంజాయ్ చేయొచ్చు!
Also Read: ఇన్స్టాగ్రామ్లో అనవసర రీల్స్కు చెక్.. మీరు కోరుకున్నవి మాత్రమే చూడాలంటే ఇలా చేయండి
Share
Top 20 News Today: సంక్రాంతి రైళ్ల నుంచి పంచాయతీ పోరులో ఘర్షణల వరకు..
Vizag Steel Plant: విశాఖ స్టీల్ ప్లాంట్లో మరో కీలక విభాగం ప్రైవేటీకరణ.. కార్మికులు ఆందోళన
