Whatsapp Ghostpairing Hack| సైబర్ మోసగాళ్లు టెక్నాలజీ వినియోగంలో దూసుకుపోతున్నారు. తాజాగా వాట్సాప్ అకౌంట్లు ఈజీగా హ్యాక్ చేసి వారి వ్యక్తిగత సమాచారం దోచుకుంటున్నారు. సైబర్ సెక్యూరిటీ నిపుణులు ఇటీవలే ఒక ప్రమాదకరమైన వాట్సాప్ అకౌంట్ హిజాకింగ్ పద్ధతిని కనుగొన్నారు. దీని పేరు ఘోస్ట్ పెయిరింగ్. వాట్సాప్ అధికారిక డివైస్ లింకింగ్ ఫీచర్ను దుర్వినియోగం ద్వారా ఘోస్ట్ పెయిరింగ్ జరుగుతుంది. హ్యాకర్లు పాస్వర్డ్ దొంగిలించకుండా, సిమ్ కార్డ్ లేదా వెరిఫికేషన్ కోడ్ దొంగిలించకుండా పూర్తి అకౌంట్ కంట్రోల్ తీసుకునేందుకు ఘోస్ట్ పెయిరింగ్ ఉపయోగిస్తారు.
సైబర్ సెక్యూరిటీ కంపెనీ జెన్ డిజిటల్ ఈ ఘోస్ట్ పెయిరింగ్ అటాక్ని గుర్తించింది. హ్యాకర్లు వాట్సాప్ అధికారిక లింక్డ్ డివైస్ ఫీచర్ను దుర్వినియోగం చేస్తారు. విక్టిమ్ ఫోన్ సాఫ్ట్వేర్ మార్చాల్సిన అవసరం లేదు. సోషల్ ఇంజినీరింగ్ ట్రిక్స్ ఉపయోగించి యూజర్లను మోసం చేసి డివైస్ లో వాట్సాప పర్మిషన్స్ తీసుకుంటారు.
ఈ దాడి గుర్తించడం చాలా కష్టం. బాధితుడికి తమ అకౌంట్ హ్యాక్ అయిందని తెలియదు. హ్యాక్ త్వరగా కాంటాక్ట్స్కు వ్యాపిస్తుంది. మీ డివైజ్ లోని కాంటాక్ట్స్ అన్నీ దోచుకుంటారు. ఇది సాధారణ ఫిషింగ్ స్కామ్ల కంటే మరింత ప్రమాదకరం.
ఈ తరహా హ్యాకింగ్ ఒక సాధారణ మెసేజ్తో ప్రారంభమవుతుంది. మెసేజ్ స్నేహపూర్వకంగా కనిపిస్తుంది. “హాయ్, నీ ఫోటో దొరికింది” అని రాసి లింక్ పంపుతారు. లింక్తో ఫేస్బుక్ స్టైల్ ప్రివ్యూ కనిపిస్తుంది. చాలా మంది అనుమానం లేకుండా ఆ లింక్ని క్లిక్ చేస్తారు.
లింక్ క్లిక్ చేస్తే ఫేస్బుక్ ఫోటో వ్యూయర్ లాగా కనిపించే ఫేక్ పేజీ ఓపెన్ అవుతుంది. వెరిఫికేషన్ స్టెప్ పూర్తి చేయమని అడుగుతుంది. ఇది నకిలీ ఫేస్బుక్ లింక్. ఫేస్బుక్ కి దీంతో సంబంధం లేదు. ఆ పేజీ రహస్యంగా వాట్సాప్ అధికారిక డివైస్ పెయిరింగ్ ప్రక్రియను ప్రారంభిస్తుంది. యూజర్ ఫోన్ నంబర్ అడుగుతుంది.
నంబర్ ఎంటర్ చేసిన తర్వాత పెయిరింగ్ కోడ్ వస్తుంది. ఆ కోడ్ను వాట్సాప్లో ఎంటర్ చేయమని పేజీ చెబుతుంది. యూజర్లు ఇది సాధారణ వెరిఫికేషన్ అనుకుంటారు. కోడ్ ఎంటర్ చేయగానే వాట్సాప్ హ్యాకర్ బ్రౌజర్కు లింక్ అవుతుంది. హ్యాకర్కు వాట్సాప్ వెబ్ యాక్సెస్ వస్తుంది.
లింక్ అయిన తర్వాత హ్యాకర్లు అన్ని మెసేజ్లు చదవగలరు. చాట్స్, మీడియా ఫైల్స్, కాంటాక్ట్స్ అన్నీ చూడగలరు. బాధితుడి అకౌంట్ నుంచి మెసేజ్లు పంపవచ్చు. ఫోన్లో యూజర్కు అసాధారణంగా ఏమీ కనిపించదు.
వాట్సాప్ యాప్ సాధారణంగా పనిచేస్తూనే ఉంటుంది. మెయిన్ డివైస్లో లాగ్అవుట్ లేదా వార్నింగ్ రాదు. హ్యాకర్లు వాట్సాప్ వెబ్ ద్వారా నిశ్శబ్దంగా పనిచేసుకుంటూ పోతారు. యూజర్లు గుర్తించడం చాలా కష్టం.
వాట్సాప్ సెట్టింగ్స్లో లింక్డ్ డివైసెస్ సెక్షన్ రెగ్యులర్గా చెక్ చేయండి. అనుమానాస్పద సెషన్స్ ఉంటే వెంటనే తొలగించండి. తెలియని లింక్స్ క్లిక్ చేయవద్దు. ఫోటోలు లేదా అత్యవసర కంటెంట్ ఉందని చెప్పే లింక్స్ నమ్మవద్దు. వాట్సాప్ కోడ్లను ఎప్పుడూ అపరిచిత వెబ్సైట్లలో ఎంటర్ చేయవద్దు.
Also Read: భీమ్ యుపిఐ స్పెషల్ ఆఫర్.. అందరికీ క్యాష్బ్యాక్.. త్వరపడండి
వాట్సాప్ సెట్టింగ్స్లో టూ-స్టెప్ వెరిఫికేషన్ ఆన్ చేయండి. ఫోన్లో బలమైన సెక్యూరిటీ ఫీచర్లు ఉపయోగించండి. నమ్మకమైన కాంటాక్ట్స్ నుంచి వచ్చిన మెసేజ్లకు కూడా జాగ్రత్త అవసరం. స్కామర్లు తెలిసిన అకౌంట్స్ హ్యాక్ చేసి ఉపయోగించవచ్చు. సెక్యూరిటీ అవగాహనే బెస్ట్ రక్షణ.
ఘోస్ట్ పెయిరింగ్ ఆధునిక మెసేజింగ్ యాప్లలోని రిస్క్లను చూపిస్తుంది. అధికారిక ఫీచర్లు కూడా దుర్వినియోగం కావచ్చు. డిజిటల్ ప్లాట్ఫామ్లు ఉపయోగిస్తున్నప్పుడు జాగ్రత్త అవసరం. అవగాహన ఉంటే డేటా చోరీని నివారించవచ్చు.
Share
Telangana Politics: బీఆర్ఎస్-బీజేపీ మధ్య ఏం జరుగుతోంది? సీఎం రేవంత్ చెప్పింది కరెక్టేనా? ప్రధాని ఎందుకు ఆరా తీశారు?
Podarillu Today Episode : మహా రెడ్ కలర్ ప్లాన్ సక్సెస్.. భూషణ్ ఒప్పుకుంటాడా..? నిజం తెలుసుకున్న చక్రి..
