Lava Agni 4 vs Vivo T4 vs Realme P4 Pro 5G Comparison| ఇండియన్ స్మార్ట్ఫోన్ మార్కెట్ లో బడ్జెట్, మిడ్ రేంజ్ లో కొత్త కొత్త మోడల్స్ హడావుడి చేస్తున్నాయి. తాజాగా రూ.25000 రేంజ్లో లావా కంపెనీ కొత్తగా అగ్ని 4 మోడల్ను విడుదల చేసింది. ఈ ఫోన్ నేరుగా వివో టి4, రియల్మీ పి4 ప్రో 5జీ మోడల్స్ తో పోటీ పడుతోంది. మూడు ఫోన్ల ధర కూడా దాదాపు ఒకే రేంజ్లో ఉంటుంది. ఏ ఫోన్ కొనాలో నిర్ణయించడానికి కష్టంగా ఉంటే వాటి ఫీచర్లను పోల్చి చూద్దాం.
లావా అగ్ని 4 ఒక్క వేరియంట్లోనే వచ్చింది. 8GB ర్యామ్ + 256GB స్టోరేజ్ తో వచ్చే ఈ ఫోన్ ధర రూ.24,999.
వివో టి4 రెండు వేరియంట్లలో లభిస్తుంది.
అందులో 8GB ర్యామ్ + 128GB స్టోరేజ్ కేవలం రూ.20,999కే దొరుకుతుంది. అలాగే 8GB ర్యామ్ + 256GB స్టోరేజ్వేరియంట్ ధర రూ.22,999కే లభిస్తుంది.
రియల్మీ పి4 ప్రో 5జీ కూడా రెండు వేరియంట్లలో ఉంది. 8GB ర్యామ్ + 128GB స్టోరేజ్ వేరియంట్ ధర రూ.22,999. అలాగే 8GB ర్యామ్ + 256GB స్టోరేజ్ ఆప్షన్ రూ.25,999 ధరకు లభిస్తుంది.
మొత్తంమీద డబ్బు ఆదా చేయాలనుకుంటే వివో టి4 చాలా ఆకర్షణీయంగా కనిపిస్తుంది.
లావా అగ్ని 4లో 6.67 అంగుళాల AMOLED స్క్రీన్ ఉంది. ఇది 1.5K రిజల్యూషన్, 120Hz రిఫ్రెష్ రేట్తో చాలా షార్ప్గా, స్పష్టంగా కనిపిస్తుంది.
వివో టి4లో 6.77 అంగుళాల పెద్ద కర్వ్డ్ AMOLED డిస్ప్లే ఉంది, అది FHD+ రిజల్యూషన్, 120Hz రిఫ్రెష్ రేట్తో ప్రీమియం ఫీల్ ఇస్తుంది.
రియల్మీ పి4 ప్రో 5జీలో 6.8 అంగుళాల AMOLED ప్యానల్ ఉంది. ఇది 144Hz రిఫ్రెష్ రేట్తో గేమింగ్, స్క్రోలింగ్లో అదిరిపోయే స్మూత్నెస్ ఇస్తుంది.
డిస్ప్లే విషయంలో రియల్మీ ఆధిక్యంలో ఉంది.
లావా అగ్ని 4లో మీడియాటెక్ డైమెన్సిటీ 8350 చిప్సెట్ ఉంది, అది చాలా పవర్ఫుల్.
వివో టి4లో స్నాప్డ్రాగన్ 7ఎస్ జెన్ 3 ప్రాసెసర్ ఉంది.
రియల్మీ పి4 ప్రోలో స్నాప్డ్రాగన్ 7 జెన్ 4 చిప్సెట్ ఉంది.
మూడు ప్రాసెసర్లు కూడా రోజువారీ పనులు, మల్టీటాస్కింగ్, భారీ గేమ్స్ కూడా సులువుగా ఆడేందుకు ఉపయోగపడతాయి. మూడింటిలో పెద్ద తేడాలు లేవు.
