The kerala Story : సైలెంట్ గా ‘ది కేరళ స్టోరీ2’ షూటింగ్ పూర్తి.. రిలీజ్ ఎప్పుడంటే..?

The kerala Story : టాలీవుడ్ యంగ్ హీరోయిన్ ఆదాశర్మ నటించిన బ్లాక్ బస్టర్ మూవీ ది కేరళ స్టోరీ.. రాజకీయ, మతపరమైన చర్చకు దారి తీసింది. ఇప్పుడీ సినిమాకు సీక్వెల్ రూపొందుతోంది.. ఈ సినిమా విడుదలైనప్పటినుంచి థియేటర్లలో నుంచి వెళ్లేంతవరకు వరుసగా విమర్శలు ఎదుర్కొంటూ వచ్చింది. కానీ సినిమాకు కలెక్షన్ మాత్రం భారీగానే వసూల్ అయ్యాయి. దాంతో ఈ మూవీ ఆదాశర్మకు బిగ్గెస్ట్ హిట్గా నిలిచింది. అయితే ఈ చిత్రానికి సీక్వెల్ గా మరో సినిమా రాబోతుందంటూ గతంలో వార్తలు వినిపించాయి. కానీ సినిమా గురించి ఎక్కడ ప్రకటించకుండానే షూటింగ్ పూర్తయినట్లు తెలుస్తుంది. ఈ ఏడాది ఈ సినిమాను ప్రేక్షకుల ముందుకు తీసుకురాబోతున్నట్లు వార్తలు వినిపిస్తున్నాయి.. మరి సినిమా ఎప్పుడు రిలీజ్ అయ్యే అవకాశం ఉందో ఒకసారి తెలుసుకుందాం..

‘ది కేరళ స్టోరీ’ 2 షూటింగ్ అప్డేట్..

2023లో ఈ సినిమా విడుదలైనప్పుడు చాలా వివాదాస్పదమైంది. అయితే బాక్సాఫీస్ వద్ద ఆ సినిమా భారీ వసూళ్లు సాధించి బ్లాక్‌ బస్టర్‌గా నిలిచింది. అంతే కాదు, ఆదా శర్మ నటించిన ఆ మూవీకి మంచి కలెక్షన్లు రావడంతో పాటుగా రెండు జాతీయ అవార్డులను కూడా సొంతం చేసుకుంది. దాంతో ఈ సినిమాకు సీక్వెల్ వస్తే బాగుంటుందని జనాలు కూడా అనుకున్నారు. ఇప్పుడు ఎటువంటి ప్రకటన ఇవ్వకుండా సినిమా షూటింగ్ని పూర్తిచేసే పనిలో చిత్ర యూనిట్ ఉన్నట్లు ఓ వార్త ఇండస్ట్రీలో చక్కర్లు కొడుతుంది.. కట్టుదిట్టమైన భద్రత మధ్య ఈ సినిమా షూటింగ్ కూడా పూర్తి అయింది. కేరళ నేపథ్యంలో సీక్వెల్ సినిమా కథ ఉంటుంది.. మొదటి పార్ట్ కంటే రెండో పార్ట్ లో చాలా భయంకరమైన సీన్లు ఉంటాయని తెలుస్తుంది. 2026 ప్రారంభంలోనే థియేటర్లలోకి రావచ్చునని సమాచారం. త్వరలోనే ఈ మూవీ పై పూర్తి వివరాలు తెలిసే అవకాశాలు ఉన్నాయి.

Also Read:అన్వేష్ కు అజయ్ స్ట్రాంగ్ వార్నింగ్.. నీ అంతు చూస్తా అంటూ రెచ్చిపోయిన అన్వేష్..

‘ది కేరళ స్టోరీ’ విషయానికొస్తే..

గతంలో ప్రేక్షకుల ముందుకు వచ్చిన ఈ మూవీ ప్రేక్షకుల నుంచి మంచి రెస్పాన్స్ ను అందుకుంది.. ఈ మూవీ స్టోరీ విషయానికొస్తే.. కేరళలో కొన్నేళ్లుగా మహిళలు లవ్ జిహాద్ ఉచ్చులో చిక్కుకుంటున్నారని ఆరోపణలు ఉన్నాయి. ఈ క్రమంలో వారు అదృశ్యమైనట్లు వారి ఆచూకీ ఎక్కడనే అంశంతో దర్శకుడు సుదీప్తో సేన్‌ ‘ద కేరళ స్టోరీ’ని తెరకెక్కించారు. ఈ చిత్రానికి సీక్వెల్‌గా ‘ది కేరళ స్టోరీ 2’ రాబోతున్నట్లు ఇండస్ట్రీలో టాక్.. ఇకసీక్వెల్‌లో భయంకరమైన చీకటి కథను ప్రపంచానికి చూపించనున్నారని ప్రచారం ఉంది. పార్ట్‌-2 షూటింగ్‌ పనులను కఠినమైన భద్రతతో ముందుకు సాగుతుంది.. ఈ సినిమాపై ఇప్పటినుంచి భారీ అంచనాలు క్రియేట్ అవుతున్నాయి. మరి ఫిబ్రవరి లో సినిమాను ప్రేక్షకుల ముందుకు తీసుకొచ్చేందుకు చిత్ర యూనిట్ సలహాలు చేస్తున్నారు. అందుతున్న సమాచారం ప్రకారం త్వరలోనే ఈ సినిమా రిలీజ్ డేట్ ను అనౌన్స్ చేసే అవకాశం ఉంది.. ఇకపోతే హీరోయిన్ ఆధార్ శర్మ ఈ మధ్య బాలీవుడ్ లో సినిమాలు చేస్తూ బిజీగా ఉంది.