Lumio Vision 9: భారతీయ స్మార్ట్ టీవీ మార్కెట్లోకి అధునాతన సాంకేతికతతో కూడిన సరికొత్త టీవీ అడుగుపెట్టింది. ప్రముఖ ఎలక్ట్రానిక్స్ బ్రాండ్ లుమియో (Lumio) తన సరికొత్త ‘లుమియో విజన్ 9’ 55 అంగుళాల క్యూడి మిని ఎల్ఈడీ (QD-Mini LED) టీవీని దేశీయ మార్కెట్లోకి అధికారికంగా విడుదల చేసింది. ప్రీమియం ఫీచర్లు, అద్భుతమైన డిస్ప్లే క్వాలిటీతో వచ్చిన ఈ టీవీ ధరను.. సామాన్యులకు సైతం అందుబాటులో ఉంచడం విశేషం. ఈ ‘లుమియో విజన్ 9’ టీవీకి సంబంధించిన ధర, ప్రధాన ఫీచర్లు ఏంటో ఈ ప్రత్యేక కథనంలో చూద్దాం.
లూమియో తన ఫ్లాగ్షిప్ విజన్ 9 ను ఇవాళ (జూన్ 4) మధ్యాహ్నం 12 గంటల నుంచి దేశీయ మార్కెట్లో అందుబాటులోకి తీసుకొచ్చింది. సాధారణంగా క్యూడి-మిని ఎల్ఈడీ టెక్నాలజీ కలిగిన టీవీలు మార్కెట్లో చాలా ఎక్కువ ధరకు లభిస్తుంటాయి. కానీ లుమియో సంస్థ ఈ 55 ఇంచుల ప్రీమియం మోడల్ను కేవలం రూ.44,999 ప్రారంభ ధరకే అందిస్తూ వినియోగదారులను ఆకట్టుకుంటోంది. బడ్జెట్ ధరలో థియేటర్ లాంటి అనుభూతిని సొంతం చేసుకోవాలనుకునే వారికి ఇది ఒక సువర్ణావకాశం అని చెప్పవచ్చు.
ఈ టీవీలో ఉపయోగించిన క్వాంటం డాట్ మిని ఎల్ఈడీ స్క్రీన్ వల్ల.. తెరపై రంగులు అత్యంత సహజంగా, స్పష్టంగా కనిపిస్తాయి. సాధారణ ఎల్ఈడీ టీవీలతో పోలిస్తే ఇందులో బ్రైట్నెస్, డీప్ బ్లాక్ లెవెల్స్ అద్భుతంగా ఉంటాయని కంపెనీ వర్గాలు పేర్కొన్నాయి. 4K రిజల్యూషన్తో పాటు డాల్బీ విజన్ (Dolby Vision), HDR10+ సపోర్ట్ ఉండటం వల్ల ఓటీటీలో సినిమాలు చూసేటప్పుడు విజువల్స్ నెక్స్ట్ లెవెల్ అనుభూతిని పంచుతాయని స్పష్టం చేస్తున్నాయి. మరోవైపు గేమింగ్ ప్రియుల కోసం ఇందులో హై రిఫ్రెష్ రేట్ ఫీచర్ను కూడా అందించారు.
సాధారణంగా టీవీల్లో థియేటర్ అనుభూతి రావాలంటే కేవలం విజువల్స్ క్వాలిటీగా ఉంటే సరిపోదు. ఆడియో కూడా థియేటర్ రేంజ్ లో ప్రీమియంగా ఉండాల్సిందే. ఈ నేపథ్యంలోనే లుమియో విజన్ 9 టీవీలో శక్తివంతమైన స్పీకర్లను అమర్చారు. ఇది డాల్బీ అట్మోస్ (Dolby Atmos) సాంకేతికతను సపోర్ట్ చేస్తుంది. దీనివల్ల ఇల్లు కూడా ఒక చిన్న థియేటర్లా మారిపోతుంది. చుట్టూ శబ్దాలు వినిపిస్తున్నట్లుగా ఉండే ఆడియో అనుభూతిని యూజర్లు పొందుతారని కంపెనీ పేర్కొంది.
Also Read: ఇన్వర్టర్ బ్యాటరీ త్వరగా అయిపోతోందా? ఈ 5 కారణాలే కావచ్చు!
ఈ స్మార్ట్ టీవీ లేటెస్ట్ గూగుల్ టీవీ (Google TV) ఓఎస్పై రన్ అవుతుంది. నెట్ఫ్లిక్స్, ప్రైమ్ వీడియో, డిస్నీ ప్లస్ హాట్స్టార్, యూట్యూబ్ వంటి అన్ని రకాల ప్రముఖ యాప్స్ ఇందులో ఇన్బిల్ట్గా వస్తాయి. ఇన్ బిల్ట్ క్రోమ్కాస్ట్, గూగుల్ అసిస్టెంట్ వాయిస్ కంట్రోల్ ఫీచర్లు సైతం దీనిలో ఉంటాయి. కనెక్టివిటీ కోసం బ్లూటూత్, వై-ఫై, మల్టిపుల్ హెచ్డిఎమ్ఐ (HDMI), యూఎస్బీ (USB) పోర్టులను కూడా అందించారు.
Also Read: కదిలే ఏసీ కావాలా? 2026లో టాప్ ఇవే.. ఎక్కడకెళ్లినా మీ వెంటే!
Share
బాల్క సుమన్ అరెస్టు... కేటీఆర్ క్లీన్ బౌల్డ్..! రెండ్రోజుల్లోనే రెండు రకాలుగా..! ఇదేందే రామన్నా..?
టాటా ఈవీలకు చైనా టెక్నాలజీ.. ఇండియన్ ఎలక్ట్రిక్ కార్లు మార్కెట్ షేకవ్వక తప్పదా?