లావా అగ్ని 4లో 50 మెగాపిక్సల్ మెయిన్ కెమెరా OISతో, 8 మెగాపిక్సల్ అల్ట్రా వైడ్ కెమెరా ఉన్నాయి. రెండూ సూపర్ గా ఉంటాయి.
వివో టి4లో కూడా 50 మెగాపిక్సల్ మెయిన్ కెమెరా OISతో ఉంది కానీ రెండో కెమెరా 2 మెగాపిక్సల్ డెప్త్ సెన్సార్ మాత్రమే ఉంది. అల్ట్రా వైడ్ లేదు.
రియల్మీ పి4 ప్రోలో 50 మెగాపిక్సల్ మెయిన్, 8 మెగాపిక్సల్ అల్ట్రా వైడ్ ఉన్నాయి. గ్రూప్ ఫోటోలు, వైడ్ యాంగిల్ ఎక్కువ కావాలంటే లావా లేదా రియల్మీ మెరుగ్గా ఉంటాయి.
బ్యాటరీ విషయంలోనే అసలు పెద్ద తేడా కనిపిస్తుంది. లావా అగ్ని 4లో 5,000mAh బ్యాటరీ, 66W ఫాస్ట్ ఛార్జింగ్ ఉంది. వివో టి4లో 7,300mAh భారీ బ్యాటరీ, 90W సూపర్ ఫాస్ట్ ఛార్జింగ్ ఉంది, రెండు రోజులు సులువుగా పనిచేస్తుంది. రియల్మీ పి4 ప్రోలో 7,000mAh పెద్ద బ్యాటరీ, 80W ఛార్జింగ్ ఉంది.
ఎక్కువ బ్యాటరీ లైఫ్, ఫాస్ట్ ఛార్జింగ్ మీకు ముఖ్యమైతే వివో టి4 టాప్లో ఉంటుంది. రియల్మీ రెండో స్థానంలో ఉంటుంది.
కనెక్టివిటీ విషయంలో మూడు ఫోన్లలో కూడా 5G, డ్యూయల్ సిమ్, Wi-Fi 6, బ్లూటూత్ 5.4 వంటి ఆధునిక ఫీచర్స్ ఉన్నాయి. లావా అగ్ని 4లో మాత్రమే NFC సపోర్ట్ ఉంది, దీంతో Google Pay, PhonePe ట్యాప్ చేసి పేమెంట్ చేయడం సులుభమవుతుంది.
ఎక్కువ బ్యాటరీ లైఫ్, తక్కువ ధర కావాలనుకుంటే వివో టి4 స్పష్టమైన విన్నర్. సూపర్ స్మూత్ డిస్ప్లే, పెద్ద బ్యాటరీ కావాలంటే రియల్మీ పి4 ప్రో 5జీ బెస్ట్ ఛాయిస్. మంచి కెమెరా, షార్ప్ స్క్రీన్ NFC ఫీచర్ కావాలంటే లావా అగ్ని 4 మెరుగైన ఆప్షన్. మీ రోజువారీ అవసరాలు ఏమిటో ఆలోచించి ఎంచుకోండి.
కానీ మొత్తంగా చూస్తే.. మూడింటిలో రూ.25000 బడ్జెట్లో వివో టి4 బెస్ట్ వ్యాల్యూ ఫోన్ అనిపిస్తుంది.
Also Read: ఐఫోన్ పోగొట్టుకున్నారా? లేదా చోరీ అయిందా? ఆపిల్ కొత్త ఐఫోన్ ఇస్తోంది.. వారికి మాత్రమే
Share
Bhuvanagiri Crime: వీడు మామూలోడు కాదు.. మాటలకు కనెక్టయితే చాలు బుక్కయినట్టే, ఆపై అరెస్ట్
Vivo V70 5G: ప్రీమియం మిడ్ రేంజ్గా వచ్చే వివో వి70 5జి.. ట్రిపుల్ 50ఎంపి కెమెరా, భారీ బ్యాటరీ ప్రత్యేకతలు
