Jio Cheapest Recharge Plans: దేశవ్యాప్తంగా 5G సేవలు వేగంగా విస్తరిస్తున్నప్పటికీ.. గ్రామాలు, చిన్న టౌన్లలో ఇప్పటికీ లక్షలాది మంది 4G ఫీచర్ (కీప్యాడ్) ఫోన్లనే వాడుతున్నారు. ముఖ్యంగా వృద్ధులు, తక్కువ బడ్జెట్ ఉన్నవారికి ఇవే దిక్కు. ఇప్పటివరకు జియో తమ అత్యంత చౌకైన లాంగ్ వాలిడిటీ ప్లాన్లను కేవలం జియోఫోన్, జియో భారత్ వినియోగదారులకే పరిమితం చేసింది. కానీ ఇప్పుడు లావా, నోకియా, ఐటెల్, హెచ్ఎండీ వంటి ఇతర బ్రాండ్ల 4G కీప్యాడ్ ఫోన్ వినియోగదారులకు కూడా ఈ చౌక ప్లాన్లను అందుబాటులోకి తెచ్చి జియో బంపర్ ఆఫర్ ప్రకటించింది.
సాధారణ కనెక్టివిటీ కోరుకునే వారి కోసం రూ.123 ప్లాన్ అద్భుతంగా పనిచేస్తుంది. దీనిలో 28 రోజుల వ్యాలిడిటీతో పాటు ఏ నెట్‌వర్క్‌కైనా అన్‌లిమిటెడ్ వాయిస్ కాల్స్ మాట్లాడుకోవచ్చు. ప్రతిరోజూ 0.5GB 4G డేటా, 300 SMSలు లభిస్తాయి. రోజువారీ బ్రౌజింగ్ అవసరాలకు ఇది సరిపోతుంది.
పదే పదే రీఛార్జ్ చేసుకునే ఇబ్బంది లేకుండా 56 రోజుల వాలిడిటీ కావాలనుకునే వారి కోసం రూ.234 ప్లాన్ అందుబాటులో ఉంది. దీనిలో కూడా వినియోగదారులు అన్‌లిమిటెడ్ కాలింగ్‌తో పాటు ప్రతిరోజూ 0.5GB డేటాను, ఉచిత SMS ప్రయోజనాలను పొందొచ్చు.
మరో ఆకర్షణీయమైన ఆఫర్ రూ.369 ప్లాన్. ఇది పూర్తి 84 రోజుల వాలిడిటీని అందిస్తుంది. రోజుకు 0.5GB చొప్పున మొత్తం వాలిడిటీ కాలానికి 42జీబీ డేటా లభిస్తుంది. సుదీర్ఘకాలం ఎలాంటి అంతరాయం లేకుండా ఉచిత కాల్స్ మాట్లాడుకోవడానికి ఇది బెస్ట్ ఆప్షన్.
ఇక అన్నిటికంటే పెద్ద ఆఫర్ రూ.1234 ప్లాన్. ఇది ఏకంగా 336 రోజుల వాలిడిటీతో వస్తుంది. అంటే రోజుకు దాదాపు రూ.4 ఖర్చుతో ఏడాది పొడవునా అన్‌లిమిటెడ్ కాల్స్, రోజుకు 0.5GB డేటా (మొత్తం 168GB) వాడుకోవచ్చు. దీనితో పాటు జియోటీవీ, జియోసావన్ వంటి వినోద సేవలు కూడా ఉచితంగా లభిస్తాయి.
Also Read: ఫోన్ పాడైతే ఇంటికొచ్చి మరీ రిపేర్ చేస్తారు.. రూ.10వేల బడ్జెట్‌లో మేడ్ ఇన్ ఇండియా ఫోన్ వచ్చేస్తోంది!
Share
Nita Ambani-Vaibhav: నీతా అంబానీ రూ.30 కోట్ల ఆఫర్..ముంబైలోకి వైభవ్ జంప్ ?
హైదరాబాద్లో ఇక ఆకాశ ప్రయాణం.. గంట జర్నీ ఇక 16 నిమిషాల్లోనే!
