Mobile Photography Tips: ఆర్టిఫిషియల్ ఇంటెలిజెన్స్ (AI) రాజ్యమేలున్న నేటి కాలంలో స్మార్ట్ఫోన్ కెమెరాలు చాలా పవర్ఫుల్గా మారాయి. దీంతో లేటెస్ట్ మోడల్ ఫోన్ అయినా, కాస్త పాత ఫోన్ ఉన్నా చిన్న చిన్న ట్రిక్స్ పాటిస్తే.. ప్రొఫెషనల్స్ లాంటి ఫొటోలు తీయవచ్చని మనలో చాలామందికి తెలియదు. దూరపు ప్రయాణాలు, ఫ్యామిలీ మూమెంట్స్ లేదా ఆఫీస్ వర్క్ కోసం ఫొటోలు తీసేటప్పుడు కాస్త తెలివిగా క్లిక్ చేస్తే వచ్చే మార్పు మీకే ఆశ్చర్యం కలిగిస్తుంది. ఈ నేపథ్యంలో మొబైల్ ఫొటోగ్రఫీని మరో స్థాయికి తీసుకెళ్లే కొన్ని చిట్కాలు మీ కోసం..
చాలామంది ఫొటోలు తీసేటప్పుడు అస్సలు పట్టించుకోని విషయం ఇది. ఫోన్ను జేబుల్లో, బ్యాగుల్లో వేయడం వల్ల కెమెరా గ్లాస్పై దుమ్ము, వేలిముద్రలు పడుతుంటాయి. దీనివల్ల ఫొటోలు మసకగా వస్తాయి. అందుకే ఫొటో తీసే ముందు ఒక సాఫ్ట్ కాటన్ క్లాత్తో కెమెరా లెన్స్ను మెల్లగా తుడవాలి. ఆ తర్వాత ఫొటో తీస్తే క్లారిటీ ఎంత బాగుంటుందో మీకే అర్థమవుతుంది.
ఫోన్ కెమెరా సెట్టింగ్స్లోకి వెళ్లి Grid Lines ఆప్షన్ను ఆన్ చేయాలి. ఇది స్క్రీన్ను సమానమైన బాక్సులుగా విభజిస్తుంది. అప్పుడు మీరు తీయాలనుకునే ముఖ్యమైన సబ్జెక్టును ఆ గ్రిడ్ లైన్స్ కలిసే చోట లేదా మధ్యలో ఉండేలా చూసుకుంటే ఫొటోలు చూడటానికి చాలా అందంగా, ప్రొఫెషనల్గా కనిపిస్తాయి.
Also Read: అబ్బా ఏం ఆఫర్..శాంసంగ్ లేటెస్ట్ 5G ఫోన్ ధర భారీగా తగ్గింది.. ఇక మీదే ఆలస్యం!
కెమెరాను కేవలం వస్తువుల వైపు చూపిస్తూ ఫొటోలు క్లిక్ చేయకూడదు. మీకు స్క్రీన్పై ఏది ముఖ్యం అనిపిస్తుందో (మనుషులు, పెంపుడు జంతువులు లేదా ప్రకృతి దృశ్యాలు) దానిపై వేలితో ట్యాప్ చేయండి. అప్పుడు కెమెరా దానికి తగ్గట్టుగా ఫోకస్ అవుతుంది. అలాగే ట్యాప్ చేసినప్పుడు పక్కనే వచ్చే బ్రైట్నెస్ బార్ను పైకి, కిందికి జరుపుతూ లైటింగ్ను మీరే అడ్జస్ట్ చేసుకోవచ్చు.
ఫొటో తీయడం ఒకెత్తయితే.. దాన్ని కాస్త అందంగా మార్చడం మరో పని. స్నాప్సీడ్, లైట్రూమ్ లేదా గూగుల్ ఫొటోస్ లాంటి ఫ్రీ యాప్స్ వాడి ఫొటోల్లో బ్రైట్నెస్, కాంట్రాస్ట్, కలర్స్ కాస్త పెంచుకోవచ్చు. అయితే ఫిల్టర్లను అతిగా వాడకుండా.. ఫొటో సహజత్వం దెబ్బతినకుండా చిన్న చిన్న మార్పులు చేస్తే సరిపోతుంది.
లైటింగ్ తక్కువగా ఉన్నప్పుడు లేదా ఎండ ఎక్కువగా ఉన్నప్పుడు కెమెరాలో ఉండే హెచ్డిఆర్ (HDR), నైట్ మోడ్ ఫీచర్లను వాడాలి. ఇవి ఫొటోలోని చీకటి భాగాలను, వెలుతురును సరిచేసి డిటైల్స్ బాగా వచ్చేలా చేస్తాయి. అలాగే, ఫొటో తీసేటప్పుడు డిజిటల్ జూమ్ వాడకుండా, మీరే వస్తువుకు కాస్త దగ్గరగా వెళ్లి ఫొటో తీస్తే ఎంతో క్వాలిటీగా ఉంటుంది. మంచి ఫోటోలు రావడానికి ఖరీదైన ఫోన్ అవసరం లేదు.. కెమెరా ఫీచర్లను సరిగ్గా వాడుకునే అవగాహన ఉంటే చాలు.
Also Read: యూట్యూబ్ షార్ట్స్ vs ఇన్స్టాగ్రామ్ రీల్స్.. ఎక్కువ డబ్బులు దేంట్లో వస్తాయంటే?
Share
సీఎం రేవంత్ రెడ్డి పర్యటనలో ఉద్రిక్తత.. బీఆర్ఎస్ నేతల అరెస్ట్, దిష్టిబొమ్మ దహనం!
హార్డ్ vs సాఫ్ట్.. ఖరీదైన స్మార్ట్ ఫోన్కు.. ఏ కవర్ శ్రీరామరక్ష?
