Satellite Smartwatch: ప్రస్తుత టెక్నాలజీకి అనుగుణంగా ఎన్నో స్మార్ట్ పరికరాలు మార్కెట్ లోకి వస్తున్నాయి. ఈ క్రమంలోనే అడ్వాన్స్డ్ స్మార్ట్ వాచ్ ను బ్రస్సెల్స్ డిజైన్ స్టూడియో.. ఫ్యూచర్ వేవ్ సిరీస్ కింద ఆవిష్కరించింది. సరికొత్త శాటిలైట్ కనెక్టెడ్ స్మార్ట్‌వాచ్ ను ఓ – బాయ్ (O-Boy) పేరిట లాంచ్ చేసింది. ప్రస్తుతం ఈ వాచ్ యావత్ ప్రపంచం దృష్టిని ఆకర్షిస్తోంది. సెల్‌ఫోన్ సిగ్నల్స్ లేని మారుమూల ప్రాంతాల్లో కూడా ప్రాణాలను రక్షించే సరికొత్త స్మార్ట్ వాచ్ గా ఇది అందరి దృష్టిని ఆకర్షిస్తోంది. ఇంతకీ ఈ వాచ్ లోని ప్రధాన ఫీచర్లు ఏంటీ? ఎవరికి ఉపయోగం? వంటి అంశాలను ఈ కథనంలో పరిశీలిద్దాం.
సాధారణంగా మనం వాడే స్మార్ట్‌వాచ్‌లు ఫోన్ నెట్‌వర్క్ లేదా వైఫై మీద ఆధారపడతాయి. కానీ ఈ సరికొత్త టెక్నాలజీతో రూపొందిన ఓ-బాయ్ వాచ్.. మొబైల్ సిగ్నల్స్ అస్సలు లేని అడవులు, సముద్రాలు లేదా కొండ ప్రాంతాల్లో కూడా అద్భుతంగా పనిచేస్తుంది. శాటిలైట్ ను ఆధారంగా చేసుకొని ఎప్పటికప్పుడు మీ ఉనికిని గమనిస్తూ ఉంటుంది. కాబట్టి వినియోగదారులు సురక్షితంగా ఉండొచ్చు.
ఈ స్మార్ట్ వాచ్.. టెలి, వైఫై నెట్ వర్క్ తో సంబంధం లేకుండా ఇది నేరుగా ఉపగ్రహాల (Satellites) ద్వారా సందేశాలను పంపుతుంది. కాబట్టి భూమి మీద ఎక్కడి నుంచైనా అత్యవసర సమాచారాన్ని చేరవేయవచ్చు.
మీరు ఏదైనా ప్రమాదంలో ఉన్నప్పుడు ఒక బటన్ నొక్కితే చాలు. మీ ఖచ్చితమైన లొకేషన్ వివరాలు రెస్క్యూ టీమ్‌కు లేదా మీ కుటుంబ సభ్యులకు వెంటనే ఈ స్మార్ట్ వాచ్ చేరవేస్తుంది. తద్వారా విపత్కర పరిస్థితుల నుంచి మీరు సురక్షితంగా బయటపడేందుకు అవకాశం ఏర్పడుతుంది.
బెల్జియంకు చెందిన ఈ ‘O-Boy’ స్మార్ట్‌వాచ్ తో పాటు మరికొన్ని శాటిలైట్ వాచ్ లు సైతం గ్లోబల్ స్థాయిలో అందుబాటులోకి వచ్చాయి. Apple Watch Ultra 3, Garmin Fenix 8 Pro, Google Pixel Watch 4 వంటివి కూడా శాటిలైట్ ఎమర్జెన్సీ ఫీచర్లను కలిగి ఉన్నాయి.
Also Read: Optoma Projector: వరల్డ్‌లో ఫస్ట్ టైమ్.. డాల్బీ విజన్, ఐమాక్స్ అనుభవం.. క్రేజీ ప్రొజెక్టర్ భయ్యా!
ఈ శాటిలైట్ వాచ్ లు.. కొండలు, అడవుల్లో ట్రెక్కింగ్ చేసే వారికి ఒక రక్షణ కవచంలా పనిచేస్తుంది. అలాగే నడి సముద్రంలో సిగ్నల్స్ లేనప్పుడు నావికులకు ఇది ఎంతో మేలు చేస్తుంది. గనులు, అడవుల్లో పనిచేసే వారికి అత్యవసర సమయాల్లో ప్రాణాలను కాపాడుకోవడానికి ఇది తోడ్పడుతుంది. సాధారణ స్మార్ట్‌వాచ్‌లతో పోలిస్తే ఇవి కేవలం ఫిట్‌నెస్ ట్రాకర్లుగానే కాకుండా ఆపదలో ఉన్నప్పుడు నిజమైన లైఫ్ సేవర్స్‌గా ఈ స్మార్ట్ వాచ్ లు ఉపయోగపడతాయి.
Also Read: Philips OneChef: ఫిలిప్స్ సంచలనం.. అధునాతన కుక్కర్ వచ్చేసిందోచ్.. 33 స్టైల్స్‌లో వండుకోవచ్చు!
Share
Electric Coil Stove: పాతకాలం స్టౌవ్లు మళ్లీ ట్రెండ్లోకి ! కారణం తెలుసుకుంటే షాక్ అవుతారు
India's Gas Woes: భారత్కు గ్యాస్ కష్టాలు రెట్టింపు.. చిక్కుకున్న 3.2 లక్షల టన్నుల ఎల్పీజీ, చమురు కంపెనీలకు కేంద్రం ఆదేశం
