Smartphones: రూ.8 వేల లోపు బ్రాండెడ్ స్మార్ట్ పోన్ల లిస్ట్.. మరి అంత చవకగా ఎలా?

Smartphones: ఈ రోజుల్లో ప్రతి ఒక్కరి చేతిలో మొబైల్ తప్పనిసరి అయిపోయింది. కానీ అందరికీ ఖరీదైన ఫోన్లు కొనుగోలు చేసే సౌకర్యం ఉండదు. అందుకే తక్కువ ధరలో మంచి ఫోన్లు వస్తున్నాయా? వాటిలో ఏది కొనడం మంచిదో అనేది చాలామంది సందేహం. ప్రస్తుతం మార్కెట్‌లో 8 వేల రూపాయల లోపలే ఎన్నో కొత్త మోడల్ ఫోన్లు విడుదలయ్యాయి. వాటిలో కొన్ని పనితీరుతో ఆకట్టుకుంటున్నాయి, మరికొన్ని మాత్రం కేవలం సాధారణ వాడుకకే సరిపోతున్నాయి.

Itel A23 Pro ఫోన్

ఇటీవల వచ్చిన Itel A23 Pro అనే ఫోన్ సుమారు 4 వేల రూపాయల ధరలో దొరుకుతుంది. తక్కువ ధరలో ఉన్నా దీని పనితీరు బాగానే ఉంటుంది. సాధారణంగా కాల్స్ చేయడం, మెసేజ్‌లు పంపడం, వాట్సాప్, యూట్యూబ్ లాంటి యాప్స్ వాడటానికి ఇది సరిపోతుంది. 2GB ర్యామ్, 32GB స్టోరేజ్ ఉన్న ఈ ఫోన్ బేసిక్ వాడుకకు పనికివస్తుంది. కానీ ఎక్కువగా గేమ్స్ ఆడే వారికి లేదా పెద్ద యాప్స్ వాడేవారికి ఇది కొంచెం నెమ్మదిగా ఉంటుంది.

amsung Galaxy M05 ఫోన్

ఇక Samsung Galaxy M05 అనే మరో ఫోన్ సుమారు 6 వేల రూపాయల ధరలో దొరుకుతుంది. సామ్‌సంగ్ అనే పేరు వల్లే ఈ ఫోన్‌కి కొంత విశ్వాసం ఉంది. దీంట్లో 6.5 ఇంచుల డిస్‌ప్లే, 4GB ర్యామ్, 64GB స్టోరేజ్ ఉంది. బ్యాటరీ కూడా 5000mAh కాబట్టి ఒకసారి చార్జ్ పెడితే దాదాపు రోజు మొత్తం పనిచేస్తుంది. డిజైన్ ఆకర్షణీయంగా ఉంటుంది. కానీ ఈ రేంజ్‌లో ప్రాసెసర్ అంత శక్తివంతంగా ఉండదు. అంటే గేమింగ్‌కి ఇది సరిపోదు కానీ సాధారణ వాడుకకు మాత్రం బాగానే ఉంటుంది.

Also Read: Heavy Rains: తెలంగాణకు భారీ వర్షం సూచన.. ఆ ప్రాంతాల్లో ఉరుములతో, దీపావళికి ముసురు?

Realme C71

తర్వాత Realme C71 అనే ఫోన్ 7 వేల రూపాయల ధరలో లభిస్తోంది. ఇది ప్రస్తుతం తక్కువ ధరలో ఎక్కువ ఫీచర్లు ఇచ్చిన ఫోన్‌గా పేరుగాంచింది. 6.6 ఇంచుల పెద్ద స్క్రీన్, 4GB ర్యామ్, 64GB స్టోరేజ్, 5000mAh బ్యాటరీతో వస్తుంది. ఈ ఫోన్ సాధారణ వాడుకకే కాకుండా ఆన్‌లైన్ క్లాసులు, వీడియో కాల్స్, సోషల్ మీడియా వాడేవారికి కూడా బాగుంటుంది. కెమెరా కూడా ఈ రేంజ్‌లో ఉన్న ఇతర ఫోన్ల కంటే కొంచెం మెరుగ్గా ఉంటుంది.

తక్కువ ధరల్లోనే 5G ఫోన్లు

8 వేల రూపాయల లోపల ఉన్న ఈ ఫోన్లలో ఎక్కువగా 4G సపోర్ట్ ఉంటుంది. కొన్ని కంపెనీలు ఇప్పుడు తక్కువ ధరల్లోనే 5G ఫోన్లు కూడా తీసుకువస్తున్నాయి. ఈ రేంజ్‌లో తీసుకునే ఫోన్లు ఖర్చు తక్కువగా ఉండటం, అవసరమైన బేసిక్ పనులన్నీ చేయగలగడం వంటివి వాటి ప్రధాన లాభాలు.

అరుదుగా వస్తాయి

అయితే వీటిలో కొన్ని పరిమితులు కూడా ఉంటాయి. పెద్ద గేమ్స్, హై గ్రాఫిక్స్ యాప్స్ లాంటివి ఈ ఫోన్లలో సరిగ్గా నడవవు. ఫోటోలు తక్కువ లైట్‌లో తేలికపాటి బ్లర్‌గా వస్తాయి. సాఫ్ట్‌వేర్ అప్‌డేట్లు చాలా అరుదుగా వస్తాయి. రెండు మూడు సంవత్సరాల తర్వాత ఫోన్ నెమ్మదిగా మారే అవకాశం ఉంటుంది. అయినప్పటికీ, కాల్స్ చేయడం, వాట్సాప్, యూట్యూబ్ లాంటి పనులకు మాత్రమే అవసరమైతే ఇవి చక్కగా సరిపోతాయి.

బడ్జెట్ రేంజ్‌లో ఫోన్

తక్కువ ధరలో మొబైల్ కొనాలనుకునేవారు ముందుగా తమ అవసరాలను అర్థం చేసుకోవాలి. కేవలం సోషల్ మీడియా, కాల్స్, సాధారణ వాడుక కోసం అయితే రూ.7,000 నుండి రూ.9,000 మధ్యలో ఫోన్ తీసుకుంటే సరిపోతుంది. అందులో రియల్‌మీ, సామ్‌సంగ్, ఇన్ఫినిక్స్, ఐటెల్ లాంటి కంపెనీల ఫోన్లు ఈ మధ్య మంచి రేటింగ్‌లు సాధిస్తున్నాయి. ఈ బడ్జెట్ రేంజ్‌లో ఫోన్ కొనాలనుకునే వారికి ఇవి సరైన ఎంపిక. తక్కువ ధరకే స్మార్ట్ పనితీరు కావాలనుకునేవారికి ఇది ఉత్తమ సమయం.

Share

• 
• 
• 
• 
• 
•