Realme P4 Power vs Realme P4 Pro: రియల్మీ తాజాగా మార్కెట్లోకి తీసుకొచ్చిన రియల్మీ P4 పవర్, రియల్మీ P4 ప్రో స్మార్ట్ఫోన్లు ఫీచర్లు ప్రస్తుతం టెక్ ప్రియులను ఎంతగానో ఆకర్షిస్తున్నాయి. రూ.30వేల లోపు బడ్జెట్లో పవర్ఫుల్ పర్ఫార్మెన్స్, భారీ బ్యాటరీ కోరుకునే వారి కోసం ఈ రెండు ఫోన్లు పోటీ పడుతున్నాయి. అయితే ఈ రెండింటిలో ఏది మీకు మెరుగైన పనితీరును అందిస్తుందో ఇప్పుడు తెలుసుకుందాం.
చూడగానే ఆకట్టుకునేలా ఉండే ఈ రెండు ఫోన్లలో 6.8 అంగుళాల 1.5K రెజల్యూషన్ కలిగిన AMOLED డిస్ప్లేను అందించారు. గేమింగ్, వీడియో స్ట్రీమింగ్ కోసం 144Hz రిఫ్రెష్ రేట్ అద్భుతంగా పనిచేస్తుంది. అయితే, Pro వేరియంట్ చాలా ప్రీమియంగా ఉంటుంది. ఇది సన్నగా, బరువు తక్కువగా ఉండటమే కాకుండా చేతిలో పట్టుకున్నప్పుడు మంచి ఫీల్ను ఇస్తుంది. ఇక Power వేరియంట్ కొంచెం లావుగా అనిపించినా.. కర్డ్వ్ స్క్రీన్తో ఆకర్షణీయంగానే ఉంటుంది.
Also Read: శాంసంగ్ గెలాక్సీ S25 ప్లస్పై ఏకంగా రూ.30వేలు తగ్గింపు.. అమెజాన్లో బెస్ట్ డీల్ ఇదే!
పేరుకు తగ్గట్టుగానే Realme P4 Power బ్యాటరీ విషయంలో టాప్లో నిలిచింది. దీనిలో ఏకంగా 10,001mAh భారీ బ్యాటరీ ఉండటంతో ఈ ఫోన్ను ఒక్కసారి ఫుల్ ఛార్జ్ చేస్తే మూడ్రోజుల వరకు నిరంతరాయంగా పనిచేస్తుంది. అలాగే P4 Proలో 7,000mAh బ్యాటరీని అందించారు. ఈ రెండూ కూడా 80W ఫాస్ట్ ఛార్జింగ్ను సపోర్ట్ చేస్తాయి.
ఇకపోతే స్పీడ్, గేమింగ్ విషయానికి వస్తే.. Realme P4 Pro టాప్లో ఉంది. దీనిలో వాడిన స్నాప్డ్రాగన్ 7 జెన్ 4 ప్రాసెసర్ భారీ గేమింగ్ను కూడా సులభంగా హ్యాండిల్ చేస్తుంది. అలాగే P4 Power లోని డైమెన్సిటీ 7400 అల్ట్రా రోజువారీ పనులకు, సాధారణ గేమింగ్కు సరిపోతుంది. Pro మోడల్లో సెల్ఫీల కోసం ఏకంగా 50MP ఫ్రంట్ కెమెరా ద్వారా అద్భుతమైన ఫొటోలను అందిస్తుంది.
భారీ బ్యాటరీ బ్యాకప్, లేటెస్ట్ ఆండ్రాయిడ్ 16 కావాలంటే రియల్మీ P4 పవర్ను ఎంచుకోవచ్చు. ఒకవేళ స్టైలిష్ లుక్, మెరుగైన గేమింగ్ స్పీడ్, అద్భుతమైన కెమెరా క్లారిటీ కావాలనుకుంటే మాత్రం రియల్మీ P4 ప్రో తీసుకోవడం ఉత్తమం. ఆఫర్ల ద్వారా ఈ రెండు ఫోన్లు దాదాపు ఒకే ధరలో లభిస్తుండటం విశేషం.
Also Read: ఐకూ నుంచి రెడ్మీ వరకు.. రూ.30వేల బడ్జెట్లో పవర్ఫుల్ గేమింగ్ ఫోన్లు!
Share
Pak Economic Crisis: మేం అడుక్కుంటున్నాం.. సిగ్గుతో తలవంచుతున్నా.. పాక్ ప్రధాని షాకింగ్ కామెంట్స్
Khammam News: ఖమ్మంలో కాక రేపుతున్న మున్సిపల్ రాజకీయం.. ఓ పక్క గెలుపు వ్యూహాలు.. మరోపక్క జంపింగ్ రాజాల తంటాలు..!
