Nothing Smart Glasses: స్మార్ట్‌ఫోన్లు, ఇయర్‌ఫోన్లతో టెక్ ప్రియులను ఆకట్టుకున్న ప్రముఖ బ్రాండ్ నథింగ్.. ఇప్పుడు మరో కొత్త విభాగంలోకి అడుగుపెట్టడానికి సిద్ధమవుతోంది. ఆకట్టుకునే డిజైన్, సరికొత్త ఫీచర్లతో ఉత్పత్తులను తీసుకురావడం నథింగ్ మార్క్ శైలి. ఈ క్రమంలోనే కంపెనీ ఆర్టిఫిషియల్ ఇంటెలిజెన్స్ (AI) సాంకేతికతతో పనిచేసే రెండు రకాల స్మార్ట్ గ్లాసెస్‌ను డిజైన్ చేస్తున్నట్లు టెక్ నిపుణులు అంచనా వేస్తున్నారు. ఇవి రోజువారీ జీవితంలో మనకు ఎంతో ఉపయోగపడే అత్యాధునిక ఫీచర్లతో రానున్నాయి.
నథింగ్ తీసుకొచ్చే స్మార్ట్ గ్లాసెస్‌లో ఒక మోడల్ కేవలం ఆడియో ప్రేమికుల కోసం ఉద్దేశించినది. ఇది సాధారణ బ్లూటూత్ హెడ్‌ఫోన్స్ లాగా పనిచేస్తుంది. పాటలు వినడం, ఆడియో బుక్స్ వినడం, ఫోన్ కాల్స్ మాట్లాడటం, స్మార్ట్‌ఫోన్‌లోని వాయిస్ అసిస్టెంట్‌ని ఉపయోగించడం వంటి ఫీచర్లు ఇందులో ఉంటాయి. రోజువారీ వాడకానికి, ఎక్కడికైనా ప్రయాణించేటప్పుడు ఇవి చాలా సౌకర్యవంతంగా ఉంటాయి.
Also Read: ఇకపై అనౌన్ కాల్స్ ఉండవు.. ఫోన్‌లో కాలర్ అసలు పేరు చూపే CNAP సేవలు ప్రారంభం!
రెండో మోడల్ మాత్రం ఆడియో ఫీచర్లతో పాటు ఒక హై-టెక్ కెమెరాను కూడా కలిగి ఉంటుంది. ఇందులో ChatGPT అనుసంధానం ప్రధాన ఆకర్షణగా నిలవనుంది. దీనివల్ల మన కళ్లముందు ఉన్న దృశ్యాలను విశ్లేషించడం, సమాచారాన్ని అందించడం, వేరే భాషలను వెంటనే అనువదించడం (లేంగ్వేజ్ ట్రాన్స్‌లేషన్) వంటి పనులు చాలా సులభమవుతాయి. మన రోజువారీ పనుల్లో ఈ ఏఐ ఫీచర్లు ఎంతగానో ఉపయోగపడతాయి.
ఈ రెండు స్మార్ట్ గ్లాసెస్ మోడల్స్‌లోనూ ‘ఫోటోక్రోమిక్ లెన్సెస్’ వాడనున్నట్లు సమాచారం. మనం గదిలో లేదా ఇంట్లో ఉన్నప్పుడు ఇవి సాధారణ ట్రాన్స్‌పరెంట్ లెన్స్‌లా కనిపిస్తాయి. అయితే బయట సూర్యకాంతి పడగానే ఇవి ఆటోమేటిక్‌గా కూలింగ్ గ్లాసెస్‌లా నల్లగా మారిపోతాయి. ప్రస్తుతం మార్కెట్లో ఉన్న మెటా రే-బాన్ గ్లాసెస్ తరహాలోనే ఇవి కూడా కాంతికి అనుగుణంగా తమ రంగును మార్చుకుంటాయి.
ప్రస్తుతం స్మార్ట్ గ్లాసెస్ విభాగంలో మెటా సంస్థ తమ రే-బాన్ సిరీస్‌తో అగ్రస్థానంలో ఉంది. దానికి పోటీగా నథింగ్ ఇప్పుడు ఈ ఉత్పత్తులను మార్కెట్లోకి తెస్తోంది. ఇప్పటికైతే ఈ గ్లాసెస్ ధర, బ్యాటరీ లైఫ్, లాంచ్ తేదీకి సంబంధించిన వివరాలు అధికారికంగా వెల్లడి కాలేదు. ఏది ఏమైనా.. నథింగ్ నుంచి రాబోతున్న ఈ స్మార్ట్ గ్లాసెస్ టెక్ లవర్స్‌కి ఒక కొత్త అనుభూతిని అందిస్తాయని చెప్పవచ్చు.
Also Read: పండగ వేళ పిచ్చెక్కించే ఆఫర్లు.. శాంసంగ్ ప్రొడక్ట్స్‌పై ఎంత ఆదా చేయవచ్చంటే?
Share
భర్తనే నమ్మలేని పరిస్థితి... అమెరికా రాజకీయాల్లో మరో భారీ కుట్ర... ఓటీటీలో తాజా సీజన్ రచ్చ
చెత్త సేకరణనలో కొత్త రూల్స్.. అందరూ ఇవి చేయాల్సిందే: సుప్రీంకోర్టు డెడ్లైన్!
