iPhone 16e Discount| 2026 కొత్త సంవత్సరం ప్రారంభమైన కొద్ది రోజుల్లోనే ఆపిల్ అభిమానులకు గుడ్ న్యూస్ వచ్చేసింది. ఆపిల్ అతి చవకైన స్మార్ట్ఫోన్ ఐఫోన్ 16eపై భారీ డిస్కౌంట్ ధరతో అందుబాటులో ఉంది. జనవరి 2 నుంచి ఈ ఆఫర్ ప్రారంభమైంది. అసలు లాంచ్ ధర కంటే చాలా తక్కువకే ఫోన్ లభిస్తోంది. లాంచ్ ధర కంటే రూ.18,000 ధర తగ్గుతుంది. విజయ్ సేల్స్ లాంటి పాపులర్ రిటైల్ ప్లాట్ఫామ్లలో ఈ ఆఫర్ అందుబాటులో ఉంది. 2025 ఫిబ్రవరిలో ప్రీమియం ధరతో లాంచ్ అయిన ఈ ఫోన్పై ఇప్పుడు గణనీయమైన పొదుపు లభిస్తోంది. మంత్లీ EMI ఆప్షన్లతో కూడా ఈ ఫోన్ ని సులభంగా కొనవచ్చు.
128GB స్టోరేజ్ ఐఫోన్ 16e ఇప్పుడు రూ.44,490కే లభిస్తోంది. లాంచ్ సమయంలో ధర రూ.59,900. డైరెక్ట్ ధర తగ్గింపుతో రూ.15,000కి పైగా పొదుపు చేసుకోవచ్చు. బ్యాంక్ ఆఫర్లతో మరిన్ని డిస్కౌంట్లు ఉన్నాయి. బ్యాంక్ ఆఫ్ బరోడా క్రెడిట్ కార్డు వాడితే 10 శాతం ఇన్స్టంట్ డిస్కౌంట్ (మాక్సిమమ్ రూ.3,000). ఈ ఆఫర్ అప్లై చేస్తే ఫైనల్ ధర రూ.41,490కి చేరుతుంది. మొత్తం బెనిఫిట్ సుమారు రూ.18,410. ఐఫోన్ 16eపై ఇప్పటి వరకు వచ్చిన అతి పెద్ద డిస్కౌంట్ ఇది.
ఐఫోన్ 16eను 24 నెలల EMI ప్లాన్లో కొనవచ్చు. నెలవారీ ఇన్స్టాల్మెంట్ కేవలం రూ.2,031 నుంచి ప్రారంభమవుతుంది. ఈ ఆప్షన్ వల్ల మిడ్ రేంజ్ కస్టమర్లకు సైతం ఈ ఫోన్ అందుబాటులోకి వస్తుంది. పెద్ద మొత్తం ఒక్కసారి చెల్లించాల్సిన అవసరం లేదు.
ఐఫోన్ 16eలో 6.1 అంగుళాల OLED డిస్ప్లే ఉంది. రిజల్యూషన్ 2532 x 1170 పిక్సెల్స్. సూపర్ రెటినా XDR టెక్నాలజీతో స్పష్టమైన విజువల్స్, యాక్యురేట్ కలర్లు లభిస్తాయి. రిఫ్రెష్ రేట్ 60Hz, పీక్ బ్రైట్నెస్ 1200 నిట్స్. స్లీక్, లైట్వెయిట్ డిజైన్తో 146.7mm ఎత్తు, 71.5mm వెడల్పు, 7.8mm మందం, 167 గ్రాముల బరువు ఉంది.
ఐఫోన్ 16eలో ఆపిల్ A18 ప్రాసెసర్ ఉంది. స్మూత్ పనితీరు, ఎఫిషియెంట్ మల్టీటాస్కింగ్ లభిస్తాయి. లేటెస్ట్ iOS 26 ఆపరేటింగ్ సిస్టమ్తో వస్తుంది. మెరుగైన ప్రైవసీ, బెటర్ యానిమేషన్లు, వేగవంతమైన యాప్ పనితీరు ఉన్నాయి. ఫేస్ IDతో సెక్యూర్ అన్లాక్, IP68 వాటర్, డస్ట్ రెసిస్టెంట్ ఉన్నాయి.
Also Read: బ్యాంక్లో డబ్బులు లేకపోయినా యుపిఐ పేమెంట్.. గూగుల్ పే యూజర్లకు గుడ్ న్యూస్
ఐఫోన్ 16eలో 48 MP రియర్ కెమెరా (f/1.6 అపర్చర్) ఉంది. వివిధ లైటింగ్ కండీషన్లలో వివరమైన ఫోటోలు తీస్తుంది. సెల్ఫీల కోసం 12 మెగాపిక్సెల్ ఫ్రంట్ కెమెరా (f/1.9 అపర్చర్) ఉంది. హై-క్వాలిటీ సెల్ఫీలు, వీడియో కాలింగ్కు సరిపోతుంది.
ఐఫోన్ 16eలో 5G కనెక్టివిటీ ఉంది. Wi-Fi, బ్లూటూత్, GPS సపోర్ట్ ఉన్నాయి. USB టైప్-C ఛార్జింగ్ పోర్ట్, డ్యూయల్ SIM ఫంక్షనాలిటీ ఉన్నాయి.
Share
The kerala Story : సైలెంట్ గా 'ది కేరళ స్టోరీ2' షూటింగ్ పూర్తి.. రిలీజ్ ఎప్పుడంటే..?
New Kia Seltos: సరికొత్త కియా సెల్టోస్ వచ్చేసింది, ధర ఎంతో తెలుసా?
