Poco C85 vs Redmi 15C vs Realme C85 5G Comparison| పోకో కంపెనీ ఇండియాలో కొత్తగా పోకో C85 5G స్మార్ట్ఫోన్ను లాంచ్ చేసింది. ప్రస్తుతం మార్కెట్లో ఈ ఫోన్కు రెడ్మి 15C 5G, రియల్మీ C85 5Gతో తీవ్ర పోటీ ఏర్పడింది. ఈ మూడు ఫోన్లు కూడా బడ్జెట్ 5G కస్టమర్స్ కోసమే రూపొందించబడ్డాయి. మూడింటిలో కూడా ప్రాసెసర్ ఒకేలా ఉంది కానీ డిస్ప్లే, బ్యాటరీ, ధర లో తేడాలు ఉన్నాయి. కొత్త ఫోన్ కొనుగోలు చేయాలనుకునే బడ్జెట్ జీవులు ఏది ఎంచుకోవాలో ఒకసారి వాటి ఫీచర్లు పోల్చి చూద్దాం.
మూడు ఫోన్లలో పోకో C85 5Gకు అతి తక్కువ ధరలో అందుబాటులో ఉంది. ఈ ఫోన్ బేస్ మోడల్ 4GB/128GB ధర రూ.11,999. రెడ్మి 15C 5G బేస్ మోడల్ అదే వేరియంట్ ధర రూ.12,499. రియల్మీ C85 5G అత్యధిక ధర కలిగినది. దీని 4GB/128GB వేరియంట్ ధర రూ.14,999 నుంచి ప్రారంభ ధరలో ఉంది.
పోకో, రెడ్మి ఫోన్లలో ఒకేలాంటి డిస్ప్లే ఉంది. రెండింట్లో కూడా 6.9 అంగుళాల HD+ స్క్రీన్, 120Hz రిఫ్రెష్ రేట్ ఉన్నాయి. రియల్మీ C85లో కొద్దిగా చిన్న డిస్ప్లే అంటే 6.8 అంగుళాల సైజులో ఉంది. కానీ ఇందులో 144Hz రిఫ్రెష్ రేట్, 1200 నిట్స్ బ్రైట్నెస్ ఇస్తుంది.
పోకో C85, రెడ్మి 15Cలో 6000mAh బ్యాటరీ ఉంది. రెండూ 33W ఫాస్ట్ చార్జింగ్ సపోర్ట్ చేస్తాయి. పోకోలో అదనంగా 10W రివర్స్ చార్జింగ్ ఉంది. రియల్మీ C85లో అతి పెద్ద 7000mAh బ్యాటరీ ఉంది. ఇది 45W ఫాస్ట్ చార్జింగ్కు సపోర్ట్ ఇస్తుంది.
మూడు ఫోన్లు కూడా ఆండ్రాయిడ్ 15పై రన్ అవుతాయి. పోకో C85లో హైపర్ OS 2.2 ఉంది. రెడ్మి 15Cలో హైపర్ OS 2 ఉంది. రియల్మీ C85లో రియల్మీ UI 6.0 ఆపరేటింగ్ సిస్టమ్ ఉంది. ఈ సిస్టమ్ ని కస్టమైజ్డ్ చేశారు.
మూడు మోడళ్లలో ఒకే మీడియాటెక్ డైమెన్సిటీ 6300 ప్రాసెసర్ చిప్ ఉంది. ఇది రోజువారీ పనులు, గేమింగ్లో సమాన పెర్ఫామెన్స్ ఇస్తుంది. ఇంత తక్కువ ధరలో ఇది చాలా మంచి ప్రాసెసర్.
ఈ లో బడ్జెట్ రేంజ్ మూడు ఫోన్లలో 50MP ప్రైమరీ రియర్ కెమెరా ఉంది. పోకో, రెడ్మిలో 8MP ఫ్రంట్ కెమెరా ఉంది. రియల్మీలో సోనీ IMX852 సెన్సార్ ఉపయోగించారు. కెమెరా క్వాలిటీలో చిన్న తేడాలు ఉంటాయి కానీ బేసిక్ ఫోటోగ్రఫీకి సరిపోతాయి.
మూడు ఫోన్లు 5G నెట్వర్క్ సపోర్ట్ చేస్తాయి. అన్నింట్లో USB టైప్-C పోర్ట్ ఉంది. పోకో, రెడ్మిలో 3.5mm హెడ్ఫోన్ జాక్ ఉంది. రియల్మీలో ఈ జాక్ లేదు.
Also Read: గూగుల్ ఫ్రీ రిపేర్ ఆఫర్.. పిక్సెల్ ఫోన్లలో సమస్య ఉంటే కొత్త ఫోన్ ఉచితం
తక్కువ ధర కావాలంటే పోకో C85 తీసుకోండి. MIUI ఎక్స్పీరియన్స్ కావాలంటే రెడ్మి 15C ఎంచుకోండి. పెద్ద బ్యాటరీ కావాలంటే రియల్మీ C85 తీసుకోండి. మీ బడ్జెట్, బ్యాటరీ అవసరాలను బట్టి నిర్ణయం తీసుకోండి. మూడు ఫోన్లు కూడా తక్కువ ధరలో మంచి 5G వాల్యూ ఇస్తాయి.
Also Read: ఆండ్రాయిడ్ లో ఐఫోన్ ఫీచర్స్.. 15 ఏళ్ల ఇండియన్ కుర్రాడి అద్భుత సృష్టి
Share
Bus Fire Incident: మెదక్ జిల్లా ఆర్టీసీ బస్సులో మంటలు.. ప్రమాదంలో 11 మంది ప్రయాణికులు..
Raju weds Rambai OTT: ఓటీటీలోకి 'రాజు వెడ్స్ రాంబాయి'.. స్ట్రీమింగ్ ఎప్పుడు, ఎక్కడంటే..?
