OPPO Find X9 Series: స్మార్ట్ఫోన్ అంటే కేవలం కాల్స్ మాట్లాడుకోవడానికే కాదు.. అదొక స్టైల్ స్టేట్మెంట్ అని నమ్మే వాళ్ల కోసం ఒప్పో ఒక అదిరిపోయే న్యూస్ చెప్పింది. తమ మోస్ట్ ప్రీమియం మోడల్ Find X9 సిరీస్ను మే 21న ఇండియాలో లాంచ్ చేయడానికి ముహూర్తం ఖరారు చేసింది. ఇందులో Find X9s, Find X9 Ultra అనే రెండు పవర్ఫుల్ ఫోన్లను తీసుకొస్తోంది. మార్కెట్లో ఇప్పటికే పాతుకుపోయిన శాంసంగ్, వివో లాంటి బ్రాండ్లకు చుక్కలు చూపించడమే లక్ష్యంగా ఒప్పో ఈసారి గట్టిగానే ప్లాన్ చేసింది.
Find X9 Ultra గురించి చెప్పుకోవాలంటే ముందుగా దాని కెమెరా గురించే మాట్లాడాలి. దీనిలో ఏకంగా 200MP కెమెరాను పెడుతున్నారు. అంటే ఇక DSLR కెమెరాను మోయాల్సిన పనిలేకుండానే, ఫోన్తోనే ప్రొఫెషనల్ ఫొటోలు తీసేయొచ్చన్నమాట. దూరాన ఉన్న వస్తువులను కూడా అస్సలు క్లారిటీ తగ్గకుండా షూట్ చేయడానికి 10x జూమ్ ఫీచర్ ఇచ్చారు. ఇక నైట్ టైమ్ ఫొటోలు కూడా పగలు తీసినట్టే క్లియర్గా వచ్చేలా ఏఐ టెక్నాలజీని వాడారు. ఇన్ స్టాగ్రామ్ రీల్స్ చేసేవాళ్లకైతే 8K వీడియో రికార్డింగ్ ఒక పెద్ద వరం అని చెప్పొచ్చు.
ఇక Find X9s విషయానికి వస్తే.. ఇది చూడటానికి చాలా స్టైలిష్గా, చేతిలో ఇమిడిపోయేలా ఉంటుంది. ఇందులో మీడియాటెక్ డైమెన్సిటీ 9500 ప్రాసెసర్ని వాడుతున్నారు కాబట్టి గేమింగ్ ఆడేటప్పుడు ఫోన్ అస్సలు హ్యాంగ్ అవ్వదు. అన్నిటికంటే ముఖ్యంగా ఇందులో 7000mAh బ్యాటరీ ఉంటుందట. జనరల్గా మనం వాడే ఫోన్లలో ఇంత పెద్ద బ్యాటరీ చూడటం కష్టం. దీంతో ఒక్కసారి ఛార్జింగ్ పెడితే ఇక రెండ్రోజుల వరకు ఛార్జర్ ఎక్కడుందో వెతుక్కోవాల్సిన అవసరం ఉండదు.
Also Read: రూ.3 వేల నుంచే బ్రాండెడ్ టవర్ కూలర్లు.. ఏసీ అంత చల్లదనం, తక్కువ విద్యుత్ వినియోగం!
ఇప్పుడు ఎక్కడ చూసినా AI మాటే వినిపిస్తోంది కదా.. ఒప్పో కూడా అదే బాటలో నడుస్తోంది. ఈ ఫోన్లలో స్మార్ట్ ఏఐ ఫీచర్లను ఇస్తున్నారు. ఇవి మన అలవాట్లను బట్టి ఫోన్ పనితీరును మార్చేస్తాయి. ఫొటోలు ఎడిట్ చేయడం నుంచి ఫోన్ సెట్టింగ్స్ వరకు అన్నీ చాలా స్మార్ట్గా జరిగిపోతాయి. సింపుల్గా చెప్పాలంటే.. మీ ఫోన్ మీకంటే ముందే ఆలోచించి పనులు చక్కబెడుతుందన్నమాట.
ఇన్ని ఫీచర్లు ఉన్నాక రేటు కూడా ఆ రేంజ్ లోనే ఉంటుంది మరి. Find X9 Ultra ధర సుమారు రూ.1.3 లక్షల వరకు ఉండొచ్చని టాక్. ఇక కొంచెం తక్కువలో కావాలనుకునే వారి కోసం Find X9s మోడల్ రూ.70,000 నుండి రూ.80,000 మధ్యలో అందుబాటులో ఉంటుంది. ఇవి లాంచ్ అయిన తర్వాత అమెజాన్, ఫ్లిప్కార్ట్ వంటి సైట్లలో మనకు దొరుకుతాయి. ప్రీమియం ఫోన్ కొనాలనుకునే వాళ్లు మే 21 వరకు వెయిట్ చేయడం బెటర్ కదా.
Share
సమ్మర్లో ఆఫీసుకి వెళ్తున్నారా? మీ బ్యాగ్లో ఈ 4 వస్తువులు లేకపోతే కష్టమే!
వీడు దొంగ కాదు.. టాలెంటెడ్! సెకన్లలో కుళాయి మాయం.. వీడియో వైరల్
