POCO C85 5G: కొంత కాలంగా భారత స్మార్ట్ఫోన్ మార్కెట్లో తక్కువ బడ్జెట్ 5G ఫోన్లకు డిమాండ్ వేగంగా పెరుగుతోంది. ఈ నేపథ్యంలో.. చైనా బ్రాండ్ POCO తన C సిరీస్లో భాగంగా కొత్తగా ‘POCO C85 5G’ను ఇండియన్ మార్కెట్లో విడుదల చేసింది. ఇప్పటికే పలు కంపెనీలు వరుసగా కొత్త మోడళ్లను తీసుకువస్తున్నా.. పోకో మాత్రం ధర విషయంలో ప్రత్యేకంగా ఫోకస్ చేసింది. చాలా తక్కువ బడ్జెట్లోనే 5G నెట్వర్క్ సపోర్ట్తో ఈ ఫోన్ను అందుబాటులోకి తీసుకురావడం విశేషం. అతి తక్కువ ధరలో కొత్త టెక్నాలజీతో స్మార్ట్ఫోన్ కొనాలనుకుంటున్న వారికి ఇదొక మంచి అవకాశం.
పోకో నుంచి తాజాగా వచ్చిన POCO C85 5G ఫోన్ బడ్జెట్ సెగ్మెంట్లో బెటర్గా నిలుస్తోంది. ఇది 6.9 అంగుళాల భారీ డిస్ప్లేతో వస్తుండటంతో వీడియోలు చూడటం, ఆన్లైన్ గేమ్స్ ఆడటం లాంటి పనులకు బిగ్ స్క్రీన్ అనుభూతిని అందిస్తుంది. ఇక ఫొటోగ్రఫీ విషయానికి వస్తే.. వెనుక భాగంలో 50 మెగాపిక్సెల్ ప్రైమరీ కెమెరా ఉండగా, ముందు వైపు 8 మెగాపిక్సెల్ సెల్ఫీ కెమెరాను అమర్చారు.
Also Read: 55 అంగుళాల TCL QLEDపై మెగా ఆఫర్.. రూ.1.09 లక్షల టీవీ రూ.36,990కే వచ్చేస్తోంది!
ఇకపోతే బ్యాటరీ విషయంలోనూ POCO ఎక్కడా నిరాశపరచలేదు. దీనిలో 6000mAh కెపాసిటీ బ్యాటరీ ఉండటంతో ఒకసారి ఫుల్ ఛార్జ్ చేస్తే రోజూ మొత్తం వినియోగించుకోవచ్చు. ఈ స్మార్ట్ఫోన్కు 33W ఫాస్ట్ ఛార్జింగ్ సపోర్ట్ కూడా ఉండటం అదనంగా ప్లస్ అవుతుంది. ఇక సాఫ్ట్వేర్ పరంగా చూస్తే.. ఈ ఫోన్ Android 15 ఆధారిత ఆపరేటింగ్ సిస్టమ్పై పనిచేస్తుంది. దీంతో లేటెస్ట్ ఫీచర్లు అందుబాటులోకి వస్తాయి.
POCO C85 5Gను కంపెనీ మొత్తం మూడు వేరియంట్లలో విడుదల చేసింది. 4GB RAM + 128GB స్టోరేజ్ మోడల్ ధర రూ.12,500గా ఉండగా.. 6GB RAM + 128GB స్టోరేజ్ వేరియంట్ను రూ.13,500 ధరకు లభిస్తుంది. ఇక 8GB RAM + 128GB స్టోరేజ్ టాప్ వేరియంట్ ధర దాదాపు రూ.15,000 ఉంది. అంతేకాదు.. క్రెడిట్ కార్డ్ ద్వారా కొనుగోలు చేస్తే రూ.1,000 వరకు డిస్కౌంట్ కూడా లభిస్తుందని POCO తెలిపింది.
ఈ POCO C85 5G స్మార్ట్ఫోన్ను డిసెంబర్ 15 నుంచే ఫ్లిప్కార్ట్లో విక్రయానికి వచ్చింది. దీని గురించి సంస్థ కూడా అధికారిక ప్రకటన విడుదల చేసింది. తక్కువ బడ్జెట్లో 5G స్మార్ట్ఫోన్ కోసం చూస్తున్నవారికి ఇదొక మంచి ఎంపికగా నిలిచే అవకాశముంది.
Also Read: భారీ బ్యాటరీ, 8GB RAMతో పవర్ఫుల్ టాబ్లెట్.. వన్ప్లస్ Pad Go 2 లాంచ్కు రంగం సిద్ధం!
Share
Vande Bharat Train: వందే భారత్ రైళ్లలో లోకల్ ఫుడ్స్, ఇక లొట్టలేసుకుంటూ తినేయొచ్చు!
Gautam Gambhir: సంజును అవమానించిన గంభీర్..వాటర్ బాయ్ ని చేసి ఎలా ఆడుకుంటున్నాడో చూడండి ! !
