Jio Arogya AI: దేశ రాజధాని న్యూ ఢిల్లీలో జరిగిన ఇండియా AI ఇంపాక్ట్ సమ్మిట్ 2026లో రిలయన్స్ జియో సంస్థ.. జియో ఆరోగ్య AI అనే కొత్త హెల్త్‌కేర్ మోడల్ ప్రవేశపెట్టింది. AI సాయంతో ప్రాథమిక హెల్త్‌కేర్ మెరుగుపరచడమే ఈ సిస్టమ్ లక్ష్యం. డాక్టర్లు, హాస్పిటల్స్ తక్కువగా ఉన్న గ్రామీణ, వెనుకబడిన ప్రాంతాలకు క్వాలిటీ హెల్త్ సర్వీసులు అందించాలని జియో భావిస్తోంది. ఈ AI పవర్డ్ క్లినిక్ త్వరిత మెడికల్ స్క్రీనింగ్ చేస్తుంది.
జియో తెలిపిన వివరాల ప్రకారం.. ఈ సిస్టమ్ కొద్ది నిమిషాల్లో ప్రాథమిక హెల్త్ స్క్రీనింగ్ పూర్తి చేస్తుంది. ప్రాథమిక హెల్త్ సెంటర్లలో గంటల తరబడి వెయిట్ చేయాల్సి ఉంటుంది. ఈ AI సిస్టమ్ వెయిటింగ్ టైమ్ చాలా తగ్గిస్తుంది. డాక్టర్ కన్సల్టేషన్ ముందు ఫస్ట్-లెవల్ స్క్రీనింగ్ చేస్తుంది. రోగులు తమ హెల్త్ కండిషన్ గురించి త్వరగా తెలుసుకోవచ్చు. హాస్పిటల్స్‌లో పేషెంట్ ఫ్లో సమర్థవంతంగా నిర్వహించవచ్చు.
ఈ సిస్టమ్‌లో AI-ఎనేబుల్డ్ స్మార్ట్ మిర్రర్ ఉంది. రోగులు ఈ మిర్రర్ ముందు నిలబడితే స్కాన్ చేస్తుంది. ముఖం, చర్మం, కళ్ల సంబంధిత డేటా సేకరిస్తుంది. AI ఈ డేటాను తక్షణమే ప్రాసెస్ చేసి బేసిక్ హెల్త్ రిపోర్ట్ ఇస్తుంది. ఫిజికల్ కాంటాక్ట్ లేదా మెడికల్ స్టాఫ్ అవసరం లేదు. త్వరగా, సులభంగా హెల్త్ అసెస్‌మెంట్ జరుగుతుంది.
జియో ఆరోగ్య AIలో వాయిస్ బేస్డ్ AI డాక్టర్ ఉంది. రోగులు తమ భాషలో లక్షణాలు చెప్పవచ్చు. అవసరమైతే AI అదనపు ప్రశ్నలు అడుగుతుంది. రోగి సమస్యలను స్పష్టంగా అర్థం చేసుకుంటుంది. పలు భారతీయ భాషలను సపోర్ట్ చేస్తుంది. మెడికల్ నాలెడ్జ్ తక్కువ ఉన్నవారికి చాలా సౌకర్యవంతం.
ఈ సిస్టమ్ రిస్క్ లెవల్స్ బట్టి రోగులను వర్గీకరిస్తుంది. నార్మల్ కేసులకు బేసిక్ మెడికల్ అడ్వైస్ ఇస్తుంది. సీరియస్ కేసులకు డాక్టర్ కన్సల్టేషన్ ప్రాధాన్యం ఇస్తుంది. డాక్టర్లకు అనవసర లోడ్ తగ్గుతుంది. క్రిటికల్ పేషెంట్లపై ఎక్కువ దృష్టి పెట్టవచ్చు. హాస్పిటల్స్‌లో టైమ్ మేనేజ్‌మెంట్ మెరుగవుతుంది.
హాస్పిటల్స్ దూరంగా ఉన్నవారికి ఈ సిస్టమ్ చాలా ఉపయోగకరం. సాధారణ చెకప్‌లకు దూర ప్రయాణం చేయాల్సిన అవసరం తప్పుతుంది. ఎర్లీ డిసీజ్ డిటెక్షన్ మెరుగవుతుంది. ఆరోగ్య సమస్యలు తీవ్రమవకముందే గుర్తిస్తుంది. సమయానికి చికిత్స పొందే అవకాశం పెరుగుతుంది.
Also Read: ఆన్‌లైన్‌లో కొత్త ఐఫోన్ కొంటే పాత ఫోన్ డెలివరీ.. ఎలా గుర్తుపట్టాలంటే
జియో ఆరోగ్య AI భారత హెల్త్‌కేర్‌లో పెద్ద మార్పు తెస్తోంది. టెక్నాలజీతో మెడికల్ గ్యాప్‌లను తగ్గిస్తుంది. స్పీడ్, కచ్చితత్వం, అందుబాటుపై దృష్టి పెడుతుంది. ఇండియా డిజిటల్ హెల్త్ మిషన్‌కు మద్దతు ఇస్తుంది. AIతో రోజువారీ హెల్త్‌కేర్ సర్వీసులు మరింత మెరుగవుతాయి.
Share
Indiramma Houses: RRR,ORR పరిధిలో పేదలకు ఇందిరమ్మ ఇండ్లు.. వచ్చేనెల మార్చి కల్లా లబ్దిదారుల ఎంపిక..!
Madanapalle Girl Incident: మదనపల్లిలో చిన్నారి ఘటన కేసు.. నిందితుడు మృతి, చెరువులో మృతదేహం!
