Realme C85 5G Smartphone: భారత మార్కెట్లోకి కిర్రాక్ స్మార్ట్‌ఫోన్.. భారీ బ్యాటరీ లైఫ్, AI కెమెరాతో పిచ్చ క్లారిటీ!

Realme C85 5G Smartphone: భారీ బ్యాటరీ లైఫ్‌తో మంచి స్మార్ట్‌ఫోన్ కొనాలనుకుంటున్న వాళ్లకి ఇదే సరైన సమయం. ప్రముఖ స్మార్ట్‌ఫోన్ల తయారీ సంస్థ రియల్‌‌మీ తమ యూజర్ల కోసం ‘Realme C85 5G’ పేరిట కొత్త స్మార్ట్‌ఫోన్‌ను భారత మార్కెట్లోకి తీసుకురానుంది. ఈ ఫోన్ 6.8-అంగుళాల LCD స్క్రీన్, మీడియాటెక్ డైమెన్సిటీ 6300 చిప్‌సెట్ అలాగే 7,000mAh బిగ్ బ్యాటరీ వంటి ఫీచర్లను కలిగి ఉంటుందని టెక్ నిపుణులు అంచనా వేస్తున్నారు. ఈ నేపథ్యంలో రియల్‌మీ C85 5G ఫోన్ పూర్తి వివరాల్లోకి వెళ్తే..

అందుబాటులోకి ఎప్పుడు?

కంపెనీ ఈ Realme C85 5G హ్యాండ్ సెట్ 4జీబీ RAM+ 128జీబీ ఇన్‌బిల్ట్ స్టోరేజీ‌తో బేస్ వేరియంట్ ధర రూ.14,999గా పేర్కొంది. అలాగే, 6జీబీ RAM+ 128జీబీ స్టోరేజ్ కలిగిన టాప్-ఆఫ్-ది-లైన్ ఆప్షన్ ధర రూ.16,499గా నిర్ణయించింది. ఈ ఫోన్ ప్యారట్ పర్పుల్, పీకాక్ గ్రీన్ కలర్స్‌లో అందుబాటులో ఉంది. రియల్‌మీ C85 5G హ్యాండ్ సెట్ డిసెంబరు 1వ తేదీ నుంచి రియల్‌మీ వెబ్‌సైట్, ఫ్లిప్‌కార్ట్ ప్లాట్‌ఫామ్‌లో విక్రయానికి రానుంది.

ఫీచర్ల వివరాలు ఇలా..

ఈ రియల్‌మీ పరికరం HD+ రిజల్యూషన్‌తో 6.8-అంగుళాల LCD స్క్రీన్‌ను కలిగి ఉంది. ఈ హ్యాండ్ సెట్ 144Hz వరకు రిఫ్రెష్ రేట్, 1,200 నిట్స్ వరకు పీక్ బ్రైట్‌నెస్ అందిస్తుంది. 180Hz వరకు టచ్ శాంప్లింగ్ రేట్, కార్నింగ్ గ్లాస్ ప్రొటెక్షన్‌ను కలిగి ఉంది. అలాగే ఈ ఫోన్ ర్యామ్ Mali-G57 MC2 GPUతో జత చేయబడిన ఆక్టా-కోర్ మీడియాటెక్ డైమెన్సిటీ 6300 చిప్‌సెట్ ద్వారా శక్తిని పొందుతుంది. Realme C85 5G ఫోన్‌లో 6జీబీ వరకు RAM, 12జీబీ వరకు డైనమిక్ RAM, 128GB ఆన్‌బోర్డ్ స్టోరేజ్ కలిగి ఉంటుంది.

అద్భుతమైన పిక్చర్ క్వాలిటీ:

ఇక కెమెరా విషయానికొస్తే.. ఈ ఫోన్ 50-మెగాపిక్సెల్ సోనీ IMX852 వెనుక కెమెరా యూనిట్ ఉంది. ఇది 30 fps వద్ద 1080p రిజల్యూషన్ వీడియోలను రికార్డ్ చేయగలదు. కొత్త హ్యాండ్‌సెట్ సెల్ఫీలు, వీడియో కాల్స్ కోసం 8-మెగాపిక్సెల్ ఫ్రంట్-ఫేసింగ్ కెమెరాను సైతం కలిగి ఉంది. యూజర్లు 30 fps వద్ద 1080p వీడియోలను రికార్డ్ చేయవచ్చు. అలాగే ఈ పరికరం ఆండ్రాయిడ్ 15 ఆప‌రేటింగ్ సిస్ట‌మ్‌‌ను కలిగి ఉంది.

22 గంటల వీడియో ప్లేబ్యాక్:

ఇక బ్యాటరీ విషయానికొస్తే.. ఈ పరికరం 45W SuperVOOC వైర్డు ఫాస్ట్ ఛార్జింగ్‌కు మద్దతుతో 7,000mAh బ్యాటరీ లైఫ్‌ను కలిగి ఉంది. ఈ ఫోన్ ఒకే ఛార్జ్‌పై 22 గంటల వీడియో ప్లేబ్యాక్, 50 గంటల కాలింగ్, 145 గంటల మ్యూజిక్ ప్లేబ్యాక్‌ను అందించగలదని సంస్థ తెలిపింది.

కనెక్టివిటీ ఫీచర్లు:

ఈ స్మార్ట్‌ఫోన్ కనెక్టివిటీ ఎంపికలలో.. 5జీ, 4జీ LTE, USB టైప్-C పోర్ట్, డ్యూయల్-బ్యాండ్ వైఫై, బ్లూటూత్ 5.3, బీడౌ, జీపీఎస్, గ్లోనాస్, గెలీలియో, QZSS వంటి ఫీచర్లను కలిగి ఉంది. ఆన్‌బోర్డ్ సెన్సార్ల జాబితాలో ప్రాక్సిమిటీ సెన్సార్, యాంబియంట్ లైట్ సెన్సార్, కలర్ టెంపరేచర్ సెన్సార్, ఇ-కంపాస్, యాక్సిలెరోమీటర్, గైరోస్కోప్ ఉన్నాయి. ఇక డస్ట్, వాటర్ రెసిస్టెన్స్ కోసం IP69 రేటింగ్‌ను కలిగి ఉంది. ఇకపోతే ఈ రియల్‌మీ C85 5G ఫోన్ 166.07×77.93×8.38mm కొలతలు, 215 గ్రాముల బరువును కలిగి ఉంది.