New Xiaomi smart home: చైనా మార్కెట్లో షియోమీ మరో కొత్త స్మార్ట్ హోమ్ డివైస్ను అధికారికంగా విడుదల చేసింది. Xiaomi Smart Home Display 11 పేరుతో వచ్చిన ఈ కొత్త గ్యాడ్జెట్ పెద్ద స్క్రీన్, AI ఆధారిత ఫీచర్లు, HyperOS సపోర్ట్తో ఫ్యామిలీ యూజర్లను లక్ష్యంగా చేసుకుని రూపొందించబడింది. ఇది సాధారణ టాబ్లెట్లా కాకుండా.. చిన్న పోర్టబుల్ టీవీ లేదా ఇంట్లోని స్మార్ట్ హబ్లా పనిచేయడం విశేషం.
షియోమీ స్మార్ట్ హోమ్ డిస్ప్లే 11లో 11-ఇంచుల FHD+ డిస్ప్లే (1920×1200 పిక్సెల్స్) అందించారు. గరిష్టంగా 400 నిట్స్ బ్రైట్నెస్ ఇవ్వడం వల్ల ఇండోర్లో స్పష్టమైన విజువల్స్ లభిస్తాయి. అలాగే TUV రీన్ల్యాండ్ ఐ ప్రొటెక్షన్ సర్టిఫికేషన్ ఉండటం వల్ల ఎక్కువసేపు స్క్రీన్ను చూసినా కళ్లపై ఒత్తిడి ఉండదు.
Also Read: ఒక్కసారి ఛార్జ్ చేస్తే 35 గంటల వినియోగం.. న్యూ ఇయర్ కానుకగా షియోమీ బడ్స్ 6 లాంచ్!
ఇక డిజైన్ పరంగా ఈ స్మార్ట్ డిస్ప్లే చాలా సింపుల్గా కనిపిస్తుంది. వెనుకవైపు ఉన్న కిక్స్టాండ్ సహాయంతో టేబుల్పై నిటారుగా ఉంచుకోవచ్చు. వెనుక భాగంలో అమర్చిన స్పీకర్ యూనిట్ కారణంగా డివైస్ మొత్తం సైజ్ను షియోమీ 35.5 శాతం వరకు తగ్గించింది, దీంతో ఇది కాంపాక్ట్గా మారింది.
ఇదొక AI పవర్డ్ ఫ్యామిలీ స్మార్ట్ డివైస్గా పనిచేస్తుంది. ఈ డిస్ప్లే ద్వారా ఇంట్లో ఉన్న ఇతర స్మార్ట్ హోమ్ గ్యాడ్జెట్లను సులభంగా కంట్రోల్ చేయవచ్చు. ఈ డివైస్ షియోమీ కొత్త HyperOSతో పనిచేస్తూ, విస్తృతమైన వీడియో, ఆడియో కంటెంట్ను యూజర్లకు అందిస్తుంది.
వీడియో కాలింగ్ కోసం దీనిలో 8MP HD ఫ్రంట్ కెమెరాను అందించారు. అలాగే క్రాస్-ప్లాట్ఫామ్ వాయిస్ కమాండ్స్, ఫొటో ఫ్రేమ్ మోడ్, AI లార్జ్ మోడల్ ప్రశ్నోత్తర ఫీచర్ వంటి అధునాతన సదుపాయాలు కూడా ఇందులో ఉన్నాయి. ముఖ్యంగా ఇది ఏడు కంటే ఎక్కువ డయలెక్ట్లను గుర్తించే సామర్థ్యం కలిగి ఉండటం విశేషం.
ధర విషయానికి వస్తే.. Xiaomi Smart Home Display 11ను చైనాలో 1,299 యువాన్ ధరకు లాంచ్ చేశారు. ఇది అమెరికన్ కరెన్సీలో సుమారుగా $185గా ఉంటుంది. ప్రస్తుతం ఈ డివైస్ చైనా మార్కెట్కే పరిమితం కాగా, ఇతర దేశాల్లో లాంచ్ వివరాలపై కంపెనీ ఇంకా స్పష్టత ఇవ్వలేదు.
Also Read: బడ్జెట్ యూజర్లకు గుడ్ న్యూస్.. రూ.వెయ్యి లోపే Ai+ నోవాపాడ్స్ హెల్త్ ట్రాకింగ్ ఇయర్బడ్స్!
Share
Supergiant Gold: ప్రపంచ గనుల రంగంలో సంచలనం.. అక్కడ లక్షల టన్నుల గోల్డ్ మైన్స్
Sangareddy Crime: ఆర్టీసీ బస్సును ఢీకొన్న టిప్పర్.. స్పాట్లోనే 22మంది..?
