Nord Buds 4 Pro: టెక్ ప్రియులు ఎప్పుడెప్పుడా అని ఎదురుచూస్తున్న వన్ప్లస్ సరికొత్త ఆడియో ప్రొడక్ట్ ‘Nord Buds 4 Pro’ ఫైనల్గా ఇండియన్ మార్కెట్లోకి వచ్చేసింది. ప్రీమియం ఫీచర్లను సామాన్యులకు కూడా అందుబాటులో తీసుకురావాలనే లక్ష్యంతో, వన్ప్లస్ దీని ధరను కేవలం రూ.3,999గా నిర్ణయించింది. మార్చి 23 నుంచి ప్రముఖ ఇ-కామర్స్ సైట్లతో పాటు వన్ప్లస్ స్టోర్లలో ఇవి సందడి చేయనున్నాయి. అంతేకాదు.. లాంచ్ ఆఫర్ కింద కస్టమర్లు వీటిని కేవలం రూ.3,799కే సొంతం చేసుకోవచ్చు.
ఈ Nord Buds 4 Proలో చెప్పుకోవాల్సిన ముఖ్యమైన ఫీచర్.. 55dB యాక్టివ్ నాయిస్ క్యాన్సిలేషన్. ఇది బయటి అనవసరమైన శబ్దాలను పూర్తిగా అడ్డుకుని, మీకు ప్రశాంతమైన, మ్యూజిక్ అనుభవాన్ని అందిస్తుంది. 12mm డైనమిక్ డ్రైవర్స్తో కూడిన ఈ బడ్స్, LHDC 5.0 హైరెస్ ఆడియోను సపోర్ట్ చేస్తాయి. దీనివల్ల పాటల్లోని ప్రతి చిన్న మ్యూజిక్ నోట్ కూడా ఎంతో స్పష్టంగా వినిపిస్తుంది. బ్లూటూత్ 6.0 టెక్నాలజీతో వేగవంతమైన కనెక్టివిటీ, గూగుల్ ఫాస్ట్ పెయిర్ సౌలభ్యం కూడా ఇందులో ఉన్నాయి.
Also Read: బరువు తగ్గించేందుకు.. కొండ చిలువ రక్తం, ఇదిగో ఇలా పనిచేస్తుందట!
డిజైన్ పరంగా కూడా వన్ప్లస్ ఈసారి చాలా కేర్ తీసుకుంది. పాత మోడల్ కంటే 10% చిన్నదైన, స్లిమ్ అండ్ లైట్ వెయిట్ ఓవల్ షేప్ కేస్ చేతిలో ఇమిడిపోతుంది. ఒక్కో ఇయర్బడ్ బరువు కేవలం 4.4 గ్రాములు మాత్రమే. కాబట్టి రోజంతా చెవుల్లో పెట్టుకున్నా ఏమాత్రం భారం అనిపించదు. ఇందులో ఉన్న AI అసిస్టెంట్ ద్వారా వాతావరణ అప్డేట్స్, రిమైండర్లు ఎప్పటికప్పుడు తెలుసుకోవచ్చు. మరీ ముఖ్యంగా ‘హేమెలడీ’ యాప్ ద్వారా వివిధ అంతర్జాతీయ భాషలను రియల్ టైమ్లో అనువదించుకునే ఫీచర్ యూజర్లకు సరికొత్త అనుభవాన్ని ఇస్తుంది.
బ్యాటరీ విషయంలో కూడా ఈ బడ్స్ చాలా పవర్ఫుల్. కేస్తో కలిపి మొత్తం 54 గంటల ప్లేబ్యాక్ టైమ్ను ఇది అందిస్తుంది. ఒకవేళ అర్జెంట్గా ఎక్కడికైనా వెళ్లాల్సి వస్తే.. కేవలం 10 నిమిషాల ఛార్జింగ్తో ఏకధాటిగా 13 గంటల పాటు మ్యూజిక్ వినొచ్చు. IP55 రేటింగ్తో నీరు, చెమట నుండి రక్షణ ఉంటుంది కాబట్టి.. వర్కవుట్స్ సమయంలో కూడా ప్రశాంతంగా వాడుకోవచ్చు.
Also Read: మళ్లీ వచ్చేస్తోంది అమెజాన్ ట్రాన్స్ఫార్మర్.. ఈ ఏఐ ఫోన్లో యాప్స్ అక్కర్లేదు!
Share
CM Revanth Reddy: రేపు సిద్ధిపేటలో ఆయిల్ ఫామ్ ఫ్యాక్టరీని ప్రారంభించనున్న సీఎం రేవంత్ రెడ్డి
Nagachaitanya: నా జీవితంలో ఇది ప్రత్యేకమైన ప్రయాణం.. నాగచైతన్య ఆసక్తికర పోస్ట్..
